איך בין געווארן ''אויפגעקלערט''... ווילט איר אויך ווערן?!

אפהאנדלונגען און דיסקוסיעס בענינים העומדים על הפרק

די אחראים: יאנאש,אחראי,געלעגער

איש החסד
שר חמישים ומאתים
תגובות: 421
זיך איינגעשריבן אום: דאנערשטאג אקטאבער 13, 2016 11:37 pm
לאקאציע: בבית ה'

  • ציטיר
  • צו לייגן א דאנק דארפט איר זיין אריינגעלאגט

תגובה דורך איש החסד »

אויב ווילט איר נאך אז דער אשכול זאל האבן א קיום, דאן הערט אויף רעדן פון יחידים.!
צום פוינט
שר חמש מאות
תגובות: 500
זיך איינגעשריבן אום: דינסטאג יאנואר 05, 2016 2:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך צום פוינט »

קעלנער האט געשריבן:
וויל וועלן האט געשריבן:דער קרעטשנופער רבי זצ"ל האט גוט געקענט תניא (און עס איז גאר מעגליך אז ער האט דאס אנגעהויבן צו לערנען שוין זייענדיג אין ארץ ישראל), וועלכע נאך "זייער אסאך" אונגארישע רבנים האבן געקענט תניא ישר והפוך?!

אז דו ווייסט נישט דעמאלט פארוואס רעדסטו בכלל דא אריין?

לידיעה בעלמא : שמעתי מידידי וואס איז געווען זייער נאנט מיט הרה"גהח ר' שמעון ווייס ז"ל [מעיר סאטמאר] אז ער האט אים אמאל געפרעגט איבער לימוד ספ"הק ליקוטי אמרים האט ער אים גענטפערט און סאטמאר אינדערהיים זענען געווען אין ביהמ"ד אזויפיל תניא'ס ווי סידור'לעך
מצלמה
שר האלף
תגובות: 1636
זיך איינגעשריבן אום: זונטאג יאנואר 25, 2015 7:37 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מצלמה »

לדעתי דאס וואס סאטמארער אידן גייען לרעות בשדות אחרים איז: ווייל עס איז ליבעראל.

אין סקווירא, וויזניץ, צאנז, גור, באבוב ובעלזא איז ביהרוג ואל יעבור צו זוכן אן אנדערן דרך בעבדות ה׳.

נאר סאטמאר איז ברייט אפען לכל דורש ומבקש צו גיין וואו אימער עס גלוסט אים, און קען רואיג ווייטער שיקן די קינדער אין די אפיציעלע מוסדות.

וזהו המציאות.
סארקאזי
שר האלף
תגובות: 1657
זיך איינגעשריבן אום: מאנטאג פעברואר 08, 2016 8:49 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סארקאזי »

מצלמה האט געשריבן:לדעתי דאס וואס סאטמארער אידן גייען לרעות בשדות אחרים איז: ווייל עס איז ליבעראל.

אין סקווירא, וויזניץ, צאנז, גור, באבוב ובעלזא איז ביהרוג ואל יעבור צו זוכן אן אנדערן דרך בעבדות ה׳.

נאר סאטמאר איז ברייט אפען לכל דורש ומבקש צו גיין וואו אימער עס גלוסט אים, און קען רואיג ווייטער שיקן די קינדער אין די אפיציעלע מוסדות.

וזהו המציאות.



נאך א סבה וזהו גם אמת,
אז דער סאטמארער רבי זי''ע האט אויסגריסען פון זיינע חסידים די בלינדע אמונת צדיקים (עכ''פ פראמאטעט האט ער עס זיכער נישט) איר קענט די תורה בימים ההם אין מלך בישראל ''איש כל הישר בעיניו יעשה'' הא מהאט אייך נישט אויסגעזאט דע תורות???
ממילא א סאטמארער האט א אביעקטיווע בליק אויף אן ערליכע איד, וא''א להאריך יותר ודו''ק
א פרוי, א קינד, און א נאר, פארשטייען נישט קיין סארקאזעם, וועלכע זענט איר?
מעלות
שר חמישים
תגובות: 68
זיך איינגעשריבן אום: זונטאג נאוועמבער 30, 2014 6:17 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מעלות »

הרב אוהב שלום.
קודם וויל איך זיך באדאנקען פאר דיינע באשרייבונגען, ס'איז א הערליכע ארבעט איך האב מורא גיהאט מ'וועט דיך פאריאגן אבער ב"ה די גייסט אן ווייטער חזק. א גרויסער עולם טרעפט זיך אין דיינע ווערטער וגם אני הק' בתוכם נאר אויף אן אנדערען אופן מער אלס שמח בחור בילדותך נישט אלס עבודה הגם ס'איז שוין נישט בחור אויך נישט בילדותך אבער נאך אלס "שמח", מ'הייבט הערשט אן צו פארשטיין ווען מ'האלט ביי מה שאירע ליעקב אירע ליוסף. איך קען זאגן אז היינט צוטאגס איז 80% פון מיין עבודה איז מתי יגיע מעשי למעשי אבותי אין תש"17.
נאך א נקודה עצה טובה קמ"ל אז נעקסטע מאל ווען די האסט גוטע געדאנקען לייג עס ארויף אויף אנדערע גוטע אידן נישט אויפן רבין זצ"ל, ווייל עס איז דא אסאך וואס האבן allergy reaction יעדער מיט אן אנדערען תירוץ, א חלק פון זיי פארשטיי איך ווייל זייער דעת איז געהיידזשעקט ביי ארגענטינא'ער און קוממיות'ע אידן וואס אויף זיי האב איך נישט קיין טענות (ביטע נישט מגיב זיין אויף דעם סטעיטמענט) דער עיקר איז יעדער זאל ארבעטען אויפן מהלך פון מתי יגיע מעשי למעשי אבותי און מ'וועט דארט טרעפן א תורה שלימה.
א גרויסן ייש"כ פאר דיין ארבעט און ביטע שרייב מער אפטער.
פרידן
שר האלפיים
תגובות: 2806
זיך איינגעשריבן אום: מיטוואך דעצעמבער 02, 2015 7:37 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך פרידן »

בלעטל האט געשריבן:גראדע ביי קלוגער דרייען זיך אסאך נישט סאטמארע..
סאטמאר איז סתם אזוי זייער א גרויסע פאפולאציע פיל מער ווי אסאך אנדערע חסידותן צוזאמען, דאס איז קודם כל.
צווייטנס, אנדערע חסידותן זענען געבויעט ווי א ארגאנעזאציע וואס יעדער איז א חלק דערין, אויפגעבויט סיי בגשמיות אזוי און אריינגעפרעגלט אין די איגנט אזוי, פרעג דיר נאך וואס געשעט אין בעלז וויזניץ ווען איינער גייט קיין .. ס'איז ווי א סאסייעטי פאר זיך.
סאטמאר איז אן אנדער סארט מקום געווען, נישטא די אלע זאכן.

100% סאטמאר איז א אנדער מציאות אינגאנצען, סאטמאר איז מער ווי א שטאטס רב א מנהיג אינדערהיים זארגען זיך פאר אלע פראבלעמען שטעלן צו אלע הצטרכטות'ער פין בוטשער ביז מצה בעקערי אלעס דרייט זיך נישט ארום די חסידות, ווען מען זאגט אויף איינעם אז ער איז א עכטע סאטמארער, וועט עס מיינען די שיטה געבן געלט חינוך הטהור וכו קאכן רבינס תורות, אין ערגעץ אנדערשט אז מען זאגט אז ער איז א עכטע ...... מיינט עס אז מען פארפאסט נישט קיין טיש אין קוויטל זיך 10 מאל א יאר
אין סאטמאר קען א דיין פין א אנדער שטאט קומען פירן הקפות אפאר בלאקס אוועק פין די רבי, ערגעץ אנדערש וואלט שוין יענער נידון געווארן כמעט למיתה
אוועטאר
מה פתאום???
שר ארבעת האלפים
תגובות: 4402
זיך איינגעשריבן אום: דאנערשטאג יולי 09, 2015 5:16 pm
לאקאציע: עיה״ק צפת

  • ציטיר
  • צו לייגן א דאנק דארפט איר זיין אריינגעלאגט

תגובה דורך מה פתאום??? »

דענק און דאנק רעדט צום דבר! ייש"כ
אוהב שלום
שר חמישים ומאתים
תגובות: 414
זיך איינגעשריבן אום: פרייטאג אקטאבער 28, 2016 5:00 pm

א חסידות, א קהלה, אדער א שטאט,...??! ניין, דאס איז ''כלל ישראל''.!!!

  • ציטיר
  • צו לייגן א דאנק דארפט איר זיין אריינגעלאגט

תגובה דורך אוהב שלום »

בס''ד

חברה, זעצט אייך אנידער אויף די פלעצער, גארטלט אייך אן, מיר לאזן זיך ארויס אויף די רייזע,, מיר גייען אי''ה היינט אנקימען צום ענדגילטיגן פונקט אויף וועלכע מיר האבן שוין אזוי לאנג געגארט..!

איך האב אמאל געפרעגט עמיצן: זאג נאר, וואס איז ''סאטמאר'', א 'חסידות אדער א 'קהלה'..? ער הייבט אן זיך קראצן דעם שטערן, דרייען דעם בארד, מאכט מיט די אויגן אזא שארפע בליק (אגב: האסט שוין אמאל באמערקט אז די אויפגעקלערטע קיקן מיט זייער שארפע אויגן...), און דאן ווען איך באמערק אז ער בייגט איין דעם גראבן פינגער זיינעם מיטן ציל צוציקימען צום ווארט גיב איך אים א זאג, ווייסטו וואס, איך וועל דיר דאס אליין פארענפערן און דערנאך זאג מיר אויב איך בין גערעכט... מסכים?? יא, מסכים!! פיין, איז אזוי: סאטמאר איז נישט קיין 'קהלה' און אוודאי נישט קיין 'חסידות',, נאר וואס יא, סאטמאר איז א שטאט אין אונגארן... פינטל.!

ניין, ניין, איך טיה נישט אין קיין בדחנות און מיינט נישט אז כ'מאך א ווערטל, איך מיין עס אסאך ערענסטער ווי איך זאג עס. און האפענטליך נאכן ענדיגן דורכלייענען דעם דאזיגן גאנצן שמיעס וועט איר אויך האלטן אקוראט אזוי.!!!

איך וועל אנהויבן מיט א געוויסע שארפע סטעיטמענט, איך וויל אבער גלייכצייטיג מקדים זיין אז די פאקט וואס די סטעיטמענט ברענגט ארויס איז לאו דוקה אמת, און איך ציל בלויז ארויסצוברענגען די נקודה שבו, וואס כ'האף איר וועט דאס גיט פארשטיין.: עס האט געזאגט אמאל א גרויסער עסקן וואס איז עוסק מקרב צו זיין גרים זאלן זיך געפינען דאס פלאטץ צווישן די היימישע קרייזן, אז א גר האט זיך אים אמאל אויסגעדריגט מיט אט דעם לשון: ''אז איך בין שוין יא א איד, וועל איך בעסער זיין א חסיד! און אז איך בין שוין יא א חסיד, וועל איך בעסער זיין א סאטמאר'ער חסיד!''

איך בין זיכער אז די וועלכע האבן יעצט געענדיגט לייענען די צוויי פריערדיגע סענטענס'עס וואלטן מיר יעצט אריינגעשריגען (עכ''פ ווען עט'ס קענט'ס ווען): ''@אוהב, איז האסט דאך ביז איצט געשריבען אזוי צום זאך, וואס האט דאס פאסירט מיט דיר אז דו האסט זיך גענימען שרייבען אזוינע אימרעאליסטישע ווערטער וואס האבן דאך ניטאמאל קיין שום זין''

איך בעט אייך אבער, זייט אזוי גיט און ענדיגט לייענען עד הסוף און דאן וועלן מיר שוין זעהן ווי אומרעאליסטיש כ'האב געשריבען.!

טראץ וואס איר זענט נישט קיין היסטאריקער וועט איר פילייכט קענען ענפערן די דאזיגע פראגע'ס:
צי איז דער רבי מלובלין געווען דער 'רב' אין די שטאט לובלין? צי איז דער מגיד הגדול געווען דער 'רב' אין די שטאט מעזריטש? צי איז דער בעש''ט געווען דער 'רב' אין די שטאט מעזשוביז?
וואספארא פראגע, זיכער אז נישט! זיי אלע זענען דאך בלויז געווען א רבי פאר חסידים אבער נישט קיין עמטליכע שטאט'ס רב! נו, טאקע דערצו האב איך געוואלט צוקימען וויבאלד לפי זה קומט דאך אויס אז דאס זענען צוויי גענצליך באזונדערע פונקציע'ס און ס'האט קיין שייכות נישט די צוויי. א רב אין א שטאט דארף זעהן זיכער צומאכן אז 'זיין' שטאט זאל זיין ראי' פאר ערליכע אידן צו וואוינען דארט, וואס דאס נעמט אריין לדוגמה אז ער דארף זיכער מאכן אז די פלייש אינעם יאטקע זאל זיין אויסגעהאלטן בתכלית הכשרות. און ווי אויך דארף ער ענפערן פאר די שואלים וואס קימען מיט זייערע שאלות צום רב, צי זאל דאס למשל זיין ר' יענקעלע דער למדן וועלכע וועט קומען פרעגן א שטיקעל רשב''א אדער גאר ר' חצקל בעל עגלא וועלכער וועט קומען פרעגן וואס מ'טיט ווען מ'טרעפט א בליץ-טראפ אין די אייער... משא''כ א רבי מיט חסידים, קומט ר' חצקל בעל עגלא בכלל נישט אריין אין בילד, עס איז א פרעזענליכע קשר צווישן א תלמיד און א רבי, און דער רבי איז משפיע פארן תלמיד חיות ביהדות\יראת שמים\להתעלות בתורה ועבודה, וכדומה.

אלזא, לאמיר דאס אפזאגן אין איין ווארט: א רב\מרא דאתרא דארף שטענדיג אינזינען האבן עניני דמתא, ער דארף זיך אפגעבן אז דאס עצם עקזיסטענץ פון אידישקייט זאל אין די דאזיגע שטאט האבן א קיום און ס'זאל זיין אויפן העכסטן סטאנדארט וואס נאר שייך, ער דארף זעהן אז פאר די אנשי העיר זאל גארנישט פעהלן ברוחניות ווי א מקוה-עירוב-בית החיים-בתי מדרשים-וכדומה... און א רבי דארף זיך בלויז אפגעבן מיט זיינע ספעציפישע חסידים אז זיי זאלן שטייגן און מצליח זיין ברוחניות און אנקימען צו א לעבן פיל מיט קרבת ה', העכער'קייט און נאנט'קייט לאבינו שבשמים.

אמת אז דא און דארט וועט זיך מאכן אז איינער וועט אריינגיין אינעם צווייטנ'ס דעפארטמענט, אבער דער כלל איז ווי דערמאנט אז: א רב איז פארן ''כלל''. און א רבי איז ''בלויז'' פאר זיינע חסידים.!

יעצט שטעלט זיך די פראגע, אז וואס טיט זיך אויב ר' זרח פונעם שטאט פישפיקלאדיין האט טענות אויף אויף זיין שכן ר' מאשקע אז הי יתכן ער האט צובראכן מיין נארוואס ניי געמאכטע בודקע'לע...? צו וועמען ווענט מען זיך?
וואס הייסט צו וועם,? צום רב.! ר' זרח לויפט גלייך אריבער צום רב אין שטוב און פארציילט אים דברים כהווייתן. און זארגט אייך נישט ר' מאשקע וועט דעם פסק פונעם מרא דאתרא מוזן אויספאלגן והכול על מקומו יבא בשלום ובשלווה. און וואס וועט זיין אויב אבער האט ר' זרח ליידער מחשבות זרות ביים דאווענען, וועט ער נישט גיין דאס פאר'מסר'ן פארן שטאט'ס רב, ער וועט זאפארט איינשפאנען דעם פיאקער און וועט זיך ארויסלאזן צום צדיק וועלכע וועט אי''ה געבן די ריכטיגע הדרכה און אזוי ארום דערהייבן זיין גייסט העכער די אלע פוסטע מחשבות'לעך.

איי וועט איר פרעגן, איך פארשטיי נישט וואס עפעס גייט ר' זרח פאשענען בשדות אחרים ער האט אזא חשוב'ן רב באזוך אין שטאט, נו דער אוצר ליגט דאך ביי אים, וואס לויפט ער ביזן אנדערן עק מדינה צו 'זיין' רבי'ן..? ס'עפעס שלעכט מיט זיין חשובע רב.??
אבער פארשטייט זיך אליין אז דאס איז קיין שום קשיא נישט, ווייל פונקט ווי יעדער דאקטאר אין א צווייטע פעלד, די זעלבע איז מיט א רב לגבי א רבי, זיי טיען דאך און צוויי גענצליך אנדערע זאכן. דער רב איז געמאכט פאר די שטאט'ישע אלגעמיינע לעבן אנצוהאלטן דארט דאס מאקסיצום אידישקייט און זעהן אז אלע'ס זאל זיין אויסגעהאלטן ע''פ הלכה והמסורה. משא''כ א רבי איז געמאכט אויפצופלאמען דעם איידען נפש הפנימי פארן באשעפער.

שטעלט זיך אבער אן אנדערע פראגע, וואס טיט זיך אין א פאל ווען דער זעלבער פערזאן דינט ביידע פונקציע'ס, אי ער איז א רבי און אי ער איז דער מרא דאתרא אין שטאט..?!?! דערויף איז אבער ווידער זייער פשוט דער ענפער. אז זיכער בעיקר וועט ער זיך מיזן אפגעבן בעניני דמתא און זיין דערמיט פארנימען רוב טאג, און די זעלבע וועלן זיינע דרשות דארפן זיין אויפן סגנון וויאזוי א מרא דאתרא רעדט צו זיינע שטאט'ס-לייט (- און נעמט אין אכט אז אזא דרשה דארף אויך ר' חצקל דער בעל עגלא קענען פארשטיין..). און אויב וועט אויסקימען אז בלויז פריוואט ביי זוך אין שטוב וועט ער קענען פראווען חסידים און זיי געבן הדרכה והתחזקות. און אויב די אשכנז'ישע אידן אין שטאט ועלן אים ערלויבן צו פירן שלוש סעודות וועט ער דעמאלט ווידער האבן א שטיקל געלעגנהייט צו רעדן דירעקט צו זיינע חסידים און אויפלאקערן זייערע נשמות, און אויב וועלן זיי אים דאס נישט ערלויבן וועט ער נישט האב'דיג קיין ברירה מיזן בעל כרחו אויספאלגען.

יעצט איז אזוי: די ערשטע דור נאכ'ן בעש''ט איז כמעט נישט געווען איינגעפירט אז די חסידישע רבי'ס זאלן אויך זיין דער שטאט'ס רב, וויבאלד חסידות האט זיך דאך מתחילה אנגעהויבן פון בלויז א קליינע קרייז חסידים ארום דעם רבי'ן (כ'רעדט נישט דא פון די 'ארענדער'ס' וואס האבן געהאט די קרעטשמע'ס וואס דערפון איז געווען גאר אסאך, כ'רעדט פון חסידים בני' עלי' ממש). שפעטער במשך הזמן, ווען חסידות האט זיך שטארק צושפרייט איז דאס שוין יא געווארן מער און מער אז דער רבי איז געווען דער רב אין שטאט אויך, ווי למשל: אין בעלזא איז דאך דער בעלזא'ער רב געווען דער שטאט'ס רב אויך, וכן בצאנז, ועוד ועוד..

אצינד קימען מיר צי צום צווייטן טייל, מיטן שטעלן דעם נפקא מינה פון פוילן-רוסלאנד-גאליציע און אונגארן לגבי די אופן וויאזוי מען האט גע'קיקט אויפן רבי'ן.
אין פוילן-רוסלאנד-גאליציע זענען די רבי'ס געווען בלויז רבי'ס, דהיינו, אז אפילו זיי זענען אין פאקט געווען רב אין שטאט, זענען זיי אבער אין רעאליטעט געווען מער ''רבי'' ווי ''רב''. וויבאלד סיי ווי זענען דאך רוב רובו פון די שטאט'ס-לייט געווען חסידים פון דעם ספעציפישן רבי'ן. וכמו בבעלזא וסאדיגורא וכדומה... דער צאנזער רב איז מ'סתם געווען דער ערשטער וואס מען קען זאגן מיט א פיל מויל אז ער איז געווען סיי ''רבי'' און סיי ''שטאט'ס רב'' במלאו מובן המילה, וויבאלד ער האט פאקטיש אויך זיך געפירט ווי ביידע...
יעצט די אונגארישע רביים זענען געגאנגען אויף דעם שניט ווי דער צאנזער רב, און זיי זענען נאך געגאנגען ווייטער אויך, דהיינו, זיי זענען געווען אסאך מער ''שטאט'ס רב'' ווי די חלק ''הרעביסטעווע'', ולדוגמה דער מונקאטשער רב, דער קאשוי רב רבי שאול בראך, ובתוכם דער רבי זי''ע. זיי האבן אלע איינגעזען אז אין אזא דור ווען א מבול פון כפירה און מינות וויל'ן פארשלעפן דעם המון עם פון כלל ישראל פעלט זיך אויס צו זיין דייקה א ''רב'' וועלכע זאל האבן א שפראך מיטן עמך איד כדי אים צו דערהאלטן ביים דרך הישן. און זיי האבן אבער פארשטאנען אז אויב וועלן זיי נישט פירן דעם שטאט מיט א שטארק האנט דעמאלט וועלן זיי גענצליך פארלירן זייער השפעה פון די פשוטי עם.

אגב: כדי צו פארשטיין אביסל גרינדליכער וויאזוי די אזוי גערופענע סאטמאר'ער גזע האט געארבעט לאמיר דאס זאגן אין קורצן: דער ישמח משה וועלכער איז שפעטער געווארן א חסיד דורך זיין איידעם דער ארי' דבי עלאה האט ער אבער צווישן עולם בכלל נישט געפראוועט קיין חסידות ער איז געגאנגען כמעט אינעם זעלבן שניט ווי דער חתם סופר ותלמידיו (דער ישמח משה מיטן חתם סופר זענען געווען מקושר טראץ וואס לויט ווי איך מיין האבן זיי זיך קיינמאל נישט געטראפן פנים על פנים) און אקוראט אויפן זעלבן מהלך איז געגאנגען דער יטב לב מיטן אויפשטעלן א ישיבה און מרבית תורה זיין פאר תלמידים הגונים וכדומה - והדברים ידועם. משא''כ דער קדשות יו''ט איז דאך געווען א פייערדיגער צאנזער חסיד האט ער דעריבער ממשיך געווען דעם דרך וואס ער האט געזעהן אין צאנז און האט אויך אנגעהאלטן וויאזוי זיין טאטע האט זיך געפירט בעניני הנהגות הישיבה וכדומה, און אקוראט די זעלבע האט זיך דער רבי זי''ע געפירט, דהיינו, ער איז געווען א שטאט'ס רב און געפירט די שטאט מיט א שטארקן האנט און צו די זייט מרביץ צורה געווען פאר בחורים, און ''בדרך אגב'' איז ער אויך געווען א רבי....

לאמיר נאך דערציילן איין יסודות'דיגע מעשה און דערמיט וועלן מיר צוקימען צום פונקט: (כ'געדענק שוין נישט די ארומיגע דעטאלן פון די מעשה פינקטליך, ומי שיודע המעשה בפרטיות נא לכותבו) דער רבי זי''ע איז אמאל געווען באזוכן אין תורה ודעת או בבית מדרש העליון און עס האט זיך דארט אנגערופן איינע פון די גדולי ליטא (-שכחתי שמו) פארן רבי'ן אז פון אט די ישיבה קומען ארויס די גדולי ישראל פארן קומעדיגן דור,, האט דער רבי רעאגירט און זיך אנגערופן '''''אצינד דארפן מיר זעהן אויפצושטעלן א כלל ישראל נישט קיין גדולי ישראל'''''' (-שכחתי הלשון בדיוק ממש אבל בערך כזה היתה).

נו, וואס דארפט איר דען מער... איר האט דאך דא הודעת בעל דין שהוא כמאה עדים..... דער רבי האט דאך דא קלאר מודיע געווען אז ער זוכט נישט צו זיין קיין ''רבי'' וואס געט זיך בדרך כלל אפ בלויז מיט עניני עבדות ה'.... ניין ער וויל דייקה זיין א ''רב'' וואס דארף זעהן א ס'זאל פארבלייבן א כלל ישראל.!!! ואין מלך בלא עם - אנע כלל ישראל וואס באשטייט פון חצקל בעל עגלא'ס ביז די גרעסטע בני' עלי'ס, וואס האבן מיר פון גדולי ישראל???!! גדולי ישראל,, פארוועם אויב ס'איז נישט דא קיין פשוטע כלל ישראל?!?!.....

בקיצור א מעשה, מ'קען פון די ענין רעדן און שרייבן טעג און נעכט און קיינמאל נישט פערטיג ווערן, כ'האף דער עולם דא פארשטייט דעם כאפ וואס כ'פרוביר דא ארויסצוברענגען...

עכ''פ אין איין ווארט: וואס איז דער טייטש פון דאס ווארט סאטמאר.?? דער רבי זי''ע האט דאך נישט געפראוועט קיין חסידות אזוי ווי אין אנדערע חצרות, בעסער געזאגט 'סאטמאר' איז בכלל נישט געווען קיין רבי'שע הויף,, אך בכלל נישט,, מען האט זיך טאקע געפירט חסידיש, מ'האט דאך געזאגט הודי פאר מנחה און געדאווענט שפעט, אבער ס'זאל זיין א 'חסידות' מיט'ן נאמען סאטמאר אדער ווי מאנכע רופן דאס 'בית סיגוט-סאטמאר' מאן דכר שמיה... ס'עקזעסטירט פשוט נישט אזא מין חסידות... קענסט עס רופן אז מ'האט זיך געפירט אויף די וועגן פונעם צאנזער רב לגבי עניני חסידות און ווי דעם חתם סופר בעניני הרבצת התורה און ווי בעלזא בעניני מלחמה נגד הציונים, וכדומה וכדומה... אבער סאטמאר זעלבסט האט נישט קיין שום שייכות צו ''חסידות'' עס איז סך הכול דער סימבאל פון א אונגארישע גרויסע שטאט וואס דער שטאט'ס רב האט איבערגעלעבט דעם קריג און האט איבערגעפלאנצט דעם שטאט סאטמאר דא אין אמעריקע.

לפי זה קומען מיר צו, אז סאטמאר איז בלויז א אויסדריק וואס מען ניצט פאר א חלק אין כלל ישראל וואס גייען נאך אקוראט אויפן זעלבן דרך ישראל סבא ווי פון פארן קריג. סאטמאר איז דער טייטש כלל ישראל.. פינטל.!!

סאטמאר איז נישט קיין דרך בעבדות ה', נישט קיין דרך הלימוד, נישט קיין דרך בחסידות. סאטמאר איז נישט מער ווי א שירעם אונטער וועלכע עס קלאמערן זיך אלע סארטן אידן וואס זיכן צו זיין די זעלבע ווי אזוי מיר האבן אויסגעזעהן בעפארן קריג אין א ריזיגע אידישע שטאט צוגעשטעלט אלע'ס אויפן העכסטן סטאנדארט בכשרות און אפגעהיטן פון די מבול פון כפירה און מינות וואס פארפלייצט די וועלט בכל יום ויום קשה מחברתה...

די רבי זי''ע פלעגט קיינמאל נישט הייסן לערנען דייקה א ספעציפישע ספר אדער לימוד, ער פלעגט זאגן אלע'ס איז גיט, אלע'ס איז שיין, מען זאל פון איבעראל לערנען דער עיקר מ'זאל אבער לערנען.. אדרבה שאל אביך ויגדך וועט איר געוואר ווערן, אין סענ'ס טריט האבן זיך געפינען אלע ספרים פוילישע-רוסישע-גאליציאנע, און יעדער ווי ער האט געטראפן דעםגעשמאק האט ער דארט עוסק געווען... מען האט טאקע אויך געלייגט א שטארקע דגוש אויסצורייסן ציונית וואס דעמאלט געווען א געפערליכע נסיון וויבאלד דאס איז געווען א כלליות'דיגע צרה פאר גאנץ כלל ישראל און אזוינ'ס ליגט דאך ווי אויבן דערמאנט אויפן שטאט-רב'ס פלייצע'ס.

בקיצור, כ'מיין כ'האב שוין מער ווייניגער געדעקט די נושא... כ'האב עס שוין נישט קיין כוח נאכאמאל איבערצוקיקן.. והוא רחים יכפר אויב כ'האב פארזעהן ארויסצוברענגען די זאך מיט געניג פרטים. כל זה כתבתי במהירות מאוד ומצפה שתבין ככוונתי.!

און מיט דעם אלע'ם קומען מיר צוריק צו פארענפערן פארוואס דער גר וויל דאס מערסטע זיין א סאטמאר'ער,, זייער פשוט, וויבאלד איבעראל גייט מען אים זאגן: העי, אנטשולדיג, דא גייט מען מיט אזא מין היט, מען לערנט דייקה דאס און דאס, דער גארטל דארף זיין געדרייט דייקה אזוי, דארםסט קימען צום טיש יעדע שבת, דארפסט קימען יעדע'ס מאל וואס דער רבי מאכט א שמחה, א. א. וו. משא''כ אין סאטמאר קענסטו טיען וואס דו ווילסט דארפסט נאר זיין ''איין'' זאך ---- א ערליכער איד..!

{כ'האב לכתחלה אויך געהאט געפלאנט אויך דורך צוגיין די חלק פארוואס דייקה אונזער מהלך פון גיין בפשטות האט זיך ארויסגעשטעלט צו זיין דאס בעסטע מהלך אנצוהאלטן אידישקייט, אבער היות כ'וועל דערמיט מוזן פארשטיין געבן די געוואלדיגע דורכפאל פון געוויסע אנדערע הויפן וואס האבן במשך הזמן אויסגעגליטשט... שוין, שוין, כ'רעדט שוין צופיל... בקיצור, יעדער פארשטייט אליין אז משום כבוד המקום וועל איך נישט קענען בכלל אריינגיין אין די נושא, והמבין יבין הכל מעצמו.}

(איידער מהייבט דא אן מעקן זאל מען זעהן צו מאכן א pdf אויב וויל דאס דער עולם האבן למשמרת.)
"איך שרייב אויף אייועלט וואס איך האב ליב צו שרייבן; נישט וואס דו האסט ליב צו לייענען". עכל"ק. הקטן כ"ק אדמו"ר מאוהב שלום שליט"א. פה אייוועלט יצ"ו.
פרידן
שר האלפיים
תגובות: 2806
זיך איינגעשריבן אום: מיטוואך דעצעמבער 02, 2015 7:37 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך פרידן »

דברי פי חכם חן
אוועטאר
אויסגערעכנט
שר ששת אלפים
תגובות: 6858
זיך איינגעשריבן אום: מאנטאג אוגוסט 10, 2015 9:50 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אויסגערעכנט »

@אוהב איך באווינדער דיין שריפט, און דיין קלארקייט אין דעם נושא, דו האסט גארנישט אויסגעלאזט, און אלעס שיין ערקלערט.
אוועטאר
מה פתאום???
שר ארבעת האלפים
תגובות: 4402
זיך איינגעשריבן אום: דאנערשטאג יולי 09, 2015 5:16 pm
לאקאציע: עיה״ק צפת

  • ציטיר
  • צו לייגן א דאנק דארפט איר זיין אריינגעלאגט

תגובה דורך מה פתאום??? »

זייער שיין געשריבן אבער עיקר חסר מן הספר. לפי זה, איינער וואס שפירט יא אז ער איז א בר הכי, ער איז נישט דער בעל עגלה, ער דארף זוכן א רבי, נאר וואס איר זאגט יא איז אז אפילו ער טרעפט א רבי האט ער נאכאלץ נישט אפגעלאזט זיין רב (בלשונינו: פארטיי) זינט זיי דינען באזונדערע פונקציעס.

ריכטיג?

ייש"כ נאכאמאל, ס'איז א מייסטער ווערק.
אוהב שלום
שר חמישים ומאתים
תגובות: 414
זיך איינגעשריבן אום: פרייטאג אקטאבער 28, 2016 5:00 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אוהב שלום »

מה פתאום??? האט געשריבן:זייער שיין געשריבן אבער עיקר חסר מן הספר. לפי זה, איינער וואס שפירט יא אז ער איז א בר הכי, ער איז נישט דער בעל עגלה, ער דארף זוכן א רבי, נאר וואס איר זאגט יא איז אז אפילו ער טרעפט א רבי האט ער נאכאלץ נישט אפגעלאזט זיין רב (בלשונינו: פארטיי) זינט זיי דינען באזונדערע פונקציעס.

ריכטיג?

ייש"כ נאכאמאל, ס'איז א מייסטער ווערק.

אקוראט אזוי.! זה הוא אשר דיברנו.!
"איך שרייב אויף אייועלט וואס איך האב ליב צו שרייבן; נישט וואס דו האסט ליב צו לייענען". עכל"ק. הקטן כ"ק אדמו"ר מאוהב שלום שליט"א. פה אייוועלט יצ"ו.
סארקאזי
שר האלף
תגובות: 1657
זיך איינגעשריבן אום: מאנטאג פעברואר 08, 2016 8:49 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סארקאזי »

הערליך, שפתיים ישק
נאר א שטיקל הוספה, קוקטס אין חמדה גנוזה שיחות פונעם צאנזער רב,
וועט איר זעהן אז דער ראפשיצער רב האט געוואלט פארשליסן חסידות, ער האט גערופען אן אסיפה פון גדולי תלמידי החוזה,
עכ''פ פון דארט ווערט פארשטאנען דער גאנג פונעם צאנזער רב זי''ע, אז דאס רבנות זאל זיין העכער רעביסטעווע, און אזוי האט זיך געפירט דער סאטמארער רבי זי''ע,
איך ווייס אן ערשטהאנטיגע מעשה ווי ער האט געזאגט פארן סטראזשניצער זי''ע אז איך בין נישט קיין רבי,
היינט איז געווארען א טשטוש הגבולים, אז יעדער רב מוז אויך זיין א רבי, און אויך עפענען מוסדות, ווייל אם אין גדיים אין תיישים, און פון דעם איז ארויסגעוואקסען דער דור פון מבקשים נישט פון אויבער חכמה
א פרוי, א קינד, און א נאר, פארשטייען נישט קיין סארקאזעם, וועלכע זענט איר?
אוועטאר
farshlufen
שר שלשים אלף
תגובות: 35243
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

אוהב, שרייבסט קלאר און פיין, נהניתי.

פארט פטור בלא קריטיק אי אפשר.

אוהב שלום האט געשריבן:וויבאלד סיי ווי זענען דאך רוב רובו פון די שטאט'ס-לייט געווען חסידים פון דעם ספעציפישן רבי'ן. וכמו בבעלזא

היסטאריש גערעדט איז דאס נישט וואר, בעלזא איז געוועזן דייקא א שטאט מיט פיל פראסטע פשוט'ע אידן, ווייט פון צו זיין חסידים און גאר ווייט פון דעם דמות פון די בעלזער יושבים.
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
אוועטאר
מי יודע
שר שמונת אלפים
תגובות: 8718
זיך איינגעשריבן אום: מאנטאג אוגוסט 31, 2009 4:35 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מי יודע »

אויסגערעכנט האט געשריבן:@אוהב איך באווינדער דיין שריפט, און דיין קלארקייט אין דעם נושא, דו האסט גארנישט אויסגעלאזט, און אלעס שיין ערקלערט.

ועוד לקרא, שפתים ישק, געואלדיגע שריפט, געוואלדיג קלאר, נאדיר איינס ;l;p-
די הסבר פונעם גר איז דאך גאר געוואלדיג
די מעשה פון ביהמ"ד עליון איז געווען (איך ווייס נישט צו די מעשה איז דארט געווען אבער עכ"פ די מימרא פון רבין איז אזוי) דער רבי האט געזאגט, איך האב א ישיבה אויפצושטעלן ערליכע בעלי בתים
און טאקע דערפאר מהאי טעמא איז אין סאטמאר נישט אפגעפרעגט ווען איינער גייט צו נאך א ערליכן איד שעפן תורה וחסידות ויראת שמים, כל עוד יענער פארפארט נישט די רעלסן (למשל עסן קוגל ביי לכה דודי והמ"י)
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
אוועטאר
מי יודע
שר שמונת אלפים
תגובות: 8718
זיך איינגעשריבן אום: מאנטאג אוגוסט 31, 2009 4:35 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מי יודע »

אוהב! נאך אזא געוואלדיגע ארבעט וואס דו האסט געמאכט, גיי איבער דיין ארטיקל, מאך אביסל טאטש אפס, און קענסט עס מאכן פארן גאסט עדיטאריעל אין איינע פון די אויסגאבעס לכבוד כ"א כסלו הבעל"ט
(דארט וועט מען דיר לאזן שרייבן די דורכפעלער פון די אנדערע חסידות'ער אויך...)
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
וויל וועלן
שר חמש מאות
תגובות: 663
זיך איינגעשריבן אום: מיטוואך יוני 01, 2016 1:18 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך וויל וועלן »

אוהב, בעיוטיפל דזשאב! ס'איז כדאי געווען אלע 230 תגובות ביז אהער צוצוקומען צו אזא אמת'ער ארטיקל, ייש"כ.

איך וואלט אבער אויך גענומען די קוראזש דיך צו בעטן יא צו אויסשצושמועסן די נקודה פארוואס אונזער מהלך פון גיין בפשיטות איז דער בעסטער מהלך אין אידישקייט, כאטשיג ס'פארשטייט זיך כמעט ווי פון זיך אליינס צווישן דיינע שורות די סיבה דערצו, און איך וועל דאס ארויסברענגען אזוי: א מהלך וואס גאנץ כלל ישראל דארף זיך טרעפן דאס פלאץ אין איר דארף זיין א פשוט'ע, נישט א מהלך וואס נאר טיפע און שטארקע מוחות קענען דערהייבן.

יישר כח נאכאמאל, ס'איז דא תגובות וואס גיבט א רושם ווי איך קריטיקיר דיך און איך רייס דיך אראפ, בעט איך דיך איבער ברבים און איך בעט דיך נעם דאס נישט אן פערזענליך, ס'איז נאר אויפן קי-בארד, אבער ס'טוט וויי ווען מ'נעמט דאס פעדער אראפצורייסן אן א שיעור בחורים און אינגעלייט וואס לויט דעם שרייבערס מיינונג טוען זיי דעם גרעסטן טעות אז זיי בלייבן נישט אין די ד' אמות פון ראדני-הופער-טרופ-ווייט עוועניו-קרית יואל-בלומינגבורג, און מי יתן אז אויב זיי זענען דערפון אוועקגעגאנגען וועלן זיי איין טאג האפענטליך טרעפן דעם וועג צוריק... כאטשיג פון דאס אידישקייט וואס דער רבי ז"ל האט אוועקגעשטעלט איז נישט דא קיין שטעלפארטרעטער.

אוודאי טאר דאס ח"ו נישט קומען אין פארעם פון א זלזול אין די עלטערן ח"ו, אבער וכו'.

יעדער איינער האט ביים שרייבן אן אגענדע וואס ער וויל ארויסברענגען, ס'איז די צוויי קעגנזייטיגע (?) אגענדעס וואס טענה'ען זיך, נישט די צוויי מענטשן...
אוועטאר
חושב מחשבות...
שר האלפיים
תגובות: 2814
זיך איינגעשריבן אום: מיטוואך מארטש 16, 2016 9:25 pm
לאקאציע: בין שמים לארץ

  • ציטיר
  • צו לייגן א דאנק דארפט איר זיין אריינגעלאגט

תגובה דורך חושב מחשבות... »

זייער שיין @אוהב נהנתי מאד!

אפאר הערות

א, ידוע אז די רבי זי״ע פלעגט צו האבן 2 בתי מדרשים אין שטאט סאטמאר די בית המדרש הגדול פונעם שטאט, און באזונדער א חסידישע קלויז, ולא הרי הנהגתו בביהמ״ד מבקלויז.

ב, א״כ האט די רבי בכלל נישט אריינגערעדט און וועלכע דרך צו גיין צו דורך נועם אלימלך צו חב״ד, ער האט נאר מזהיר געווען טאמער ער האט געזעהן א געוויסע נקודה פון א דרך וואס איז א סתירה צו אידישקייט [למשל ציונות, צו אז חב״ד איז נישט גענוג נזהר אין די יסודות פון אידישקייט] דאנצמאל האט ער געזאגט א מיינונג. אבער בכלליות קענסטו טרעפן אין סאטמאר אידן וואס קענען חב״ד נאך סאך בעסער און ברייטער ווי זיי אליין כידוע, נאר מיטן פייער פון יראתו קודמת לחכמתו.

ג, שמעתי מהרה״ג ר׳ מרדכי זילבערשטיין שליט״א [מנה״ר סאטמאר מאנסי רבות בשנים] אז א איד האט איהם פארציילט אז די רבי האט איהם אמאל געבעטען צו ער קען איהם פארשאפן די ספר ״קונטרס התפעלות״ [פונעם מהרש״ב דאכצימער,] און דער איד האט איהם עס אהין געגעבן פון זיין אוצר הספרים, שפעטער איז ער געווען נייגעריג צו די רבי איז עוסק דערין, האט ער געפרעגט דעם רבי׳ן צו ער ברויך עס נאך, האט איהם די רבי געזאגט אז היות ער פארט יעצט אויף אפרוה אויף עטליכע וואכן וואלט ער עס געוואלט מיטנעמען צו קענען מסיים זיין און מעיין זיין מיט ישוב הדעת, און שפעטער ביים אהיימקומען האט די רבי איהם עס צוריקגעגעבן זאגענדיג אז ער האט עס שוין מסיים געווען און ער ברויך עס שוין נישט...

ד, כדאי לעי׳ בקונטרס דולה ומשקה של הגה״צ מוואודרידזש שליט״א, ווי ער איז מאריך מיט א לאנגע אריכות די גאנצע נושא לארכה ולרחבה, ס׳איז כדאי צו מעי׳ זיין דארט, אסאך גוטע ידיעות און פאקטן.
סוף מעשה במחשבה תחילה.
אוועטאר
מי יודע
שר שמונת אלפים
תגובות: 8718
זיך איינגעשריבן אום: מאנטאג אוגוסט 31, 2009 4:35 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מי יודע »

חושב מחשבות... האט געשריבן:
ב, א״כ האט די רבי בכלל נישט אריינגערעדט און וועלכע דרך צו גיין צו דורך נועם אלימלך צו חב״ד, ער האט נאר מזהיר געווען טאמער ער האט געזעהן א געוויסע נקודה פון א דרך וואס איז א סתירה צו אידישקייט [למשל ציונות, צו אז חב״ד איז נישט גענוג נזהר אין די יסודות פון אידישקייט] דאנצמאל האט ער געזאגט א מיינונג. אבער בכלליות קענסטו טרעפן אין סאטמאר אידן וואס קענען חב״ד נאך סאך בעסער און ברייטער ווי זיי אליין כידוע, נאר מיטן פייער פון יראתו קודמת לחכמתו.


וואס דארף מען מער ווי ר' מרדכי דוד קאהן ז"ל, און מיט זיין ברייטקייט נישט געמאכט פון זיך גארנישט
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
אוועטאר
סמארט גאי
שר האלפיים
תגובות: 2788
זיך איינגעשריבן אום: זונטאג נאוועמבער 02, 2014 1:24 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך סמארט גאי »

אויסגערעכנט האט געשריבן:@אוהב איך באווינדער דיין שריפט, און דיין קלארקייט אין דעם נושא, דו האסט גארנישט אויסגעלאזט, און אלעס שיין ערקלערט.
והאדם לא נברא רק להתענג על ה'
עבודת_הבורא
שר חמש מאות
תגובות: 649
זיך איינגעשריבן אום: דינסטאג דעצעמבער 06, 2011 4:37 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך עבודת_הבורא »

שכח אוהב הנאה גהאט

להודיע האט געשריבן:
עבודת_הבורא האט געשריבן:
אגב, אין די שיחה אם מלמדים והורים און אנפאנג פון ספר חובת התלמידים זעהט אויס ווי דער "אובער חכם ביזנעס" וואס שפילט זיך אפ אין אונזער גענעראציע ביי די אייניקליך פון יוצאי אנגארן האט זיך שוין דאן אפגעשפילט אין פוילן, דארט לייגט ער אראפ א חיוב וואס איז מיטל אויף יעדן זיך מתבונן זיין און פארשטיין וואס עס איז דער חילוק פון די פריעדיגע דור צום היינטיגן דור, און ער איז דאס דארט מסביר בטוב טעם ודעת, און איך אלס געוועזענע אויבער חכם האב מיך געטראפן דארט אזוי שטארק אין שפיגל, און זינט דאן אנגעהויבן איינזעהן אז מיט מיר איז בלויז פארגעקומען דער צווישן שייד פון איין דור צום אנדערן וואס האט מיר געמאכט נישט פארשטיין די שיינקייט פון מיין טעטע'ס זיידע'ס עבודת השם, און ווי ווייט אין בון דערפון, זינט דאן ווען איך באגעגען מיך מיט די מאמר מתי יגיע מעשי למעשי אבותי זאג איך דאס בתורת תפילה.

לויט ווי ער שרייבט זעהט אויס אז דארטן האט די "אויבער חכם ביזנעס" אינגאנצן אראפ געפירט פון וועג די יונגווארג, משא"כ מיר דא אין דעם נושא רעדט מען אין די פעלער וואס האט געפירט צו א אנדערע ריכטונג, אבער ווי געזאגט האב איך געשפירט אז ביי מיר איז דאס געקומען פון די זעלבע ווערעמל ווי פון ביי די יעניגע.


דער חובת התלמידים וואלט געדאנקט און געלויבט השי"ת ווען דאס וואלט געווען די פראבלעם פון יהדות פוילן אז מען לערנט תורת חב"ד אנשטאט דברי יואל...


זיכער אזוי הן הן כדברך, איך פאר מיר האב אבער ארויס גענימען פון זיין הסבר "מה בין דורת הראשונים לדורות האחרונים" פינקטליך וואס איז פארגעקומען אין מיין מוח'ל ווען עס איז דורך די אויבער חכם" סטעיטש. מיט יארן שפעטער האט עס מיר געמאכט אסאך סענס אז די גאנצע דורך גאנג האט מער געהאט צו טוען מיט דעם וואס איך בון געווען אסאך ווייניגער פון מיינע עלטערן און נישט ווי איך בון געווען איבערצייגט בעפאר אז דאס נעמט זיך ווייל איך בון קליגער און טיפער בלא בלא בלא. (איך מיין אז דאס ברענגט אונזער שרייבער ארויס זייער שיין)

ווי אויך קענען מיר זייער גוט פארשטיין פון די חובת התלמידים נאך א פרט, פארוואס איז עס געשען פונקט מיט אונזער דור, פארוואס האט מיין טאטע יא אנגענעמען זיין חינוך בתמימות וואס ער האט באקומען און איך האב עס אויבער'גע'חכם'ט, ער זאגט עס אויף זיין צייט אין פוילן פארן קריג, איך מיין אז מיר אנגארישע וואס כאפן אביסל שפעטער... האט עס געכאפט א דור צוויי דריי פיר שפעטער, הגם אין דעם אשכול דא, איז טאקע נישט דער מדובר פון אזעליכע פעלער וואס האט געפירט צו אראפ גיין פון אידישן וועג אזוי ווי פון וואס ער רעדט דארט, און זיכער וואלט ער זיך געווינטשן אז דאס זאל האבן געווען דער פראבלעם דאן. דאס איז אבער אלס די פועל יוצא וואס נעמט זיך א ווערימעל, דער ווערימעל נעמט זיך פון די זעלבע מקור לפע"ד.
אוועטאר
חאצקל פרייליך
שר חמישים ומאתים
תגובות: 497
זיך איינגעשריבן אום: מאנטאג פעברואר 29, 2016 4:59 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך חאצקל פרייליך »

מי יודע האט געשריבן:
חושב מחשבות... האט געשריבן:
ב, א״כ האט די רבי בכלל נישט אריינגערעדט און וועלכע דרך צו גיין צו דורך נועם אלימלך צו חב״ד, ער האט נאר מזהיר געווען טאמער ער האט געזעהן א געוויסע נקודה פון א דרך וואס איז א סתירה צו אידישקייט [למשל ציונות, צו אז חב״ד איז נישט גענוג נזהר אין די יסודות פון אידישקייט] דאנצמאל האט ער געזאגט א מיינונג. אבער בכלליות קענסטו טרעפן אין סאטמאר אידן וואס קענען חב״ד נאך סאך בעסער און ברייטער ווי זיי אליין כידוע, נאר מיטן פייער פון יראתו קודמת לחכמתו.


וואס דארף מען מער ווי ר' מרדכי דוד קאהן ז"ל, און מיט זיין ברייטקייט נישט געמאכט פון זיך גארנישט

ווי האט מיר געזאגט (מיט א שמייכל) א גאון וצדיק זצ"ל זעענדיג מיין התפעלות פון אים, ערגעץ אנדערש וואלט איך אפשר געהייסן א תלמוד חכם, דא הייס איך א תלמיד פון רבי'ן.
אוועטאר
שמו
שר ארבעת האלפים
תגובות: 4954
זיך איינגעשריבן אום: מאנטאג אקטאבער 31, 2011 12:38 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמו »

הרב אוהב שלום, איז מעגליך איר זאלט צאמנעמען אלע אייערע ארטיקלעך, און מאכן אין א עקסטערע פייל (PDF איז בעסער)
כדי מ'זאל קענען ליינען אייער מייסטערהאפטיגע ווערק אן קיין הוספות פון אנדערע?

ייש"כ פון פאראויס
כשמ"ו כן הוא

סיין זיך אויף מיט די לינק צו Webull stocks platform, און איך און די וועלן פארדינען free stocks נאכן deposit $100 די ערשטע 30 טעג פון אויפסיינען https://act.webull.com/nt/1tSOfvYQhs4K/

גם אני נקי עם נטפרי
אוהב שלום
שר חמישים ומאתים
תגובות: 414
זיך איינגעשריבן אום: פרייטאג אקטאבער 28, 2016 5:00 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אוהב שלום »

שמו האט געשריבן:הרב אוהב שלום, איז מעגליך איר זאלט צאמנעמען אלע אייערע ארטיקלעך, און מאכן אין א עקסטערע פייל (PDF איז בעסער)
כדי מ'זאל קענען ליינען אייער מייסטערהאפטיגע ווערק אן קיין הוספות פון אנדערע?

ייש"כ פון פאראויס

כ'וועל דיר זאגן דעם אמת, כ'ווייס נישט וויאזוי מען טיט דאס, אויב קען דאס א צווייטער טיען יהא חלקו ממזכה הרבים.!!

און אז איך בין שוין סיי ווי דא, לאמיר זאגן א ווארט פאר אונזערע מגיבים: עס איז מיר א גרויס כבוד צו הערן אז דער עולם האט גיט גיט פארשטאנען וואס כ'האב געזוכט ארויסצוברענגען, דערווייל זעה איך אז אלע מגיבים הן לטוב והן למוטב האבן אבער גיט ארויס אונזערע נקודות ב''ה.!
און איצט א ווארט פאר די אלע וואס זענען מוסיף עובדות/והסברות: עס זענען פארהאנען אויף אונזער שמיעס גאר אסאך ראיות והוחכות, סיי פון מקובל'דיגע ספורי צדיקים און סיי פון זייערע ספרים עצמם. אבער איך האב נישט געזוכט יעצט אויף די מינוט אויפצוברענגען אלע ראיות, ווייל דעמאלט וואלט די תגובה גענימען צו שרייבן עטליכע טעג און נעכט, איך האב זיך בעיקר פרובירט צו באציען צום עצם געדאנק, און כ'האב געהאפט אז די יודע דבר וועלן שוין אטעמאטיש ווייטער מוסיף די אלע עובדות פון צדיקים וואס צייגן די אויפריכטיג'קייט דערפון. און איצט א גרויסע דאנק פאר'ן מיר נישט אנטוישן.!!
"איך שרייב אויף אייועלט וואס איך האב ליב צו שרייבן; נישט וואס דו האסט ליב צו לייענען". עכל"ק. הקטן כ"ק אדמו"ר מאוהב שלום שליט"א. פה אייוועלט יצ"ו.
לדעתי
שר חמש מאות
תגובות: 532
זיך איינגעשריבן אום: זונטאג מארטש 27, 2016 4:18 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך לדעתי »

אוהב שלום, ביסט געוואלדיג.

און אנהייב האב איך געמיינט אז כ'האב וואס צוצולייגן, אבער למעשה שטיי איך מיט די צינג אינדרויסן, (שוין צוריק געלייגט).

זייער קלאר געמאכט אסאך נקודות.

און נאכאמאל, א גרויסער יישר כח
שרייב תגובה

צוריק צו “דעת הקהל”