אלגעמיינע וואלן, נאוועמבער 2020

נייעס אויפ'ן פאליטישן ארענע

די אחראים: יאנאש,אחראי,געלעגער

צל עובר
שר עשרים אלף
תגובות: 29178
זיך איינגעשריבן אום: מיטוואך סעפטעמבער 27, 2017 6:22 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך צל עובר »

די פראגרעסיוו ערע פון טעאדאר ראוזעוועלט איז אונטערגעגאנגען אין בימי טעפט, און עד היום איז נאך נישט געווען נאך אזא פראגרעסיוו פרעזידענט, אפילו ראוזעוועלט השני, וועלכער איז אריינגעקומען ערשט נאך 24 יאר און לכאורה איז אונטער אים געווארן א נייע תקופה - הגם די תקופה טשעינדזש קרעדיט גייט מער פארן דייטשן פירער ימח שמו - איז אויך לכאורה נישט געווען אזוי פראגרעסיוו ווי טעדי.

די חילוק פון קארטער און טראמפ, הנוגע לענינינו, איז בעיקר אז קארטער אין 1976 איז געווען דער לעצטער דעמאקראט צו באוויזן אויסקלינען די סאוט, נאך וואס פון נאך 1960 ואילך איז עס שוין נישט געווען רעלייעבל דעמאקראט, משא"כ טראמפ איז דאך פונקט פארקערט, ער האט געווינען אין נייע סטעיטס.

דאס הייסט אז קארטער האט באוויזן צו פאראייניגן א אלטע שוין צוזאמגעפאלענע קאאליציע, און טראמפ האט געמאכט א קאמפליעט נייע.
עושר וכבוד
שר חמש מאות
תגובות: 954
זיך איינגעשריבן אום: זונטאג יולי 28, 2019 12:30 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך עושר וכבוד »

צל עובר האט געשריבן:די פראגרעסיוו ערע פון טעאדאר ראוזעוועלט איז אונטערגעגאנגען אין בימי טעפט, און עד היום איז נאך נישט געווען נאך אזא פראגרעסיוו פרעזידענט, אפילו ראוזעוועלט השני, וועלכער איז אריינגעקומען ערשט נאך 24 יאר און לכאורה איז אונטער אים געווארן א נייע תקופה - הגם די תקופה טשעינדזש קרעדיט גייט מער פארן דייטשן פירער ימח שמו - איז אויך לכאורה נישט געווען אזוי פראגרעסיוו ווי טעדי.

די פראגרעסיוויטי פון טעדאר ראזעוועלט איז שוין אונטערגעגאנגען בימיו בשעת ער איז נאך געווען פרעזידענט, ווען זיין אייגענע פארטיי איז נישט געווען צופרידן פון אים. די רעפובליקאנער קאנגרעס האט נישט געוואלט באשטעטיגן רוב פון זיינע פראגרעסיווע פאליסיס.

מיט דעם אלעם איז ער געווען שטארק פאפולער אין זיין פארטיי צוליב אסאך אנדערע סיבות, ער האט אויפגעטון גאר אסאך אויסער פראגראסיוויטי, סיי גלאבאל און סיי אין לאנד. און זיי זענען ארויס פון די פארטיי שינעס אים צו שטיצן ווען ער איז געלאפן קעגן טעפט.
עציץ נקוב
שר האלף
תגובות: 1208
זיך איינגעשריבן אום: זונטאג יאנואר 07, 2018 12:22 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך עציץ נקוב »

דממה דקה האט געשריבן:
וואס טוט זיך האט געשריבן:רעיגען האט יא אויפגעטוען, די ליבעראלע/פראגרעסיוו טאן אויף וואס אמעריקע איז געשטאנען, האט מען געמוזט האבן א פרעזידענט וואס זאל עס צוריק שלעפן על דרך הישר.

און אגב, נאר פאר די משכונות באפרייאונג האט זיך שוין געלוינט ער זאל געוואונען. און די קרעדיט קומט זיך אבסאלוט פאר אים.


מיינסט אוודאי צו זאגן פאר שתדלן אז מען זאל זיי נישט ארויסלאזן, כידוע.

דיין כידוע דערמאנט מיך טאקע אז יעצט אונטר פרעזידענט טראמפ איז נישט די ערשטע מאל ווען די דעמאקראטען לוזערס דערלייגן אן עלעקשען וואס "קומט זיך זיי" הייבט מען אן מיט קאנספערציע טעאריעס
עס איז דא דריי סארטן ליגנט: ליגנט, פארשאלטענע ליגנט, און סטאטיסטיקס - מארק טוועין
אוועטאר
Yang2020
שר האלף
תגובות: 1766
זיך איינגעשריבן אום: מוצ"ש יולי 06, 2019 9:35 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך Yang2020 »

סארי אז איך גיי נישט אלעס פארענטפערן, צוליבן ערב שבת חנוכה סינדראם.

ווי געשריבן איז די טעאריע נישט אראפגעברענגט געווארן דא מיטן גאנצן פונקטליכקייט, און בכלל איז היסטאריע נישט פיזיקס. מענטשן האבן א בחירה, אנדערע אומגעראכטענע זאכן געשעען (ווי לינקאלן'ס מארד נאכגעפאלגט מיט די ענדרו דזשאנסאן קאטאסטראפע) און פארדרייען די יוצרות. דער עיקר איז נאר צי די ברייטע בילד שטימט.

די ברייטע בילד איז אז יעדע תקופה הייבט זיך אן מיט א גרינדער (מיט געוויסע שטריכן) און ענדיגט זיך מיט א חותם (מיט געוויסע שטריכן), און דער חותם ווערט אלעמאל (נישט געווענליך, נאר אלעמאל דערווייל) נאכגעפאלגט מיט א גרינדער. און טראמפ האט אלע סימנים פון א חותם. (און דאס לייג איך שוין צו, יענג האט אלע סימנים פון א גרינדער)


מיט טראמפ-רעיגן זענען מיינע ווערטער אויסגעקומען צו שטארק. דער פוינט איז נישט אז יעדער חותם איז ענליך צום פותח, נאר אז ער לעבט נאך אין זיין תקופה, טראכט אין די זעלבע מושגים, און האט נאכנישט געטוישט פאראדיגמע. ער ווערט באטראכט מער ווילד מחודש'דיג ווי ער איז, פשוט ווייל די אומשטענדן ארום האבן זיך געטוישט און דער צאמשטעל פון אלטע געדאנקענגאנג מיט נייע אומשטענדן איז טאקע א חידוש, נאכדערצו קומענדיג נאך זיין פארגייער וואס האט זיך ווייניג וואס גערעכנט מיטן גרינדער.

איך ווייס נישט צי יעצט האב איך עס בעסער ארויסגעברענגט, בעיקר וויל איך נאר באווארענען אז טראמפ איז נישט דער גרינדער פון זיין תקופה (ווי עס קוקט אויס בהשקפה ראשונה, און ווי כמעט יעדער חותם האט אויסגעקוקט בהשקפה ראשונה אין זיין צייט) נאר דער חותם פון תקופת רעיגן.

רעיגן איז געווען א גלאובאליסט מיט גאר א שטארקע נאציאנאליסטישע שטריך. אין זיינע צייטן, ווען אמעריקע איז געווען ידה על העליונה און אויפן וועג צו זיין דער איינציגסטער וועלטסמאכט, זענען די צוויי זאכן נישט געווען קיין גרויסע סתירה. (ער האט גאר גענוצט גלאובאליזם צו שטופן די נאציאנאליסטישע אגענדע). יעצט, ווען די אומשטענדן ארום האבן זיך געטוישט, און טראמפ נעמט צוריק ארויס דעם באהאלטענעם אפיקומן, קוקט ער אויס א גרעסערע מחדש ווי ער איז.

רעיגן'ס וויזיע און טרייבקראפט איז געווען דווקא זיין City upon a Hill חלום, וואו אמעריקע איז א מין ריינע, הייליגע, אפגעזונדערטע שטאט, א ירושלים להבדיל. אירע בירגער זענען פלייסיג און גוטהארציג, און אפס כי לא יהיה בך אביון ווערט מקוים מיט דעם וואס דאס געלט פליסט פון אויבן אראפ.
אמת טאקע אז די ירושלים איז א רוכלת עמים, די גאנצע וועלט האנדלט מיט איר און זי מיט די גאנצע וועלט, אבער דאס אלעס בעיקר כדי עס זאל זיין משוש כל הארץ, עס זאל ווערן רייכער און שטערקער און די גאנצע וועלט זאל זען אמעריקע'ס דערהויבנקייט, און אמעריקע זאל דערביי זיין א מין אור לגויים.
איז געקומען טראמפ און געזען אז זרים (מעקסיקאנער און מוסלמענער) קומען אריין אינעם שטאט, ובאו בה פריצים ויחללוה, כי לא יחדל אביון מקרב הארץ ווייל די גאנצע וועלט שיקט זייערע אביונים אהער, דארף מען דאך בויען א חומה צו באשיצן דעם שטאט.

דאס איז אביסל tongue in cheek, נאר ארויסצוברענגען אז טראמפ האט נישט געטוישט פאראדיגמע, און ווערט אפשר אפילו געטריבן פון רעיגן'ס וויזיע און imagery. כאטש איך האלט, און רוב פאלק האלט, און היסטאריע וועט מסתמא אננעמען, אז רעיגן האט מער אויפגעטון און זיינע מעשים זענען בעסער אריינגעקומען אין זיין צייט ווי טראמפ אין זיין.


צו די אנדערע הערות איז שוין נישט דא קיין צייט, אבער ווער עס איז נייגעריג זאל בעסער ליינען דעם ארטיקל אינעווייניג, נאך בעסער אויב ליינט ער צו דעם generational theories בכלל, און בעיקר דאס ביכל Generations: The History of America’s Future, 1584 to 2069.
All you need is self-driving cars to destabilize society. -- Andrew Yang
שיעלע בהמה
שר האלפיים
תגובות: 2366
זיך איינגעשריבן אום: דינסטאג דעצעמבער 10, 2019 11:59 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך שיעלע בהמה »

אוי וויי וויי וויי, הו קעירס אבאוט נאמבערס, הו קעירס אבאוט טעאריעס,
אין כל חדש תחת השמש, מה שהיה הוא שיהיה ומה שנעשה הוא שיעשה, קיינער איז נישט קיין מחדש קיינער איז נישט קיין חותם.....
דער יענג קומט מיט חידושים פון זארגן וואס גייט אלס אינטעברענגען די וועלט, וויפיל נאך טויזענטער זאכן גייען בעתיד אינטערברענגען די וועלט??
אויב איינער הערט זיך צו צו די קאנסערוואטיווע טאלק שאויס ווייסט ער אז דא קומט פאר א שטילע קאמוניסטישע רעוואלוציע וואס גייט בעתיד חרוב מאכן די וועלט...
אויב איינער הערט זיך צו צו נאטרוליסט העלט-מיינדעט חברה ווייסט ער קלאר אז אנטי ביאטיק גייט בעתיד חרוב לייגן די וועלט....
אויב איינער הערט זיך צו צו דאקטוירים ווייסט ער קלאר אז יענע מעשה גייט אינטערברענגען די וועלט.....

די אמת איז אז אלעס איז אמת... די וועלט קען חרוב גיין!! דאס איז וואס האט אלס פאסירט!! לאמיר נעמען א דוגמה היטלער ימש"ו, ער האט חרוב געלייגט די וועלט און....... סהאט זיך נאכאמאל אויפגעבויט.....! אלס זענען געווען טיראנען און מחריבים און ס'וועט ווייטער אזוי זיין! און אזוי איז מיט יעדע זאך, קיינער איז נישט קיין מחדש! יעדער שטויבט אפ די אלטע און לייגט צו א קנייטש!!

און אני שלעצמי שטיי ווייט אוועק פון די חברה וואס קוקן אויף די אמאל ווי א צוריקגעשטאנענע זאך וואס זאגט אונז גארנישט, איך גרויל מיך פון שטחים מיט אינפארמאציע וואס די ס"ה שבו איז א מילדע פארעם פון קאמוניזעם.........
ווער סקוקט אויף די וועלט ווי א פראבלעם וואס ממוז פאנדעמענטאל טוישן דער איז די גרעסטע סכנה וואס די וועלט פארמאגט!! נישט ווייל אזוי האב איך אויסגעחלומ'ט, נאר ווייל דאס האט אונז די עבר געוויזן (מה שהיה הוא שיהיה...), דאס איז די שייכות צווישן היטלער און סטאלין ימש"ו!! אפילו ער איז געווען פון די רעכטס און ער פון די לינקס.
די היינטיגע דעמאקראטישע פארטיי באשטייט פון מחדשים,
חידושים אין די באדייט פון רציחה....,
חידושים וואס איז די באדייט פון אייגן געלט....,
חידושים וואס איז די באדייט פון אייגענע רעכטן.....,
פון דעם דארף מען אנטלויפן ווי פון פייער!! כבר היה לעולמים אזאנע משוגאים בכל דור ודור, שוין גארנישט קיין חידוש!!

דאס איז א דבר פשוט אז צופיל געלט ווערט שוין יעצט אזויווי סאיז, באראבעוועט דורך די רעגירונג.....
דאס איז א דבר פשוט אז די רעגולאציעס אזויווי סאיז, שטייט אין וועג פאר יעדן יחיד וואס וויל זיך נאר הייבן די קאפ און ארויסגיין מצליח זיין.....אלעס איז אין רעזולטאט פון לאביאיסטן פון די גרויסע קאמפאניס מיט א ציל צו ארויסהאלן פרישע יחידים פון טון אין געוויסע אינדוסטריעס....
איך קען מיך נישט ברענגען צו ליינען די שטחים פון דעם יענגס אינפארמאציע ווען איך ווייס וואו אהין ער צילט, ער ווייסט נישט די יסודות פון שלי שלי... די באדייט פון בעלות אויף אייגן געלט! קיין שום מאטעמאטישע חשבון קען דאס נישט אוועק רירן פון פלאץ! איי די רעגירונג פארשווענד שוין במילה אונזער געלט ני וואס א חילוק ווי? די ענטפער איז אבער, ניין! אן עולה קען מען נישט לעגיטימיזירן!!

און בכלל צו טראכטן אז די וועלט קען מען מתקן זיין איז לענ"ד ריינע כפירה, סיי דער יוד און סיי להבדיל אלף אלפי הבדלות דער קריסט און דער מוסולמענער ווייסן אז עס איז נישט קיין עולם התיקון און מווארט מיר אויף אן אויסלייזער, דעמאקראטיע איז פשוט די בעסטע מיטל אדורכצושטיפן די ביטערע יארן, ווי האט טשורטשיל געזאגט, דעמאקראטיע איז די ערגסטע סיסטעם חוץ פון אלעס אנדערש וואס מהאט שוין אויספרובירט.....

ווען איינער ליידט אדער האט נישט קיין געלט, קענסטו נישט נעמען גאנץ סאסייעטי און עס שטעלן אויף גרידלאק ווייל געוויסע ליידן, ווייל די איצטיגע ריעליטי קען מען סייווי נישט מתקן זיין!!! ובפרט ווען די תיקון געשעט נאר דורך צוברעכן די אלטע יסודות און ווירדן וואס זענען אלע יארן געווען אנגענומען ביי יעדעם איינעם אלס דברים פשוטים.

די גאנצע ווערד פון געלט איז דאך נאר רעלעטיוו צו וויפיל מענטשן עס האבן עס נישט, די מינוט וואס יעדער האט דערפון איז עס מער נישט ווערד, דאס איז דאך די פשוטע באדייט פון אינפלאציע.
קומט אויס אז באמת איז נישט שייך אז יעדער זאל באמת האבן "גענוג" געלט.

בקיצור א בנין פון שטחים מיט אינפארמאציע אן קיין ערשטע שטאק פון די פשוטע יסודות'דיגע ווירדן איז פשוט ארויסגעווארפן צייט!!
ועוד,נקוט האי כללא בידך. קיינער איז נישט קיין מחדש ובתוכם מיסטער ענדרו!!
לעצט פארראכטן דורך שיעלע בהמה אום פרייטאג דעצעמבער 27, 2019 1:46 pm, פארראכטן געווארן 4 מאל.
אוועטאר
Yang2020
שר האלף
תגובות: 1766
זיך איינגעשריבן אום: מוצ"ש יולי 06, 2019 9:35 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך Yang2020 »

דער יענג קומט נישט מיט חידושים פון זארגן וואס גייט אלס אונטערברענגען די וועלט.
ביז דא האב איך געהעריג געליינט. די איבריגע האב איך נאר שנעל געבליקט, און איך האב נישט קיין מושג וואס איר ווילט.

אויב האט איר טענות קעגן יענג זענט איר געלאדנט עס צו שרייבן, מסודר'דיג און קלאר ווי ווייט מעגליך, אין זיין אשכול, און איך וועל פרובירן צו פארענטפערן.

עס איז נאר ראטזאם צו ליינען דארט אביסל בעפאר איר שרייבט, ווייל למשל די טענה פון אינפלאציע האב איך שוין לאנג פארענטפערט דארט, און אויפגעוויזן סיי פון טעאריע און סיי פון פראקטיק אז UBI ברענגט נישט אינפלאציע.
און קומט ביטע נישט מיט קיין הנחה אז UBI איז א סתירה מיט שלי שלי. טאמעס פעין, דער וואס האט די מערסטע אוועקגעשטעלט די יסודות פון נאטורליכע רעכטן פון אלע פאונדינג פאטערס, איז דער וואס האט אויך אוועקגעשטעלט פון די ערשטע דער געדאנק פון UBI, טאקע צו באצאלן די נאטורליכע רעכטן וואס ווערן אוועקגענומען דורך ציוויליזאציע, היינט נאכמער ווי אין זיינע צייטן. (איך קען דאס ערקלערן אויב ווילט איר)
די גרעסטע ליבערטעריענס און קאפיטאליסטן זענען געווען אין שטיצע דערפאר, אריינגערעכנט מילטאן פרידמאן. און יענג אליין איז א שטארקער קאפיטאליסט מיט א ליבערטעריען פלעיוואר, מער ווי אסאך רעפובליקענס. עס פעלט אים נישט קיין הבנה אין שלי שלי.
ווי אויך וועסטו דארט געוואויר ווערן אז יענג וויל דווקא גרינגער מאכן רעגולאציעס. און נאך.

האפנטליך וועל איך זיך אויך לערנען פרישע זאכן אויף דעם וועג, גאנצע פאראגראפן פון אייך האב איך יעצט בכלל נישט פארשטאנען.
א דאנק, און א לעכטיגן שבת חנוכה.
All you need is self-driving cars to destabilize society. -- Andrew Yang
שיעלע בהמה
שר האלפיים
תגובות: 2366
זיך איינגעשריבן אום: דינסטאג דעצעמבער 10, 2019 11:59 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך שיעלע בהמה »

איך האב דעם טאמעס פעין קיינמאל נישט געזען.. און ווייל ער שרייבט עפעס וואס איז א דבר פשוט שוין אלע דורות בין איך בכלל נישט מחיוב צו מקבל זיין זיין בויך ווייטאג!!
צוטיילן פון מיינע נכסים טויזנט דאלער א וואך פער משפחה איז א סתירה מיט שלי שלי פינטל. און אויב זעסטו עס נישט, זעה איך נישט אזא פערזענליכקייט ווי ענדרו יענג....ווער זאגט ער עקזיסטירט בכלל??? אויב פארשטייסטו נישט קום אריין אין מיין אשכול ווי כהעל דיך עס מסביר זיין באריכות......... אבער ליצנות אין א זייט געלייגט, איך האב געבליקט אין דעם יענג אשכול און דארטן נישט געטראפן קיין דברים של טעם חוץ אינפארמאציע און מאטעמאטישע חשבונות(וואס איז בעצם גארנישט ווערד אויב קומט עס נישט געבויט אויף "אמת'ע" גרינדן פון יושר)
עפרות זהב
שר חמישים ומאתים
תגובות: 358
זיך איינגעשריבן אום: דינסטאג נאוועמבער 05, 2019 2:42 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך עפרות זהב »

שיעלע בהמה האט געשריבן: צוטיילן פון מיינע נכסים טויזנט דאלער א וואך פער משפחה איז א סתירה מיט שלי שלי פינטל.

אין קורצען צוליב ערב שבת חנוכה
געבן געלט פארן ארימאן מאכט רייכער דעם עושר און דער שלי שלי ווערט נאכמער שלי
א קורצע דוגמה, ווען מען זאל סטאפען היינט פוד סטעמפס ווער גייט די מערסטע דערלייגען? דער פוד מעניפעקטשרער און דער גראסערי מאן.
אדרבה פרעגט איינעם וואס האט פ"ס, וואס ער וואלט געטוען א חודש אנדעם, ער וואלט געקויפט ווייניגער. ( א ווייטע משל איז א סעיל ווען דער מוכר געט דיר א המחה פין $50 ספענדסטו ענדערש די איבריגע $200)
די שטאט האט א חשבון אז יעדע דאלער אין פ"ס פראדעצירט 2 דאלער עקנאמישע אקטיווטעט
נעם א משל ווען די שטאט זאל געבן 100$ א חודש קרעדיט אין זילבער סטאר ווער וואלט פארדינט, די בעה"ב פין געשעפט, און ער וואלט ווען געדינגען א גרעסערע געשעפט, ער וואלט אפט איבער געבויט צו ציען די אלע קונדען צו אים, אדוועטייזט מער, וכו', אין די אלע וואס פארדינען מער לכבוד דעם וואלטען געספענט מער ערגעץ אנדערש, בקיצור דער עושר וועט דערפון פארדינען בגדול ( כ'מיין פארדינט עפרות זהב),
איז אדרבה דער עושר אינוועסטעט א חלק פראצענט פין זיין געלט אינם ארימאן (פארשטייט זיך אז עס האט א חשבון ביז וויפעל פראצענט) כדי ער זאל קענען פארדינען מער.
אין זיי האלטן אן גאט'ס געבאט פון אחדות אין לאוו ווי נישארמאל....
שיעלע בהמה
שר האלפיים
תגובות: 2366
זיך איינגעשריבן אום: דינסטאג דעצעמבער 10, 2019 11:59 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך שיעלע בהמה »

אנטשולדיגט!!
מיך צווינגען צו ניצן מיין געלט אויף א וועג וואס איך וועל פארדינען דערפון איז פראסטע גזילה
שוין געהערט דערפון?
מטעמים
שר תשעת אלפים
תגובות: 9183
זיך איינגעשריבן אום: זונטאג מאי 04, 2014 10:06 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מטעמים »

שיעלע בהמה האט געשריבן:אנטשולדיגט!!
מיך צווינגען צו ניצן מיין געלט אויף א וועג וואס איך וועל פארדינען דערפון איז פראסטע גזילה
שוין געהערט דערפון?

דיין געלט? קודם האב איך הנאה אז דו האסט געלט - יעדער איז אמאל אין א גוטע פינאנציעלע זמן און אמאל אין א שלעכטע פינאנציעלע זמן, ווען עס גייט דיר גוט און ווען עס גייט דיר שלעכט דארפסטו אייביג האבען געלט פאר די מערסט וויכטיגסטע זאכען, ווי האוזינג, פוד, העלטה און עדיוקעישאן און יענג מאכט די פיר זאכען אלס א אינשורענס ווי יעדער באקומט דאס צו א יעדע צייט ווייל מען קען אן די פער זאכען נישט לעבן.

סאו ווען דו צאלסט אריין ״ווי דו רופסט עס״ באקומסטו פארדעם פון די אינשורענס אז אין דיינע שוואכע צייטען וועסטו זיין געקאווערד.
האב שכל און גיב א שמייכעל!
וואס טוט זיך
שר שבעת אלפים
תגובות: 7240
זיך איינגעשריבן אום: זונטאג מארטש 31, 2019 5:38 pm
לאקאציע: איינע פון די באהאלטענע סאב פארומס

  • ציטיר
  • צו לייגן א דאנק דארפט איר זיין אריינגעלאגט

תגובה דורך וואס טוט זיך »

עושר וכבוד האט געשריבן:
צל עובר האט געשריבן:די פראגרעסיוו ערע פון טעאדאר ראוזעוועלט איז אונטערגעגאנגען אין בימי טעפט, און עד היום איז נאך נישט געווען נאך אזא פראגרעסיוו פרעזידענט, אפילו ראוזעוועלט השני, וועלכער איז אריינגעקומען ערשט נאך 24 יאר און לכאורה איז אונטער אים געווארן א נייע תקופה - הגם די תקופה טשעינדזש קרעדיט גייט מער פארן דייטשן פירער ימח שמו - איז אויך לכאורה נישט געווען אזוי פראגרעסיוו ווי טעדי.

די פראגרעסיוויטי פון טעדאר ראזעוועלט איז שוין אונטערגעגאנגען בימיו בשעת ער איז נאך געווען פרעזידענט, ווען זיין אייגענע פארטיי איז נישט געווען צופרידן פון אים. די רעפובליקאנער קאנגרעס האט נישט געוואלט באשטעטיגן רוב פון זיינע פראגרעסיווע פאליסיס.

מיט דעם אלעם איז ער געווען שטארק פאפולער אין זיין פארטיי צוליב אסאך אנדערע סיבות, ער האט אויפגעטון גאר אסאך אויסער פראגראסיוויטי, סיי גלאבאל און סיי אין לאנד. און זיי זענען ארויס פון די פארטיי שינעס אים צו שטיצן ווען ער איז געלאפן קעגן טעפט.

איך ווייס נישט וואס איר רעדט, זיי האבן בלינדערהייט געשטיצט טעדי, די איינציגסטע סיבה פארוואס זיי האבן מסכים געווען צו גיין אונטער טעפט אין 1908, איז נאר ווייל טעדי האט אים געשטיצט.
ער האט אסאך געטוישט, סיי דורכן זיין פראגרעסיוו אין אינערליכע זאכן, וואס ס'נישט 'אונטערגעגאנגען', נאר די רעפובליקאנער פארטיי האט געטוישט דירעקציע נאכדעם וואס טעפט האט פארלוירן צו ווילסאן דער דעמאקראט.
ווי אויך האט טעדי דראסטיש ארויפגעברענגט אמעריקע'ס סטענס אין די וועלט.
ווי אויך האט ער אינגאנצן געענדיגט דאס רעדן איבער שקלאפן. ווען ביידע פארטייען האבן אוועקגערוקט זייער מעין פאליסי פאוקאס פון שקלאפעריי.
אני מאמין באמונה שלימה, שהבורא יתברך שמו, הוא בורא ומנהיג לכל הברואים, והוא לבדו עשה ועושה ויעשה לכל המעשים.
שיעלע בהמה
שר האלפיים
תגובות: 2366
זיך איינגעשריבן אום: דינסטאג דעצעמבער 10, 2019 11:59 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך שיעלע בהמה »

@מטעמים
ני ני גניבה גזילה לטובתי.......
מיינסט אז די תושבי סדום האבן נישט געהאט קיין לאגיק? איך זאג בס"ה אז די לאגיק איז גניבה גזילה, אז די האלטסט אז דאס איז נישט קיין פראבלעם דאן זאג איך שוין גארנישט.
אבער אזויפיל זאלסטו וויסן אז אין די שטים בוטקע וועל איך פאר אזאלעכע פאליטישנס וואס וועלן איינזעצן די חברה וואס פראקטיצירן אט די פאליסיס......
וואס טוט זיך
שר שבעת אלפים
תגובות: 7240
זיך איינגעשריבן אום: זונטאג מארטש 31, 2019 5:38 pm
לאקאציע: איינע פון די באהאלטענע סאב פארומס

  • ציטיר
  • צו לייגן א דאנק דארפט איר זיין אריינגעלאגט

תגובה דורך וואס טוט זיך »

@שיעלע א גאנצע תגובה פון שטותים וואס מ'קען אפילו נישט דורכליינען....


ווייל דו ביסט נישט אינטרעסירט אין מאטאמאטיק, מיינט נאך נישט אז ס'גארנישט....
אני מאמין באמונה שלימה, שהבורא יתברך שמו, הוא בורא ומנהיג לכל הברואים, והוא לבדו עשה ועושה ויעשה לכל המעשים.
Goodmorning
שר חמשת אלפים
תגובות: 5419
זיך איינגעשריבן אום: דינסטאג מארטש 06, 2018 2:32 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך Goodmorning »

שיעלע בהמה האט געשריבן:@מטעמים
ני ני גניבה גזילה לטובתי.......
מיינסט אז די תושבי סדום האבן נישט געהאט קיין לאגיק? איך זאג בס"ה אז די לאגיק איז גניבה גזילה, אז די האלטסט אז דאס איז נישט קיין פראבלעם דאן זאג איך שוין גארנישט.
אבער אזויפיל זאלסטו וויסן אז אין די שטים בוטקע וועל איך פאר אזאלעכע פאליטישנס וואס וועלן איינזעצן די חברה וואס פראקטיצירן אט די פאליסיס......

העי, מר. בהמה, סדום איז געווען ''אנטקעגן'' געבן פאר ארימע, אריינעמען געסט, אימיגראנטן....
שויתי ה' לנגדי תמיד
שיעלע בהמה
שר האלפיים
תגובות: 2366
זיך איינגעשריבן אום: דינסטאג דעצעמבער 10, 2019 11:59 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך שיעלע בהמה »

Yang2020 האט געשריבן:דער יענג קומט נישט מיט חידושים פון זארגן וואס גייט אלס אונטערברענגען די וועלט.
אויטאמאציע?
שיעלע בהמה
שר האלפיים
תגובות: 2366
זיך איינגעשריבן אום: דינסטאג דעצעמבער 10, 2019 11:59 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך שיעלע בהמה »

Goodmorning האט געשריבן:
שיעלע בהמה האט געשריבן:@מטעמים
ני ני גניבה גזילה לטובתי.......
מיינסט אז די תושבי סדום האבן נישט געהאט קיין לאגיק? איך זאג בס"ה אז די לאגיק איז גניבה גזילה, אז די האלטסט אז דאס איז נישט קיין פראבלעם דאן זאג איך שוין גארנישט.
אבער אזויפיל זאלסטו וויסן אז אין די שטים בוטקע וועל איך פאר אזאלעכע פאליטישנס וואס וועלן איינזעצן די חברה וואס פראקטיצירן אט די פאליסיס......

העי, מר. בהמה, סדום איז געווען ''אנטקעגן'' געבן פאר ארימע, אריינעמען געסט, אימיגראנטן....

סאיז די נקודה.
נישט יעדער וואס וויינט איז א רחמנות, און נישט יעדער וואס טיילט פאר ארימע איז א גוטער, מקען זיין א גנב וגזלן.
שיעלע בהמה
שר האלפיים
תגובות: 2366
זיך איינגעשריבן אום: דינסטאג דעצעמבער 10, 2019 11:59 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך שיעלע בהמה »

וואס טוט זיך האט געשריבן:@שיעלע א גאנצע תגובה פון שטותים וואס מ'קען אפילו נישט דורכליינען....


ווייל דו ביסט נישט אינטרעסירט אין מאטאמאטיק, מיינט נאך נישט אז ס'גארנישט....

אפשר ביזטו אביסל מער ספעציפיש?, אפילו איך בין טאקע נישט דא צו הערן, אבער דער עולם דא זאל נישט ווערן אנגעפיקעוועט...
צל עובר
שר עשרים אלף
תגובות: 29178
זיך איינגעשריבן אום: מיטוואך סעפטעמבער 27, 2017 6:22 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך צל עובר »

ענדרו, איך רעד נישט פון דאס נאציאנאליזם פון טראמפ בנוגע די וואנט וכדומה, נאר בנוגע זיין פשוט רעפיוזן צו זיין דער וועלטס פירער, נאר עס איבערגעבן פאר פוטין ערדוגאן און שי.

כל עצמו פון רעיגן איז געווען דאס פארקערטע.

רעיגן וואלט נעווער עווער געטון מיט די קורדן ווי טראמפ, פארקערט גאר, ער האט אומלעגאל געשטיצט די קאנטראס.

חוץ מזה וואס רעיגן איז געווען א גלאובעליסט אויף טרעיד.

און טראמפ האט שוין בשעתו געגעבן אינטערוויו'ס ווי ער רייסט אראפ דאס גלאובאליזם, ער האט עס שוין דעמאלטס נישט געשטיצט.

@וואס טוט זיך, טעפט האט נישט סתם אזוי "פארלוירן" צו ווילסאן דעם דעמאקראט, בכלל נישט, און נישט נאך די וואלן זענען די רעפאבליקאנער געווארן די רעכטע פארטיי.

נאר וואס דען, טעדי איז אהיימגעקומען פון יאגדן לייבן אין אפריקע, און ער האט געזען אז לא הלך טעפט בדרכיו, נאר ער איז גאר געווארן א רעכטער, האט ער זיך אויפגעריסן און געלאפן קעגן אים אין א בלוטיגע פריימערי, וואס איז געווען א פונדעמענטאלע מחלוקה וואס די פארטיי זאל זיין, וואס טעפט האט באוויזן צו געווינען פאר די רעכטע - אזוי ווי אלע אינקאמבענט פרעזידענטן האבן געווינען אלע פריימעריס חוץ לינדאן דזשאנסאן - איז ראוזעוועלט געלאפן אלס דריטער פארטיי קאנדידאט, און צוטיילט די רעפאבליקאנער וויילער, און אזוי האט ווילסאן געווינען.

עלעקטארעל קאלידזש
עלעקטארעל קאלידזש
IMG_20191227_144134.jpg (98.38 KiB) געזען 1314 מאל
פאפעלער וואויט
פאפעלער וואויט
IMG_20191227_144657.jpg (51.04 KiB) געזען 1314 מאל
קארטאן ווי ראוזעוועלט וויל צוריקשלעפן דעם רעפאבליקאנער עלעפאנט אין טעדיאיזם אריין.
קארטאן ווי ראוזעוועלט וויל צוריקשלעפן דעם רעפאבליקאנער עלעפאנט אין טעדיאיזם אריין.
IMG_20191227_144100.jpg (72.21 KiB) געזען 1314 מאל
בוידעם
שר ששת אלפים
תגובות: 6639
זיך איינגעשריבן אום: זונטאג סעפטעמבער 18, 2011 6:15 pm
לאקאציע: אויבן אויפן בוידעם

  • ציטיר
  • צו לייגן א דאנק דארפט איר זיין אריינגעלאגט

תגובה דורך בוידעם »

כבוד מר יענג. א נחת צו ליינען דיינע זאכן מצד די שרייבן טאלאנט וואס דו פארמאגסט, א הערליכע שריפט, קלארע פעדער און א זעלטן רואיגע געמיט.

האבענדיג דאס געזאגט, די פותח און חותם דרוש איז זייער שיין, אבער מיט מציאות- הן בעבר והן בעתיד- האט עס נישט קיין סאך שייכות. איך האב נישט די צייט יעצט צו מאריך זיין אין די אלע לעכער וואס די געביידע האט אין זיך, ועוד חזון למועד בעזרת ה'.

בדרך הלצה לאזט זיך זאגן אז טראמפ איז א חותם בתוך חותם....
רצונינו לעשות רצוניך.
אוועטאר
Yang2020
שר האלף
תגובות: 1766
זיך איינגעשריבן אום: מוצ"ש יולי 06, 2019 9:35 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך Yang2020 »

צל עובר האט געשריבן:ענדרו, איך רעד נישט פון דאס נאציאנאליזם פון טראמפ בנוגע די וואנט וכדומה, נאר בנוגע זיין פשוט רעפיוזן צו זיין דער וועלטס פירער, נאר עס איבערגעבן פאר פוטין ערדוגאן און שי.


איך האב פארשטאנען אז דו מיינסט בעיקר דאס, נאר נישט געהאט די רואיגע מינוטן צוריקצוקומען דערצו. אין קורצן, כל זה אכניס.

נישט אז טראמפ וואלט אין רעיגן'ס צייטן געווען די זעלבע ווי רעיגן, אדער רעיגן היינט די זעלבע ווי טראמפ. פאר א סיבה איז ער א גרינדער און ער א חותם. עס איז נאר אז טראמפ'ס מהלך באקומט א שטיקל אפטייטש ווען מען קוקט דערויף מיט רעיגן קאלירטע ברילן.

רעיגן'ס חלום איז פאקטיש געווען מעיק אמעריקע גרעיט עגעין, צוריקצוברענגען דעם פארשוועכטן כבוד (נאך קארטער) פונעם עיר על תילה. די וועג וויאזוי עס זאל געשען ביחס צו די וועלט איז טאקע געווען דורכן ווערן די וועלט'ס פירער, ווייל דאס איז געווען אין אמעריקע'ס מעגליכקייט. דער שאך-ברעטל איז געווען אסאך ווייניגער אנגעלייגט.

היינט, ווען דער מצב איז מער קאמפליצירט און אמעריקע קען מען נישט אזוי גרינג דאמינירן ווי א מלכה קעגן איינצלנע פויערן, קען דער זעלבער אימפולס טרייבן אז אמעריקע זאל ווערן aloof. איך בין גרויס מיט דעם וואס איך דארף זיך נישט אראפזעצן פארהאנדלען מיט אנדערע לענדער ווי גלייכע שותפים, איך פייף אויף אייראפע און די גאנצע וועלט מיט דעם וואס איך נעם שוין נישט אחריות. די וועלטס פירער וועלן מיר מער נישט קענען לאכן אין פנים (איינס פון טראמפ'ס קאמפיין מאטאס) ווייל זיי וועלן בכלל נישט זען מיין פנים. איך שפאר זיך איין אין מיין חומה בצורה, וואו איך בין גרויס און מעכטיג, און זאלן זיי זיך אליינס אן עצה געבן.
דוק ותשכח אז דאס איז די בעסטע הסבר אויף טראמפ'ס התנהגות, און איז נישט אזוי ווייט פון רעיגן'ס פסיכאלאגיע. (זיכער אסאך נענטער ווי אבאמא איז געווען, כאטש קוקנדיג אויף לעיבלס איז אבאמא געווען נענטער צו רעיגן'ס גלאובאליזם)
All you need is self-driving cars to destabilize society. -- Andrew Yang
אוועטאר
Yang2020
שר האלף
תגובות: 1766
זיך איינגעשריבן אום: מוצ"ש יולי 06, 2019 9:35 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך Yang2020 »

בוידעם האט געשריבן:כבוד מר יענג. א נחת צו ליינען דיינע זאכן מצד די שרייבן טאלאנט וואס דו פארמאגסט, א הערליכע שריפט, קלארע פעדער און א זעלטן רואיגע געמיט.

האבענדיג דאס געזאגט, די פותח און חותם דרוש איז זייער שיין, אבער מיט מציאות- הן בעבר והן בעתיד- האט עס נישט קיין סאך שייכות. איך האב נישט די צייט יעצט צו מאריך זיין אין די אלע לעכער וואס די געביידע האט אין זיך, ועוד חזון למועד בעזרת ה'.


קודם א דאנק פאר די קאמפלימענטן. איך קען עס אלעמאל נוצן, און ווען עס קומט פון די אלטגעזעצענע האט עס א ספעציעלן טעם :smile:

יעצט, דער דרוש איז נישט מיינס, עס קומט פון אן ארטיקל. און איך האב עס דא געברענגט נישט ווייל עס איז אמת אדער ווייל עס ווייזט עפעס אויף, נאר ווייל עס איז אינטערעסאנט, ווייניגסטנס פאר מיר. האב איך געקלערט אז עס קען זיין אויך אינטערעסאנט פאר אנדערע, און מקיים געווען ואהבת לרעך כמוך.

אויב קען צל עובר למשל טרעפן אזא סארט טעאריע וואס געבט א ברייטע בליק אויף די היסטאריע און שטעלט אוועק אז יעצט איז די רייע פאר ביידען, וועל איך זיך באמת באלעקן דערמיט די פינגער, כאטש איך וועל ווייטער זיין א יענג שטיצער. איך שטיץ יענג נישט ווייל ער איז א "גרינדער"

עס קוקט מיר גראדע יא אויס אז עס ליגט א פינטעלע אמת אין דעם דרוש, אבער יעדער קען מחולק זיין.
פארשטייט זיך אז עס האט לעכער. א כלל אין היסטאריע וואס האט נישט קיין יוצא מן הכלל קען נישט זיין קיין ריכטיגע כלל, נאר א קאסטום מעיד שפינוועבעכץ פון אלע פרטים ביז אהער וואס וועט צופאלן ביים נעקסטן פרט.

בוידעם האט געשריבן:בדרך הלצה לאזט זיך זאגן אז טראמפ איז א חותם בתוך חותם....

;l;p-
All you need is self-driving cars to destabilize society. -- Andrew Yang
צל עובר
שר עשרים אלף
תגובות: 29178
זיך איינגעשריבן אום: מיטוואך סעפטעמבער 27, 2017 6:22 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך צל עובר »

@יענג 2020, טראמפ האט דאך בימי רעיגן געזאגט וואס ער זאגט איצטערט אויף די ענינים?
שיעלע בהמה
שר האלפיים
תגובות: 2366
זיך איינגעשריבן אום: דינסטאג דעצעמבער 10, 2019 11:59 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך שיעלע בהמה »

@יענג. איבער די טעאריעס און בוכער וואס דו האלטסט און איין ציטירן.
סאסייעטי ליידט גאר אסאך פון די שטודירטע חברה..
היות די חברה קענען גוט נאמבערס וכדומה ווערן זיי פראפעסארן, שרייבן ביכער און שטעלן אוועק תלמידים פון נאאיווע דומקעפ קאלידזש סטודענט וואס גלייבן זיי יעדעס ווארט, און כאפן נישט אז מיט ריעל לייף האבן די פראפעסארן-בוך שרייבערס זיך קיינמאל נישט געטראפן, קענען אסאך ידיעות און ארויסהאבן וואס עס איז יושר זענען טאטאל צוויי באזונדערע זאכן און זיי האבן נישט קיין שום שייכות.
שכל איז צוטיילט אין דריי.
חכמה. בינה. דעת.
1)חכמה- ידיעות
2)בינה- כוח החידוש (מחדש זיין נייע זאכן געבויט אויף די ידיעות וואס דו האסט- תולדות פון דיינע ידיעות)
3)דעת- כוח המכריע (באשליסן די ריכטיגע זאך וואס צו טון, דורכן עס ריכטיג פארשטיין).
א פאלעטישן דארף האבן דעת. און נישט דוקא חכמה!
און חוץ א מעשה דו האלטסט עכט אז די טעאריע וואס דו האסט געשריבן איז במציאות אמת? נאכן ענדיגן ניצן אלע הויעכע ווערטער און אביסל זיך אריינבלענדן אין סאסייעטי און קוקן פשוט... זעסטו עס נאך אלס? איך נישט!
מקען נישט מאכן א ריכטיגן מאטעמאטישע חשבון אין פאליטיק און אין מהלך החיים אן ארויסהאבן ריכטיג דאס מין האנושי וויאזוי ער טראכט און וואס ער וויל! מקען זיין ווי קלוג מאיז נאר! דא האט מארקס און פרויד וכל חביריהם געפעלט...
אבער היינט פארגעטערט מען איינער וואס האט אסאך ידיעות(אינפארמאציע בלע"ז) אפילו די פשוטע דעת פעלט אים...(בעיסיקלי ווייל ער איז א הארד דרייוו בין איך מחיוב צו מקבל זיין זיינע באשלוסן...)
און אזוי שפראצן ארויס ראדיקאלע און רעוואלוציענערישע קראנקהאפטיגע, מאוומענטס און פארטייען.
מטעמים
שר תשעת אלפים
תגובות: 9183
זיך איינגעשריבן אום: זונטאג מאי 04, 2014 10:06 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מטעמים »

א שיעור עיון אין חב״ד איז אויך נישט עפעס וואס פאליטיק נויטיגט זיך.

עס איז דא גוטע לידערשיפ סקילס, איידיעס סקילס, פאליסי סקילס, פראסעס סקילס, פאליטיק סקילס און ספיעטש סקילס.

נישט אלע וואס לויפען האבען די אלע סקילס און נישט אלע וואס געוואונען האבען אלע די סקילס, יענג האט גענומען די קאנצעפט פון גראנדיעזע איידיעס אין עס אריינגעלייגט אין פאליסיס, איך קען נישט זאגען אז איך פארשטיי אלעס וואס ער זאגט און איך קען נישט זאגען אז איך עגרי מיט אלעס אבער צו זאגען סתם שטותים און הבלים סתם מאטעמעטיקער דאן מיינט עס אז דו שרייבסט בלויז רעטאריק.

מען קען זעהן וויאזוי ער סאלווט ״אויף פאפיר״ יעדע פראבלעם אין ער גייט אריין אין די תוך תוכיות פונעם פראבלעם און אט דארט ווי עס טוהט די מערסטע וויי לייגט ער ארויף זיין סעלושען, יעצט! איך וועל עגריען אז 1. זייער ווייניג אמעריקאנע האבען געדולד צו ליינען די לאנגע ענטפערס וואס ער האט און אלס רעזולטאט איז 2. שאפט ער זיך א שווערע וועג פון געווינען א דעמאקראטישע עלעקשאן ווי איי העיט טראמפ מאור דען אלל אוו יו איז די בעסט סעללינג פוינט.

אבער מיט רעטאריק וועסטו זיכער נישט טרעפן די וועג וויאזוי אינטערצוברענגען יענג, כדאי אינטערצוברענגען יענג איז דורעך ארויסברענגען פארוואס יו בי איי וועט זיין א גרעסערע דורעכפאל ווי די טויזענט קליינע דורעכגעפאלענע פראגראמען וואס קאסט כמעט די זעלבע ווי יו בי איי און אזוי פארוואס זיינע סעלושענס וועלן זיין ערגער ווי די יעצטיגע מצב און פארוואס טראכטען פאראויס אויף פראבלעמען וואס קענען געשעהן איז בעסער ווי טראכטען אויב בין איך א רעפובליקאנע מיז איך שטיצען גאנס און מלחמות אדער אויב בין איך א דעמאקראט מיז איך פיינט האבען טראמפ, נישט גלייבען אין א באשעפער אבער יא גלייבען אז די וועלט קומט צו א ענדע אין צוועלף יאר.
האב שכל און גיב א שמייכעל!
אוועטאר
Yang2020
שר האלף
תגובות: 1766
זיך איינגעשריבן אום: מוצ"ש יולי 06, 2019 9:35 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך Yang2020 »

שיעלע, אויב זוכסטו ארויסצוברענגען אז איך, דער איד וואס שטייט אונטערן ניק Yang2020, בין צופיל פארנומען מיט טעאריע און לעב נישט גענוג אין עולם המעשה, און דעריבער נישט פאסיג צו זיין פרעזידענט, ביסטו מעגליך גערעכט דערמיט. נאך א מזל אז איך לויף טאקע נישט.

אבער אויב רעדסטו פונעם מענטש יענג, דער וואס לויפט פארן אמט, האסטו א ביטערן טעות. יענג איז טאקע גענוג קלוג און זיין מוח קען פארנעמען אינפארמאציע און מאטעמאטיק, און ער באנוצט זיך טאקע דערמיט אויסצוקלארן זיינע מושכלות און אויסשטעלן זיינע פאליסיס לויט די גרונדן פון יושר אויף א וועג וואס וועט טאקע שטימען און אויפטון, ווייל ער פארשטייט אז פוסטע לאזונגען (זאל אפילו זיין לאזונגען פון יושר) זענען בלויז דאמירן בעלמא און האבן נאך קיינמאל גארנישט אויפגעטון. אבער ער לעבט שוין איינמאל אין עולם המעשה, זיכער מער ווי יעדע אנדערע קאנדידאט.
יענג'ס קאפ לויפט נישט ווי א סייענטיסט נאר ווי א אינדזשעניר. ער באנעמט די סיטואציע און זוכט גלייך וואס איז דא דער שורש פונעם פראבלעם און וויאזוי קען עס די בעסטע געלעזט ווערן - נישט דורך ביוראקראטישע דיקטאטן פון אויבן נאר טאקע דורך ארויסהאבן ריכטיג דאס מין האנושי, זיי העלפן זיך אליינס העלפן. יענג וואלט געהאט ווייניג געדולד צום טעאריע וואס איך האב דא אויבן געברענגט, ווייל עס זאגט אים נישט וואו דער פראבלעם ליגט און וואס קען געטון ווערן דערצו.
דאס האט זיך עקסטער שטארק ארויסגעוויזן ביי זיין דעבאטע מיט הארווארד עקאנאמיקס פראפעסאר דזשעף מיראן, וואו יענג האט אלעמאל קאנפראנטירט זיין אפאנענט'ס געקונצלטע אבסטראקציעס מיטן אים אראפנאגלען צום רעאליטעט.
(אגב, וועלכע נאך קאנדידאט וואלט געווען גרייט צו דעבאטירן זיינע פלענער מיט א הארווארד עקאנאמיקס פראפעסאר? וועלכע נאך דעמאקראטישע קאנדידאט וואלט געהאט די שטארקייט אויפצוטרעטן ביי א אקאדעמישע קאנוועשאן פון ליבערטעריענס און קאנסערוואטיוון?)


דאס וואס איר שרייבט אז היינט פארגעטערט מען איינער וואס האט אסאך אינפארמאציע, אויף וועלכן פלאנעט לעבט איר? היינט, בדורו של גוגל, לייגן די גויים א דגוש אויף אינפארמאציע אין קאפ?!
דווקא ביי אונז, להבדיל, איז דא אן ענין פון בקיאות און ידיעת התורה. כאטש צנא מלא ספרי איז געווען אמאל א שפאט אויסדרוק און חמור נושא ספרים איז נאך היינט.
אמאל האט א געלערנטער ביי די גויים געהייסן איינער מיט ערודיציע, וואס קען ציטירן אויסעווייניג גאנצע שטיקער פון אריסטו אדער לאנגע ליניעס פון שעיקספעיר. היינט איז ערודיציע נאר א שיינע טיטול ווען מען נוצט עס ארויסצוברענגען אז יענער האט געבויט א פרישע ווערק באזירט אויף זיינע פילע ידיעות, ווען נישט איז עס א שם של גנאי.

אבער וואס פארדריי איך אייך דעם קאפ מיט פאקטישע אינפארמאציע? באלד וועט איר נאך קומען מיט אייער גרונד פרינציפ (פון יושר, געוויס) אז היינט פארגעטערט מען מענטשן מיט אינפארמאציע און מיר גענצליך אפווישן אן דעם וואס איר זאלט בכלל עפעס שרייבן (נאר למשל "דו האלטסט עכט אז די טעאריע וואס דו האסט געשריבן איז במציאות אמת? נאכן ענדיגן ניצן אלע הויעכע ווערטער און אביסל זיך אריינבלענדן אין סאסייעטי און קוקן פשוט... זעסטו עס נאך אלס? איך נישט!"). גץ אחד יוצא...
All you need is self-driving cars to destabilize society. -- Andrew Yang
שרייב תגובה

צוריק צו “פאליטישע נייעס”