אינטעליגענט האט געשריבן:צום זאך האט געשריבן: צוויי אויסדריקן וואס איך פארשטיי נישט פון ווי ס'נעמט זיך; (נישט אז כ'ווייס נישט ווען מ'נוצט עס..)
"גיי דיר ווי די שווארצע פעפער וואקסט"..
מה זה?..
גוגל קען מיר נישט טרעפן אזא דעסטינאציע...
דאס איז אן איזאלירט פלאץ, מעגליך וועגן די שארפע גערוך. על כן איז עס א פאסיגע פארשיקונגס ארט.
איך האב געטראפן די זעלבע פראגע אין א בריוו צו די מעלות פון א פרוי וואס האט זיך געלערנט אידיש בלויז דורך די מעלות. אבער די מעלות האט נישט געענטפערט אויף די ספעציפישע פראגע.
דער ענטפער איז אז אין שריפט איז אריינגעפאלן א טעות. דאס ווארט איז "א ווי די שווארצע פעפער וואקסט", וואס היינטיגע צייטן זאגן מיר אין אזא פאל "וויאזוי", (און ירושלים הערט מען נאך פרעגן אויפ'ן אמאליגן שטייגער, "א ווי הייסט איר?"). דער ווי איז וויאזוי, און נישט וואו אלץ א לאקעישן.
און דער הסבר דערפון איז, אז דער שווארצער פעפער בוים וואקסט ווי א וויין-גארטן, ווי א דינע לויפנדע שלאנג, און ווערט 40 פיס לאנג, און אין א גוטע קלימאט (נישט קיין דירעקטע זון, בערך 62 פערנהייט מיט זייער אסאך יומידיטי), וואקסט עס גאר שנעל אויך. זיי פלעגן געבן א דעק איבער א הייזקע און א גאר קורצע צייט, אויב מ'האט נישט אנגעגרייט די האלצערנע שטאנגען אויף וואס זיי זאלן זיך ארויפדרייען, פונקט ווי א וויינגארטן.
איז דער אויסדרוק געווען, אנטלויף אזוי שנעל און ווייט אזויווי דער שווארצער פעפער וואקסט…
מיין טאטע האט אמאל געזאגט פאר מיין ברודער אז לטותא דרבנן איז א געפערליכע זאך, על כן ווען דו זעסט א רבי'ש אייניקל וואס איז אויפגעשטאנען אויף די לינקע זייט, אנטלויף פון אים ווי דער שווארצער פעפער וואקסט…, און מיין ברודער טראכט א סעקונדע, און רופט זיך אן: און וואס טוה איך ווען איך קום אן וואו די שווארצע פעפער וואקסט, און איך טרעף אפאר אנגעצויגענע רבי'שע אייניקלעך זיך דרייען דארט?
מיין טאטע לאכט נאך יעץ...