לאן אתה הולך האט געשריבן:הרב רימנובער, ביזטו זיכער אז דו האסט געהערט פון ר' יענקעלע די מעשה איבער די שטריימעל איז געווען מיט ר' אליעזר'ל ? נישט מיט צאנזע רב ?
אגב פארשטיי איך נישט וואס ר' יענקעלע האט אויסגעפירט אז פין די מעשה זעהט מען אז א'טייל מאל ארבעט רוח הקודש למחצה לשליש ולרביע, לכאורה ביי די מעשה זעהט מען אז ס'האט געארבייט 100 פראצענט, ווייל ער האט געזאגט אז 'די שטריימעל איז געווען', איך האב אלץ פארשטאנען אז דאס איז די שפיץ פין די מעשה אז ער האט געזאגט אויף די שטריימעל אין נישט אויפן חסיד, וצ''ע.
שתי תשובות בדבר,לאמיר אייך ענטפערן על ראשון ראשון ......
א'). יעצט ממש הער איך איבער די טעיפ פון רבי יענקעלע זיע"א פארציילן די מעשה,
און ער זאגט אז ס'איז טאקע געווען רבי אליעזר'ל פון דזישיקוב און נישט צאנזער רב .אז ר' אליעזר'ל האט געקוקט אויף א'אינגערמאן און געהאט טענות אויף אים .
ב). און רבי יענקעלע ברענגט צו א' ראיה פון א' מעשה אויף די מעשה אז אין רוח הקודש זעהט מען נישט אלעס ,אז ס'איז געווען צוויי תלמידים וואס זענען געפארן צום רבי פון לובלין זיע"א,איינער האט געהייסן יוחנן און איינער א'מורה הוראה,איינער פון דעמביץ און איינער פון מעליץ,זענען זיי געפארן קיין לובלין ,אינמיטן וועג זענען זיי געווארן הונגעריג און קיין געלט האבן זיי נישט געהאט,האבן זיי זיך בארעכענט אז איינער וועט זיך פארשטעלן ווי א' רבי און איינער ווי א' גבאי,זענען זי דוירך געפארן א' דארף ,און זיי האבן זיך אוועק געשטעלט נעבן א' אידישע קרעטשמע,און די גבאי איז אריין געגאנגען און געזאגט אז ס'איז דא א' רבי, איז די דארפסמאן ארויס געגאנגן און אריין גערופען די רבי,און זיי אנגעגריייט א'גוטע וועטשערע (נאכטמאל אויף פויליש) ,נאכן עסען זאגט די דארפסמאן צום גבאי אז ער וויל שרייבן א'קוויטל,האט ער אים געשריבן א'קוויטל,אז ער וויל קינדער ,פרעגט אים די רבי ווי לאנג איז ער פארהייראט? זאגט ער פינעף און צוואנציג יאר ,איז די רבי געווארן איבערראשט און דערשראקן,און די גבאי האט מחזק געווען די רבי זאגענדיג,איר זענט א'רבי און זאגט!!!,קיין גרויסע אויסווייל האט ער נישט געהאט,און ער האט אנגעוואונטשען.
און די צוויי חסידים זענען אנגעקומען שפעט ביינאכט קיין לובלין,און זיי האבן זיך געלייגט שלאפן אויף א'באנק און שוהל,און באלד קומט צו גיין די גבאי פון רבי פון לובלין,און וועקט זיי אויף ,און פרעגט זיי, דו הייסט יוחנן און דו הייסט אזוי?,זאגן זיי יא,און די גבאי האט זיך געבייזערט אויף זיי,ווייל ער האט זיי אסאך ארום געזוכט שפעט ביינאכט,און זיי געזאגט אז די רבי האט זיי געהייסן שוין קומען,און זיי האבן זיך דערשראקן ,זענען זיי שוין אריבער געגאנגען ,און די רבי האט זיי אזוי געזאגט,א'פלא פון א'זאך,די איד פארט שוין צו מיר פינעף און צוואנציג יאר,אז ער זאל געהאלפן ווערן מיט קינדער,און איך האבן אים נישט געקענט העלפן,און ביי ענק איז ער געהאלפן געווארן,זאגט'ס מיר ווער איז געווען די רבי ? און ווער איז געווען די גבאי?.
האבן זיי זיך זייער דערשראקן,אז די רבי זאל נישט האבן א'קפידה אויף זיי,האבן זיי אזוי גענטפערט ,
אז מ'האט דעם רבי'ן מגלה געווען פון הימעל די מעשה ,און מ'האט נישט מגלה געווען ווער איז די רבי און ווער איז די גבאי,זעהט אויס אז די רבי דארף עס נישט וויסן.לייגט צו רבי יענקעלע זיע"א אז זעהט מען אויך אויס פון די מעשה,
אז מ'איז מגלה דעם רבי האלב צו א'דריטל,און די איבריגע ווייסט ער טאקע נישט,און די די רבי פון לובלין איז געווען מפורסם פאר א'בעל רוח הקודש און נישט אלעס האט מען אים מגלה געווען.