ר' יום טוב האט געשריבן:עס איז דא צוויי חלקים אין די נושא, און מען ברויך זייער נזהר זיין, ווייל עס איז א דינע שטריק וואס טיילט אפ. ווען עס איז דא א איד וואס מוטשעט זיך אויף זיין ריטעיל ביזנעס, דארף מען אים שטיצן. נישט אלע קליידונג געשעפטן זענען מיליאנערן, אסאך מוטשען זיך זייער ביודע ומקירי.
אבער.... די פרייזן דארפן מאכן סענץ. איך ווייס דו קענסט נישט בעטן 5.99 א הויזן, ווייל דאס איז דיין קאסט, און עס קומט נאך צו הוצאות ווי רענט, פעיראל, אדווערטייזינג, יוטיליטי'ס, א.א.וו. איך בין גרייט צו צאלן $20. עס מיינט אבער אויסדריקליך נישט אז ווייל מיין ווייב איז יעצט דעספרעד פאר די סטייל דאסטער וועגן די שוועגערן האט באשלאסן אז דעיס איז יעצט אין, און איך קען נישט זאגן ניין, קענסטו יעצט בעטן $245+ פאר די שטיקל צוקנייטשטע סטאנינג סינטעטישע פלאסטיק לכבוד יו"ט.
נאך עפעס. עס איז דא אזא מין זאך ווי מען צאלט טייער פאר געוויסע אייראפישע ברענדס, בעיקר ביי קינדער קליידונג. עס איז זייער א פארשטענליכע זאך, ווילסט די ברענד לעיבל, דאן צאל די פרייז. פאר א העמדל וואס קאסט נארמאל $18 קען מען אזוי באצאלן $85 בלויז ווייל עס האט די דאזיגע פירמע לעיבל. אבער די לעצטע פאר יאר איז אנטשטאנען א נייע דערהער, אנהויב האב איך נאך געלאכט דערפון. עס איז דא "היימישע ברענדס". דהיינו, א קליידער געשעפט וואס איז שוין א צייט אין ביזנעס, און זיי ווערן פאפולער ביי די היימישע קרייזן, באשליסן אז זיי מאכן א אייגענע ברענד. מען אינוועסטירט אין פרויען מארקעטינג און זיי בעטן דערנאך ממון ודמים וואס מאכן נישט קיין סענץ. זיי קענען בעטן 4 מאל די פרייז פארן זעלבן פראדוקט פון די געשעפט אקעגן איבער, און יעדער וועט קויפן בלויז ביי זיי, ווייל דאס איז די "ברענד".
כל פנים, מיט פארגעניגן וועל איך צאלן $42 פאר די סניקערס אין א לאקאלע געשעפט, טראץ וואס אנליין קען איך עס טרעפן פאר $34.
צום אלעם ערשט וויל איך זאגן אז איך פיל דיין ווייטאג,
די ברענגסט דאך ארויס מורא'דיג קלאר דעם לאוו עכברא גנב אלא חורא גנב,
און איך האב גראדע הנאה פון דעם געשעפטסמאן
ווילסט זיין משוגע און קויפן עפעס וואס זעט אויס עקעלדיג אבער ס'איז אין סטייל און אפילו לעפקאוויטש יאקאבאוויטש און שמילאוויטש טראגן עס שוין מוז דאך זייין אז ס'איז העעערליך שיין, פיין און וואויל אבער דאס קומט מיט א פעטן פרייז
עס דערמאנט מיר א מעשה בשעת קאראנע איז דער בארימטע מכובדיגע באלעבאטישע זאל קאנטינענטעל געווען פארשפארט און 99% מחותנים האבן פארשטאנען און זיך געזוכט אנדערע קליינע זאלן אדער גאר דיינונג ראמס, איז אבער געווען איין מחותן וואס האטצעך מוארדיג גע'עקשנט אז ער מיזזזזזזזז חתונה מאכן דווקא אין קאנטינענטעל אז נישט ווער ווייסט צו די קידושין וועט קענען חל זיין,
נו האטער אויסגעפירט אבער מיט אזא געשוואלענע פרייז אז ס'איז געגאנגען א רויעך