ביטע נישט ליינען דעם ארטיקל!!!!

[שמערי בערי]

ביטע נישט ליינען דעם ארטיקל!!!!

עס איז פארהאן דא א גאר גרויסע, געהיימע, וויכטיגע, פראפעסיאנאלע, אינטערנאציאנאלע, לעגאלע, מעכטיגע, פארבארגענע סוד, וואס קיין מענטשליך אויג טאר נישט קוקן זעהן הערן וויסן שמעקן שפירן טראכטן רעדן.

ניין!! ליין עס נישט!!

פארוואס ליינסטו נאך וואס איך שרייב??

איך האב דיר געהייסן אויפהערן! אבער שוין!

און דו ליינסט נאך????

א חוצפה....

פארוואס ביסטו בכלל אריינגעקומען? אז ס'שטייט מיט קלארע גרויסע ווערטער אז דו זאלסט עס נישט ליינען?, און אז דו האסט שוין עובר געווען און געקוקט ביז אהער, פארוואס כאפסטו נישט הענט און פוס און אנטלויפסט פון דא מיט פארמאכטע אויגן?

וואס איז פשט פון דעם?, דו קענסט נישט קיין אידיש?, אז איך האב דיר געהייסן נישט ליינען פארוואס ליינסטו ווייטער? הא?.

יא, ווייל דו ביסט א מענטש, און דו ביסט נייגעריג, און ווען מען זאגט דיר נישט ליינען וועסטו דוקא יא ליינען...

ווען איך וואלט געשריבן "פליז ליינט די ארטיקל" וואלסטו עס אפילו נישט אנגעקוקט! נישט אזוי?

אבער אז איך האב דיר יא געהייסן ברחל בתך הקטנה נישט ליינען, קענסטו מיר נישט טון א טובה און אוועק קוקן?

נו, אז דו ווילסט אזוי שטארק, וועל איך דיר דערציילן מיין סוד, אבער, ביטע ליין עס נישט...

ניין! איך קען דיר נישט דערציילן די סוד, איך האב מורא אז דו וועסט עס איבער דערציילן. דו זאגסט מיר צו אז נישט? אבער איך קען דיר נישט טראסטען! אפשר וועסטו דיר נישט קענען איינהאלטן אזוי ווי דו קענסט דיר נישט איינהאלטן די נארישע תאוה פון צו ליינען וואס דא שטייט.

אלזא, ווען איך וועל דיר ענדיגן דערציילן דעם סוד, וועסטו פארגעסן וואס איך האב דיר געזאגט?

זיכער אז נישט! דו וועסט עס גיין אויספלוישן אין אלע גאסן, איך ווייס! דו האסט נישט קיין כח המעצר, און אז דו קענסט דיך נישט צוריק האלטן פון אזא פשוטע זאך ווי נישט ליינען דעם ארטיקל, קען איך דיר עס טאקע נישט פארציילן.

וועסטו אוודאי קומען ווי א אויבער חכם און זאגן: איך האב נישט געליינט דיין ארטיקל, יעצט דערצייל מיר דיין סוד.

וועל איך דאך וויסן אז דו האסט עס יא געליינט, ווייל והא ראי' אז דו ווייסט אז איך האב א סוד.

אקעי, אויב דו וועסט שוין סטאפן צו ליינען, וועל איך דיר עס נאך מוחל זיין און פארציילן.

אבער דערווייל ליינסטו נאך מיט א פארכאפטן אטעם.

דו ביסט נייגעריג, הא?

ניין! יעצט טאר איך דיר עס שוין נישט דערציילן, אפילו אויב דו וועסט יעצט אויפהערן צו ליינען.

איך וועל קוקן וויפיל צופיות דער ארטיקל האט געהאט!, אויב וועט עס בלייבן ביי 0 וועל איך דיר קענען דערציילן די סוד (פארשטייט זיך אז איך אליינס וועל אויך נישט קוקן וואס דא שטייט).



זאג נאר, דו ליינסט נאך.....??

[וויכטיג מאכער]

איינער ווייסט וואס שמערי לאזט נישט ליינען? כ'בין זייער נייגעריג!

ווער ס'ווייסט זאלעס ביטע איבער שרייבן, כ'זאלעס מעגן ליינען,

שמערי אפשר דאך מעגעכעס ליינען?

אבער איין זאך, דיינע איידיעס ווערן בעסער און בעסער יעדע מינוט!

קיפ איט ראולינג! וויכי.

[שמערי בערי]

א חופה! כ'הא געזאגט נישט ליינען און ער שרייבט מיר נאך צוריק?... נו נו!
שוין דא 10 צופיות!
מאשקע, דו וועסט מוזן גענצליך אפשפארן דעם אשכול!!!!!!!!!

[קרעמער]

שטעלסט דעם קאץ היטן די מילך? זיין אייגענע אשכול קען ער נישט היטן...

[געפילטע פיש]

אויף מ'סארי, כ'האב געמיינט אז דו ווילסט מיר דערציילען די סוד, האסט מיר אויסגעשפילט...

[קאניאק]

א מיסע ווארט (-----)

[איך_הער]

דו מיינסט טאקע אז כאבעס געליינט, ווייל כ'בין נייגעריג, עה, כאבעס פלעין געליינט, ווייל ס'פאסט מיר נישט, דיר צו פאלגן, און נישט רעדער יעצט איין, אז ווען דו וועסט מיר הייסן יא ליינען, עלעך אויך נישט פאלגן, און איך וועל נישט ליינען, כ'וועל טוהן וואס אימער איך וויל, דאסיעס, האסט פארשטאנען, לערן דיך אויס, מ'טיילט נישט איין יענעם וואס צו טוהן.

שכוח, נהניתי.

[מאשקע]

א חופה! כ'הא געזאגט נישט ליינען און ער שרייבט מיר נאך צוריק?... נו נו!
שוין דא 10 צופיות!
מאשקע, דו וועסט מוזן גענצליך אפשפארן דעם אשכול!!!!!!!!!

איך שפאר עס אפ, זייער גערן, אבער קודם זאג מיר פון וועמענס חופה דו רעדסט...

[זיידעניו]

די דערמאנסט מיר פון די WET PAINT טאוועל וואס מיט דעם האט די פאליציי מצליח געווען צו באקומען אלע חרידישע פינגער אפדריקן.

יישר כחכם איך האב מיר געפילט מיט די מים גנובין סחורה אזש געשמאק און יעצט דארף איך שוין נישט דיינע סודות ס'מער גענוג דאס,,

[farshlufen]

שמערי,
נאר דעם ארטיקל, אדער אלע דיינע אנדערע אויך?

[שמערי בערי]

איך ווייס נישט פונקטליך, אבער צוויי זיכער, די, און די פון מאשקעס פארשפארטע אשכול

[סאכדעס]

איך לייען נישט.

[דארפסמאן]

נאר וואס טוסטו ? די קוקסט נאר מיט די אויגען

[שמערי בערי]

א מיסע ווארט (-----)

חס ושאלאכץ

[וויכטיג מאכער]

א חופה! כ'הא געזאגט נישט ליינען און ער שרייבט מיר נאך צוריק?... נו נו!
שוין דא 10 צופיות!
מאשקע, דו וועסט מוזן גענצליך אפשפארן דעם אשכול!!!!!!!!!

שמערי, וואס גייט פאר מיט דיר? וואס באלט דיר פיי אז כ'האבעס געליינט? דו זעהסט נישט וואס כ'שרייב?

איינער ווייסט וואס שמערי לאזט נישט ליינען? כ'בין זייער נייגעריג!

ווער ס'ווייסט זאלעס ביטע איבער שרייבן, כ'זאלעס מעגן ליינען,

יעצט מעגעכעס שוין ליינען?

אה! און דעי צען צופיות, האבן נישט געליינט דיין ארטיקל, זיי האבן געליינט מיין תגובה!

[3x0]

חחחחח, קענסט מיר אויך רעכענען פון די וואס האבן דיר נישט געפאלגט...

[ברוך]

ערעב בערל, נעקסטיים אז דו ווילסט נאמת אז מען זאל דאס נישט לייענען, שרייב נישט ביטע, אזוי שיין,
נאר קום מיט אן אזהרה, נישט אז דעמאלטס וועט עס יא העלפן...............

[צייטליך]

נאכן דורכליינען דער ארטיקל זעה איך דאך יא ווי גערעכט דער שמערי איז. וואספארא סודות מ'ווערט דא געוואויר....

האמת אגיד, דער ארטיקל האב איך - טראץ אלע אזהרות, חרמים, איסורים וקנמות - געהעריג געליינט מהחל ועד כלה, אלעס, דורך און א דורך , אין אידיש געזאגט "מ'דאשקע ל'מאשקע" אלעס! ס'גאנצע זאך.

איי וועט איר פרעגן פארוואס? ווי טאר מען טוען אזא זאך? עס שטייט דאך ריזיגע ווערטער אויפן טיר אז עס איז נישט ערלויבט צו ליינען דער אשכול, טא, ווי טרוי איך מיר עובר צו זיין אויף אן אפענער מצות לא תעשה??!!

די תירוץ איז פשוט. ווער עס האט שוין געליינט אן ארטיקל פון שמערי'ן ווייסט אליין דער תירוץ, אויב שטייט ביים קעפל אז ער איז דער ערפינדער און מייסד פון דער אשכול, און נאכדערצו אויב זעט מען אז דאס איז א געהעריגער ארטיקל, קען מען נישט ארויסגיין פון דארט אומגעליינטערהייט. די וואס ווייסן וויייסן!

[סאכדעס]

נאר וואס טוסטו ? די קוקסט נאר מיט די אויגען

כ'בין נישט אזא לץ ווי דו, כאבעס ערענסט געמיינט, ער בעט נישט לייענען לייען איך נישט.

[דארפסמאן]

איף זעי טאקע

[איזאק]

ביסט גוט שמערי, אזעלעכע געהיימע סודות ארויסצוגעבן אין פובליק ? סי מיט דיר.

[וואס]

א בייפאל פון א אשכול, נישט שלעכט.

[שמערי בערי]

וואס איז פשאט פון אזא גראבע אפענע העזה??????????????????? געהייסן נישט ליינען, און דר'עולם האלט שוין ביים צווייטן בלאט תגובות? ס'פשט?

נו נו! איך וועל ענק נישט אויסזאגן "קיין איינע" פון מיינע סודות!!!!!

למשל דעם סוד אז איך הייס באמת נישט שמערי בערי, איך בין פרעזידענט בוש, און איך וול פשוט זעהן וואס די קרעטשמעריסטן שראבן אויף מיר, דאס וועל איך ענק קיינמאל נישט דערציילן!

אזוי אויך וועל איך ענק נישט דערציילן.... אקעי, שוין צופיל גערעדט, מ'עט דאך מיר באלד כ'וויל נישט זאגן וואס.

איר האלט למשל אז די לעצטע שורה פון דא איז נארמאל??? פרעג איך אייך, אזוי פירט איר זיך אויף צו מיר? דאס איז הכרת הטוב אז געז קאסט נישט קיין 10 נאר 5$???


נא נא....

[ברוך]

פארוואס? [גייט ארויף אויפן קעפל]

[שמערי בערי]

ס'א חילוק?