בועז האט געשריבן:דאס איז אמאל זיכער אז ליפא איז א מוזיקאלישער זשעני. עס ליגט דא אסאך מחשבה הן אין די קאמפיזיציעס הן אין די מוזיקאלישע ארענזשירונגן און הן אין די קאמישע חידושים וועלכע באגלייטן די ניגונים.
דאס איז כאטש וואס נישט אלע זיינע ניגונים כאפן אן אויער ביי יעדן חובש בית מדרש. איך וויל זיך אבער אפשטעלן אויף אן אנדערע נקודה, און דאס איבער די רעיונות פון די ניגונים זעלבסט ווי אויך בנוגע די ווערטער אויסוואהל. עס איז ממש א שאד אז אזא פראיעקט וואס קאסט אפ שווערע צענדליגע טויזענטער דאללאר אז עס זאל ארויסקומען א דבר השלם און דוקא אינעם הינזיכט פון רעיונות איז עס היבש אמעראציש לענ"ד ואפרש דברי, קמא קמא דמטי לידי.
טאטע געב א ציקערל פאר דיין ציקערל, מאמע געב א ציקערל פאר דיין ציקערל. זייער מאדנע אראפגעלייגט, כלל ישראל איז טאקע זיס אבער אויב בעט מען פון באשעפער א ציקערל דאן זיי נישט תוך כדי דיבור ממשיל כלל ישראל צו א ציקערל. דאס א חוץ דעם וואס איך בין נישט באגייסטערט מיט'ן משל. ווייטער וואס איז דאס די מאמע? וועלכע תפילה אין כלל ישראל איז מיוסד צו בעטן צו די מאמע? יא אה"נ עס איז דא אבא ואימא, יא אין קבלה איז דא דער ענין פון מייחד זיין קוב"ה ושכינתיה, אבער צו מאכן א תפילה אויף אזא הייקעלער ענין צו רעדן איבער טאטען און מאמען בחדא מחתא קען זיך גרעניצן כאלו מ'איז מתפלל לשתי רשיות, ממילא דאס ברויך זיכער א באשטעטיגונג פון א ת"ח. (אפשר האט ער?)
דאס צושטעל פון ניסוך המים מיט נוסח התפילה האט נישט קיין שום הסבר סיידן די אמעראצישע צושטעל פון די צוויי ענליך ארויסגעזאגטע ווערטער ביי טייל מענטשן וואס רעדן א געוויסע הברה און אויך אויב מ'איז נישט מקפיד ארויסצוזאגן מיטן ריכטיגען ניקוד. און פארשטייט זיך אז די צוויי האבן אויך נישט קיין שום געדאנקן פארבינדונג.
דאס דארפן נאר די משקה הרים מעליותיו האט נישט קיין שום הסבר. דוד המלך שילדערט דעם באשעפער'ס וואונדער ווי ער פירט די וועלט, צעווישן אנדערע טרונקט ער אן די בערג פון די הייעך מיט רעגן. אלזא וועלכע משקה (געטראנק) דארף ער ? משקה אין פסוק באציט זיך אויפן אייבערשטען וואס טרונקט אן מיט רעגן אלזא ער דארף דעם אייבערשטען אדער די רעגן ? מאדנע צושטעל.
בכלל בין איך נישט קיין גרויסע חסיד פון ווערטער וואס ווערן ארויסגעזאגט אויף אן אופן וואס קיינער נוצט זיי נישט. קוק'ל. ריפלעקטאר'ל, נאש'קע. כ'האב נאך פארשידענע קריטיק, גענוג אויף ביזדערווייל. מיין פארשלאג, געב אייביג איבערציקוקן אזא פראיעקט אויך פאר א יודע ספר.
האסט ממש אידענטעפייד מיין געפיל איבער דאס אמערא... הגם צו גראמען פארשטיי איך גאנץ קנאפ..
אבער נאכדעם האבעך מיר געמאכט א חשבון.. געווענטליך גלייך איך נאר צוויי דריי ניגונים פון רוב עווריטש נייע אלבומס..
דא איז עס פארקערט, איך גלייך אלעס, אחוץ דריי ניגונים,
שוין.. העמיר פארקוקן אויף די דריי ניגונים וואס מאכן נישט קיין סענס..
#א כפרה א כפרה...