וואס טוט זיך האט געשריבן:פאראינטערסירט האט געשריבן:שפיגליצקי האט געשריבן:דאס איז עפעס קרעדיט פארן פרעזידענט, אדער א מזל זאך, לויט ווער ס'רעטייערט?
צל עובר האט געשריבן:די קרעדיט איז בעיקר פאר דעם מלאך המות מאסקווע מיטש, פארן סטאונוואלן די לעצטע 2 יאר אבאמע, און אויך אבאמע'ס נאכלעסיגקייט פארדעם.
ביידע.
אבאמא האט נישט געהאלטן דאס אריינלייגן ריכטער אלץ א פריאריטעט.
נאכדערצו אין זיינע לעצטע צוויי יאר האט ער געהאט א רעפאבליקאנע סענאט וואס האבן געשטערט אסאך נאמינאציעס.
ווען אבאמא איז ארויס איז געווען מער ווי הונדערט ליידיגע ריכטער זיצן!
ווידער טראמפ מיט מעקאנעל אינאיינעם האבן געשטעלט פאר א הויפט פריאריטעט צו איבערפילן די קאורט סיסטעם מיט קאנסערוואטיוון.
און זיי לייגן טאקע רעפידלי אריין יונגע קאנסערוואטיווע ריכטער, אריינגערעכנט דאס טוישן עטליכע סירקוטס צו א קאנסערוואטיווע מערהייט אריינגערעכנט דאס כמעט איבערדרייען די געזעצלאזע "ליבעראלע סופרים קאורט" וואס דאס איז די ניינטע סירקוט!
וואס גייט טאקע פאר מיט די ריכטער? אויב ווען אבאמא האט רעטייערט איז נאר געווען 100 ליידיגע ריכטערשאפטן, ווי אזוי קען זיין טראמפ האט שוין אריינגעלייגט 161 און ס'נאך דא אסאך ליידיגע? אזויפיל האבן רעטייערט אין טראמפ'ס טעג?
אנטשולדיגט פאר מיין עמוראצעשע שאלה, אבער וויפיל ריכטער איז דא אויף א סירקוט?
און אויב הכל הבל אדער עני וואן עלס, קען אריינקומען מיט א שטיקל אנאליז איבער, ווי אזוי די געריכט סיסטעם ארבעט? ווי אזוי טשוזט מען צו וועלכע סירקוט געריכט מען זאל עס אפעלירן? וכדומה.
א דאנק פון פאראויס.
זעה
דא אין קורצן ווי אזוי דאס ארבעט.
בעיסיקלי די פעדעראלע סיסטעם איז איינגעטיילט אויף די וועג פון שרי מאות שרי חמשים און שרי עשרות.
ס'דא 94 דיסטריקט געריכטן, וואס יעדע קלאגע גייט אהין.
העכער דעם איז דא 13 אפעלאט קאורטס, יעדע פון די 94 דיסטריקטן זענען אונטער איינע פון די 13 אפעלאט קאורטס.
העכער דעם איז די סופרים קאורט.
ס'דא א ס"ה פון 866 ארטיקל ווו ריכטער.
9 ריכטער אויף די סופרים קאורט.
179 ריכטער אויף די אפעלאט קאורטס. (יעדע סירקוט האט אן אנדערע סכום ריכטער)
678 ריכטער אין דיסטריקט קאורטס. (יעדער דיסטריקט האט אן אנדערע סכום ריכטער)
פלאס נאך פארשידענע קליינע קאורטס.
יעדע פון די ניין ריכטער אויפן סופרים קאורט איז א סירקוט דזשאסטיס אויף איינס אדער צוויי סירקוטס.
פעדעראלע ריכטער ווערן אפוינטעט פאר א לעבנסלענגליכע טערמין. (מיט אן אפשען פון אימפיטשמענט).
אין די סירקוט קאורטס קענען ריכטער העכער 65 יאר ריטייערן און באקומען א סיניער סטאטוס, וואס דאס מיינט אז זיי באקומען ווייניגער קעיסעס צוגעטיילט און אבער באקומען א פולע געהאלט מיט א פולע סטעף.
א יעדע קעיס גייט צו די דיסטריקט געריכט אין וועלכע די קלעגער אדער די אנגעקלאגטער איז סטאנציאנירט, אויב וויל מען גיין צו א צווייטע קארט דארף מען אויפווייזן אז די קעיס איז אונטער זייער יוריסדיקאציע.
מ'קעניש וועלן צו וועלכע ריכטער, ס'דא א סיסטעם וויאזוי מ'טיילט איין די קעיסעס, דאכצעך מיר אז די הויפט ריכטער איז דער וואס טיילט צו קעיסעס צו די ריכטער.
צו אפעלירן אן אורטייל קען מען נאר צו די סירקוט צו וואו די דיסטריקט געריכט באלאנגט.
דאס איז גאר אין קורצן... ס'איז באמת גאר א פארצווייגטע קארוט סיסטעם נעץ.