גייט אויטאמאציע ברענגען א קריזיס?

עקאנאמיע, ביזנעס און טעכנאלאגיע

די אחראים: יאנאש,אחראי,געלעגער

אוועטאר
Yang2020
שר האלף
תגובות: 1766
זיך איינגעשריבן אום: מוצ"ש יולי 06, 2019 9:35 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך Yang2020 »

(איך האב אייך געשיקט א פריוואטע הודעה, אבער איר ליינט עס נישט)

קענט איר ליינען פון אנהייב אשכול? עס איז נישט אזוי לאנג, און איך וואלט געוואלט הערן א קלארע תירוץ אויף די פיר קושיות דארט.
All you need is self-driving cars to destabilize society. -- Andrew Yang
אוועטאר
מים חיים
שר ארבעת האלפים
תגובות: 4973
זיך איינגעשריבן אום: דאנערשטאג יולי 14, 2016 12:08 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מים חיים »

_.png
_.png (280.87 KiB) געזען 1872 מאל
אוועטאר
Yang2020
שר האלף
תגובות: 1766
זיך איינגעשריבן אום: מוצ"ש יולי 06, 2019 9:35 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך Yang2020 »

פערציג טויזנט פונט פוטער איז טראנספארטירט געווארן פון איין ברעג אמעריקע צום צווייטן, פון קאליפארניע צו פענסילוועניע, אין א רעקארד שנעלקייט פון אונטער דריי טעג. דורך א סעלף דרייווינג טראק.
דער טראק איז געפארן 2800 מייל, אריבער 12 שטאטן. אין שניי און אנדערע שווערע וועטער, אונטער טונעלן, דורך ראודס וואו מען ארבעט. עס האט זיך אפגעשטעלט ביי שטייער בודקעס, דורכגעלאזט אמבולאנסן, און אזוי ווייטער.
א דרייווער איז געזעצן ביים רעדל, גרייט איבערצונעמען אויב פעלט אויס. אבער אויסגעפעלט האט עס זעראו מאל.
https://drive.google.com/file/d/1kzRVoo ... sp=sharing
All you need is self-driving cars to destabilize society. -- Andrew Yang
אוועטאר
Yang2020
שר האלף
תגובות: 1766
זיך איינגעשריבן אום: מוצ"ש יולי 06, 2019 9:35 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך Yang2020 »

פאר די וואס גלייכן צו ליינען פיקטיווע געשיכטעס, דא איז א "היסטאריע" פון די נאנטע צוקונפט אין אמעריקע. ליינט מיט הנאה, אדער שרעק...
All you need is self-driving cars to destabilize society. -- Andrew Yang
אוועטאר
Yang2020
שר האלף
תגובות: 1766
זיך איינגעשריבן אום: מוצ"ש יולי 06, 2019 9:35 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך Yang2020 »

סטארבוקס גייט יעצט אנהייבן צו נוצן פיר טויזנט "קאווע ראבאטן". דאס איז פאר די אנהייב.
זיי פלאנען עס אריינצושטעלן אין אלע זייערע געשעפטן אין אמעריקע און קאנאדע ביז 2022.

(ספעציעל פאר די וואס וואונדערן זיך צי די אישו פון אויטאמאציע קען נישט ווארטן ביז די 2024 עלעקשאן)
All you need is self-driving cars to destabilize society. -- Andrew Yang
אוועטאר
Yang2020
שר האלף
תגובות: 1766
זיך איינגעשריבן אום: מוצ"ש יולי 06, 2019 9:35 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך Yang2020 »

די ראדיא ריז, iHeartMedia, זאגט אפ איבער טויזנט פון אירע ארבעטער צוליב AI וואס וועט זיי ערזעצן.
https://www.washingtonpost.com/technolo ... igence-djs
All you need is self-driving cars to destabilize society. -- Andrew Yang
אוועטאר
חלב ישראל
שר חמש מאות
תגובות: 868
זיך איינגעשריבן אום: מיטוואך פעברואר 14, 2018 10:19 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך חלב ישראל »

לויט ווי איך פארשטיי וועט אויטאמאציע צום סוף איבערנעמען כמעט אלע דשאבס, איך זעה אבער נישט די פראבלעם דערמיט. היינט ווען רוב מענטשן האבן דשאבס, מאכן געלט, און לעבן באקוועם ביזטו א לוזער אויב דו האסט נישט קיין דשאב, אויב אבער האט קיינער נישט קיין דשאב וועט יעדער זיין ארים און פערטיג, צוריק צו די מיטל-אלטער יארן. געב עס נאך א הונדערט יאר און די גאנצע וועלט וועט אויסקוקן ווי סאוט אפריקע וואו די פאר עשירים זענען רייך ווי קורח און האנדלען איינער מיט'ן אנדערן בשעת וואס די איבעריגע עולם דרייט זיך אין די גאסן און הונגערט נאך א שטיקל ברויט. ווי האט נאר איינשטיין געזאגט: "איך ווייס נישט וויאזוי די דריטע וועלט מלחמה וועט אויסקוקן, אבער די פערטע וועלט מלחמה וועט מען זיך שלאגן מיט שטעקענעס און שטיינער."
אוועטאר
Yang2020
שר האלף
תגובות: 1766
זיך איינגעשריבן אום: מוצ"ש יולי 06, 2019 9:35 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך Yang2020 »

דו זעסט נישט קיין פראבלעם מיט דעם אז די גאנצע וועלט וועט אויסקוקן ווי סאוט אפריקע וואו די פאר עשירים זענען רייך ווי קורח און האנדלען איינער מיט'ן אנדערן בשעת וואס די איבעריגע עולם דרייט זיך אין די גאסן און הונגערט נאך א שטיקל ברויט?


און אגב, אויב וועט אזוי זיין, וועט עס זיין ערגער ווי אין די מיטל-אלטער יארן (ווען מען האט טאקע אויך נישט געלעקט קיין האניג). צוליב אסאך סיבות:

עס זענען דא אסאך מער מענטשן אויף די וועלט. וואס מיינט אז אסאך מער (אבסאלוט און פראצענטועל) קענען ל"ע שטארבן פאר הונגער. וואס קען ברענגען אסאך ערגערע מגיפות ווי דאן.

דו קענסט נישט צוריקלייגן די ציין-פוץ איינמאל דו האסט עס ארויסגעקוועטשט. א וועלט וואס האט זיך שוין צוגעוואוינט צו (רעלאטיווע) גלייכקייט און באקוועמליכקייט וועט אסאך שווערער אננעמען די וועג צוריק ווי די וואס האבן נישט געוויסט פון עפעס אנדערש.

האסע און אומרוען (וואס קומען פון פארביטערטקייט) פארשפרייטן זיך אסאך שנעלער ווי דאן, ווען די טויערן פונעם שטעטל איז געווען די ווייטסטע וואו רוב זענען געגאנגען אין זייער לעבן און אינפארמאציע האט נישט געקענט פארן שנעלער ווי א פערד. היינט זענען אויך דא גרינגערע וועגן צו הרג'ענען אדער שעדיגן מער מענטשן.

אין מיטל-אלטער זענען מענטשן על פי רוב געווען טיף-רעליגיעז, און האבן מער געלעבט פאר די קומענדיגע וועלט און זיך נישט אזויפיל געקימערט מיטן הווה.

אין מיטל-אלטער האט א מענטש געקענט אפרייסן פרוכט פון ביימער פון הפקר און כאפן חיות אין וואלד צום עסן, ארויסלייגן טעפ צו זאמלען רעגן וואסער צום טרינקען, שלאפן אויפן גאס, און די איבריגע צייט און ענערגיע אריינלייגן אין זיך אדער אין אנדערע, צו פילן אז ער לעבט. היינט דארף ער האבן א פערמיט צו רייסן פרוכט אדער כאפן חיות, ער ווערט ארעסטירט אויב לייגט ער טעפ אדער שלאפט ברשות הרבים, ער דארף א דיפלאמע אדער פערמיט מיט גאנצע ביוראקראטישע פארשריפטן צו קענען האנדלען. עס איז נישט מעגליך אנצוהייבן מיט גארנישט. ער מוז אנקומען צום וועלפעיר סיסטעם, וואס מאכט זיכער אים צו האלטן געפאנגען דארט און ער קען מער קיינמאל נישט ארויסגיין.

און נאך.


(און מזל טוב שר חמש מאות!)
All you need is self-driving cars to destabilize society. -- Andrew Yang
אוועטאר
חלב ישראל
שר חמש מאות
תגובות: 868
זיך איינגעשריבן אום: מיטוואך פעברואר 14, 2018 10:19 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך חלב ישראל »

קודם כל, ברוכים תהיו.

צווייטנס, אונז לעבן אין א דור וואו מ'רעדט זיך איין אז מ'האט אויסגעשפילט נאטור, קיינער איז שוין נישט קאלט אין די ווינטער, הייס אין די זוממער, מ'שטארבט שוין נישט פון פארקילעכצער און געבורט, אלעס איז גרייט אויף א גאלדענעם טאץ און דער עולם דרייט זיך און פריידט זיך, מ'מאכט געלט, מ'גייט אויף טייערע וועקעישענס, און מ'לעבט א גוט'ן טאג. אפילו דער גרעסטער עושר אמאל האט נישט געלעבט אזוי באקוועם ווי דער ארימאן היינט. מ'ווערט אזוי צוטרייסלט ווען מ'הערט אז איינער איז אוועק פון די מחלה, און מ'פארגעסט אז פאר הונדערט און פופציג יאר צוריק פלעגן רוב קינדער נישט איבערלעבן די קינדער יארן. מ'לעבט און מ'לאכט אינעם דורו של משיח ווען די מעדנים זענען מצויין כעפר, וואס מ'כאפט אבער נישט איז אז נאך שיתא אלפי שני קומט א וחד חרוב.

נאך סופערבאגס וועלן איבערנעמען די וועלט און נוקלעארע אפפאל וועט זיך נעמען ליעקן פון אלע זייטן וועט אויטאמאציע נאר זיין א טייל פון די גורמים פאר די צוזאמפאל פון ציוויליזאציע ווי אונז קענען עס. לאמיר זאגן אז ציוויליזאציע פאלט מארגן צאם, און פאר די נעקסטע הונדערט יאר וועט די קוואליטי אוו לייף זיין פיל ערגער ווי אינעם מיטל-אלטער, נאך הונדערט יאר וועט זיך עס אבער אויסגראדן און מ'וועט זיין צוריק צום אלטן, און די עווערידש קוואליטי אוו לייף פון די זיבן זאטע יארן און די זיבן הונגער יארן וועט זיין מער ווייניגער ווי א געווענליכע יאר ולא נודע כי באו אל קירבנה.
קאטאגאריש
שר חמישים ומאתים
תגובות: 266
זיך איינגעשריבן אום: מאנטאג פעברואר 18, 2019 6:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קאטאגאריש »

נאכן נאכאמאל טראכטן איז מיין מיינונג אז די קריזיס וואס אויטאמאציע גייט ברענגען, אז מען האט געטראפן נאך א סיבה פארוואס צי טיילן געלט פאר די וואס ארבעטען נישט

חלב ישראל, אויטאמאציא האט ביז יעצט נאר בעסער געמאכט די קוואלעטי אוו לייף, מיט וואס מיינסטו אז עס גייט מאכן ערגער?, מען וועט קענען קלינען נוקלעארע אפפאל מיט א ראבאט,

אין טשיינע ניצט מען דראונס צו הייסען אנטון מאסקעס אין פאטראלען די גאסען, במילא ווערען וויניגער אינפעקטעט,
סמיינט נישט אז איך האלט פארקערט
I just like playing devils advocate
אוועטאר
Yang2020
שר האלף
תגובות: 1766
זיך איינגעשריבן אום: מוצ"ש יולי 06, 2019 9:35 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך Yang2020 »

נוקלעארע ליעקס וועלן בעז"ה נישט פאסירן, צוליב דעם וואס יענג וועט איינפירן טאריום רעאקטערס.
סופערבאגס וועט אויך דער בורא העלפן, און זיי וועלן באהאנדלט ווערן מיט נענאטעכנאלאגיע (קליינטשיגע ראבאטן, אזוי צו זאגן, וועלכע וועלן ארומשווימען אינעם בלוט און "אויפעסן" די באצילן).
ארבעטסלאזיגקייט דורך אויטאמאציע, ווידער, איז א פאקט וואס פאסירט שוין (קיינער האט נאכנישט פארענטפערט קיין איינס פון מיינע פיר פראגעס. די איינציגסטע סטראטעגיע דערווייל איז זיך נישט וויסנדיג מאכן, און דערנאך אנקומען א חודש שפעטער נאכאמאל כאילו לא היה). עס איז דעריבער מחובת ההשתדלות צו זען וואס מען קען טון אז ציוויליזאציע זאל נישט חלילה צוזאמפאלן נאר ארויסקומען דערפון בעסער ווי בעפאר.
All you need is self-driving cars to destabilize society. -- Andrew Yang
קאטאגאריש
שר חמישים ומאתים
תגובות: 266
זיך איינגעשריבן אום: מאנטאג פעברואר 18, 2019 6:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קאטאגאריש »

האסט אנגעפאנגען א אשכול אין 2019 מיט טשארטס וואס ענדיגען זיך אין 2015, ווען עס גייט ווען ביז 2019 זעהט עס ווען נישט אויס אזוי שרעקעדיג

מיין פראגע איז פארוואס זייט 2011 גייט עמפלאמענט ארויף אפילו מיט די ראבאטס?
סמיינט נישט אז איך האלט פארקערט
I just like playing devils advocate
אוועטאר
Yang2020
שר האלף
תגובות: 1766
זיך איינגעשריבן אום: מוצ"ש יולי 06, 2019 9:35 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך Yang2020 »

איך האב געברענגט "דאטא" אויך פון אסאך שפעטער ווי 2015, כאטש רוב "טשארטס" ענדיגן זיך טאקע ערגעץ דארט, ווייל דאס האב איך געהאט גרייט אונטער די האנט. (על פי רוב גענומען פון יענג'ס ביכל, וואס איז לאנג צוריק ארויסגעקומען). אויב קענסטו אויפווייזן אז אין 2019 עקזיסטירט מער נישט דער געפאר, ווארט איך צו ליינען מיט אינטערעסע. דערווייל איז המוציא מחבירו עליו הראיה.

עמפלוימענט האב איך שוין ערקלערט צענדליגע מאל, אריינגערעכנט אפאר מאל אין דעם אשכול. אויב איז דאס א וועג מיר אויסצופראבירן ווי הלל, וועל איך זיך איינהאלטן פון צו רעגן, אבער ערקלערן נאכאמאל איז מיר שווער :smile:
חוץ פון דעם וואס עמפלוימענט ארויפגיין פאדערט בכלל נישט קיין ערקלערונג. פארשטייט זיך אז אויטאמאציע איז נישט די איינציגסטע זאך וואס שפילט דערווייל א ראלע אינעם לעיבאר מארקעט, און אין די צייט וואס עס שניידט דזשאבס פון איין זייט קענען צייטווייליג צוקומען מער דזשאבס פון די אנדערע זייט. אבער החכם עיניו בראשו ולא לעולם חוסן, ופשוט.
All you need is self-driving cars to destabilize society. -- Andrew Yang
פארשער
שר האלף
תגובות: 1847
זיך איינגעשריבן אום: מיטוואך דעצעמבער 16, 2009 7:20 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך פארשער »

Yang2020 האט געשריבן: פארשטייט זיך אז אויטאמאציע איז נישט די איינציגסטע זאך וואס שפילט דערווייל א ראלע אינעם לעיבאר מארקעט, און אין די צייט וואס עס שניידט דזשאבס פון איין זייט קענען צייטווייליג צוקומען מער דזשאבס פון די אנדערע זייט. אבער החכם עיניו בראשו ולא לעולם חוסן, ופשוט.

די קאנטער-ארגומענט איז אז עס איז די זעלבע אויטאמאציע וואס ברענגט אז עס זאל צוקומען מער דזשאבס פון די אנדערע זייט צוליב דעם וואס די גרויסע קאמפאניס וואס שפארן געלט א דאנק אויטאמאציע בלייבן מיט מער געלט אין טאש זיך צו קענען פארברייטערן.
אוועטאר
Yang2020
שר האלף
תגובות: 1766
זיך איינגעשריבן אום: מוצ"ש יולי 06, 2019 9:35 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך Yang2020 »

און פון דעם האט מען שוין גערעדט כמה וכמה פעמים און מסביר געווען אויף צענדליגע אופנים באזירט אויף קלארע דאטא, אז עס וועלן טאקע זיין גרויסע פארדינער אבער ווייניג פון זיי. די רעדע איז פון א "מלחמה אויף נארמאלע מענטשן", וואס נארמאלע מענטשן פארמאגן נישט קיין גרויסע קאמפעניס.
און אויב מיינסטו אז די גרויסע קאמפעניס וועלן אויפנעמען די מענטשן פאר ארבייטער, לאזטו דא אומבאמערקט ארויס די שטריק פון די אנדערע זייט, ווייל דו דארפסט לכבוד דעם אננעמען אז די אנדערע ארבעט וועט נישט ווערן אויטאמאטיזירט, א זאך וואס איז הלכתא בלא טעמא און די טרענד צייגט פארקערט. ווי איך האב דיר שוין געפרעגט אויבן, און נישט באקומען קיין ענטפער.
All you need is self-driving cars to destabilize society. -- Andrew Yang
פארשער
שר האלף
תגובות: 1847
זיך איינגעשריבן אום: מיטוואך דעצעמבער 16, 2009 7:20 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך פארשער »

די סיבה פארוואס איך האב דיר נישט געענטפערט אויבן איז נישט ווייל איך האב אנגענומען דיין מיינונג נאר היות איך באקום נאכנישט קיין $1000 אומזיסט א חודש האב איך ווייניג צייט פאר האביס...
יעצט מיין שכל זאגט אז ווען א קאמפאני פארברייטערט זיך וועלן זיי אלעמאל נוצן עפעס מער ארבייטער ואפילו את"ל אז זיי וועלן בלויז הייערן מער ראבאטס און טעילארייזערס וועט מען דארפן מער מענטשליכע קראפט צו פראדוצירן די אלע ראבאטס. יעצט ס'איז נישטא קיין שיעור ווי שטארק קאמפאניס קענען זיך פארברייטערן ווילאנג זיי קענען פראדוצירן אייטעמס און סערוויסעס פאר גענוג ביליג אז געוויסע מענטשן זאלן זיך קענען ערלויבן זיי צו קויפן, מ'קען אייביג אויפקומען מיט פרישע זאכן און שאפן א need דערפאר.

אויטאמאציע איז נישט א זאך וואס גייט בלויז געשען מארגן נאר ווי דו אליינס שרייבסט געשעט עס שוין א לאנגע צייט דאך זעט מען נישט אז די ארבעטסלאזיגקייט בכלליות זאל האלטן אין איין ארויפגיין, דערפאר האלטן געוויסע מענטשן ואני בתוכם אז ווי לאנג מען זעט נישט אז די ארבעטסלאזיגקייט בכלליות גייט ארויף אויף א כסדר'דיגן אופן דארף מען זיך נישט זארגן פאר א קריזיס.
ע"כ הקאנטער-ארגומענט...
קאטאגאריש
שר חמישים ומאתים
תגובות: 266
זיך איינגעשריבן אום: מאנטאג פעברואר 18, 2019 6:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קאטאגאריש »

Yang2020 האט געשריבן:איך האב געברענגט "דאטא" אויך פון אסאך שפעטער ווי 2015, כאטש רוב "טשארטס" ענדיגן זיך טאקע ערגעץ דארט, ווייל דאס האב איך געהאט גרייט אונטער די האנט. (על פי רוב גענומען פון יענג'ס ביכל, וואס איז לאנג צוריק ארויסגעקומען). אויב קענסטו אויפווייזן אז אין 2019 עקזיסטירט מער נישט דער געפאר, ווארט איך צו ליינען מיט אינטערעסע. דערווייל איז המוציא מחבירו עליו הראיה.

עמפלוימענט האב איך שוין ערקלערט צענדליגע מאל, אריינגערעכנט אפאר מאל אין דעם אשכול. אויב איז דאס א וועג מיר אויסצופראבירן ווי הלל, וועל איך זיך איינהאלטן פון צו רעגן, אבער ערקלערן נאכאמאל איז מיר שווער :smile:
חוץ פון דעם וואס עמפלוימענט ארויפגיין פאדערט בכלל נישט קיין ערקלערונג. פארשטייט זיך אז אויטאמאציע איז נישט די איינציגסטע זאך וואס שפילט דערווייל א ראלע אינעם לעיבאר מארקעט, און אין די צייט וואס עס שניידט דזשאבס פון איין זייט קענען צייטווייליג צוקומען מער דזשאבס פון די אנדערע זייט. אבער החכם עיניו בראשו ולא לעולם חוסן, ופשוט.


די לעצטע 9 יאר איז עמפלוימענט ארויף, אפילו מיט אויטאמאציע, נישט נאר וואס עס איז נישט אראפ, נאר ארויף, אין די ווילסט מען זאל איבערדרייען די עקאנעמי ווייל די האלטסט אז עס צייטוויליג, טאמער ווילסטו וויסן פארוואס יענג האלט ביי 3.5% איז דאס א חלק פין די ענטפער

ווייל אינז זענען שוין ציגעוואוינט אז א ליבערעל שרייט אז די וועלט ענדיגט זיך, אין די איינציגעסטע עצה איז אז די גאווערמענט זאל נעמען געלט אין טיילן
סמיינט נישט אז איך האלט פארקערט
I just like playing devils advocate
אוועטאר
Yang2020
שר האלף
תגובות: 1766
זיך איינגעשריבן אום: מוצ"ש יולי 06, 2019 9:35 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך Yang2020 »

לאמיר איבערשרייבן בקיצור. כאטש איך האב אויך נישט איבריג צייט, אבער אז אידן שטייען און ווארטן אויף א תשובה...

פארשער האט געשריבן:יעצט מיין שכל זאגט אז ווען א קאמפאני פארברייטערט זיך וועלן זיי אלעמאל נוצן עפעס מער ארבייטער


דיין שכל איז נישט צופיל אפטימיזירט פאר א אויטאמאטיזירטע וועלט, פונקט ווי מיינס איז נישט. דערפאר דארף מען אביסל צולייגן קאפ. עס איז מאטעמאטיש און לאגיש אפגעפרעגט אז זיי וועלן נוצן מער ארבייטער, אפילו נאר עפעס מער אין טאטאל, ווי שוין ערקלערט אויבן באריכות.
אבער עס איז אויך דא א גרינגערע וועג עס צו ווייזן:
twonp.png
twonp.png (23.97 KiB) געזען 1189 מאל

וואס מער אויטאמאטיזירט די קאמפעני, אלץ גרינגער קען זיך עס טאקע פארברייטערן, אבער אלץ ווייניגער ארבייטער נוצט עס. די מער אויטאמאטיזירטע אמאזאן וועט זיין צו די יעצטיגע אמאזאן ווי די יעצטיגע אמאזאן איז צו וואלמארט.

און אזוי איז דא דאטא עד אין סוף וואס ווייזט עס קלאר, מען דארף נאר האלטן די אויגן און קאפ אפען עס צו זען.


פארשער האט געשריבן:אפילו את"ל אז זיי וועלן בלויז הייערן מער ראבאטס און טעילארייזערס וועט מען דארפן מער מענטשליכע קראפט צו פראדוצירן די אלע ראבאטס.


און ווער מיינסטו פראדוצירט די ראבאטן? ריכטיג, אנדערע ראבאטן.
די איינציגסטע וועג אז עס זאל מעגליך זיין אז מענטשן זאלן פראדוצירן ראבאטן, וועט נאר זיין אויב דאס וועט נוצן ווייניגער מענטשליכע קראפט (וממילא געבן ווייניגער ארבעט פאר מענטשן) ווי די ארבעט וואס די ראבאטן ערזעצן, ווייל אויב נישט טוען דאך די ראבאטן גארנישט אויף און וועלן נישט באשאפן ווערן מתחילה, כמובן.


פארשער האט געשריבן:יעצט ס'איז נישטא קיין שיעור ווי שטארק קאמפאניס קענען זיך פארברייטערן ווילאנג זיי קענען פראדוצירן אייטעמס און סערוויסעס פאר גענוג ביליג אז געוויסע מענטשן זאלן זיך קענען ערלויבן זיי צו קויפן, מ'קען אייביג אויפקומען מיט פרישע זאכן און שאפן א need דערפאר.


מיטן אויפקום פון דזשענעראל פורפוס ראבאטן וואס לערנען זיך on the spot (פראטאטיפן עקזיסטירן שוין), ערלויב מיר איבערצושרייבן דיין זאץ:
ס'איז נישטא קיין שיעור ווי שטארק ראבאטישע באנוץ קענען זיך פארברייטערן ווילאנג זיי קענען פראדוצירן אייטעמס און סערוויסעס פאר גענוג ביליג אז עס זאל זיך לוינען פאר די קאמפעניס זיי צו קויפן.

פארשער האט געשריבן:אויטאמאציע איז נישט א זאך וואס גייט בלויז געשען מארגן נאר ווי דו אליינס שרייבסט געשעט עס שוין א לאנגע צייט דאך זעט מען נישט אז די ארבעטסלאזיגקייט בכלליות זאל האלטן אין איין ארויפגיין, דערפאר האלטן געוויסע מענטשן ואני בתוכם אז ווי לאנג מען זעט נישט אז די ארבעטסלאזיגקייט בכלליות גייט ארויף אויף א כסדר'דיגן אופן דארף מען זיך נישט זארגן פאר א קריזיס.


אויטאמאציע, ווי טעכנאלאגיע בכלל, וואקסט exponentially. עס הייבט זיך אן קליין, וואקסט שטאט, און פלוצלינג דערזעט מען זיך מיט א צונאמי.
אויטאמאציע, אין די געביטן וואו אויטאמאציע איז שוין איינגעפירט, האט אינגאנצן חרוב געמאכט די לעיבאר מארקעט אין יענע סעקטארן אן קיין שום ערזאץ. צו ברענגען א ראי' פונעם דזשאב וואוקס אין די געביטן וואו אויטאמאציע האלט יעצט אינמיטן אנטוויקלט ווערן און איז נאכנישט איינגעפירט, איז ווי @יוד אלף האט טרעפליך געשריבן, די מהלך פונעם בת היענה. פונקט אזוי און נאך אסאך שטערקער קען מען זאגן אז אוטסאורסינג אדער אימיגראנטן איז נישט קיין פראבלעם פאר דזשאבס, ווייל אין אסאך סעקטארס האבן זיי נאכנישט צוגענומען און יענע סעקטארס וואקסן גאר.
(דאס איז שוין א תשובה פאר קאטאגאריש אויך)

און נאך צוויי הערות לדברי קאטאגאריש:
1. UBI (וואס וועט נישט איבערדרייען די עקאנאמיע) איז שוין פארגעשלאגן געווארן אין די לעצטע 200 יאר דורך דענקער און פארשער פון אלע שיכטען און פאליטישע אנשויאונגען (גראדע מער ליבערטעריען ווי ליבעראל, לעצטע מאל איך האב געציילט), און איז שוין אויסגעפירט געווארן אין אזעלכע פלעצער ווי אפריקאנישע דערפלעך וואו אויטאמאציע איז נאכנישט קיין חלום, און האט געברענגט אויסטערליש גוטע רעזולטאטן אין יעדן געביט וואס מען האט נאר געמאסטן, פון קריים ביז געזונטהייט ביז משפחה לעבן. דל אנעמפלוימענט מהכא איז די קעיס פאר UBI זייער שטארק, פשוט ווייל יעצט קען מען עס גרינגער אויספירן.
2. די געפאר פון אויטאמאציע איז ווייטער נישט קיין ליבעראלע טאלקינג פוינט, אויב עפעס פארקערט (וואס איז אפשר די סיבה פארוואס יענג ציט אן שוואכער ביי פארטיי דעמאקראטן ווי אין אלגעמיין. און אגב איז דיין 3.5% פיגור אויסגעזויגן פון פינגער, אבער עניוועי).

(דאס אלעס האב איך שוין געשריבן אסאך מאל. יעצט קען איך ביטע באקומען מיין "ק.נ.א. הלל'ס געדולד" מעדאל? :P )
All you need is self-driving cars to destabilize society. -- Andrew Yang
אוועטאר
טעארעטישע פאקטן
שר האלף
תגובות: 1184
זיך איינגעשריבן אום: דינסטאג דעצעמבער 01, 2020 5:43 pm
לאקאציע: צװישן טעאריע און פאקט

Re: גייט אויטאמאציע ברענגען א קריזיס?

  • ציטיר
  • צו לייגן א דאנק דארפט איר זיין אריינגעלאגט

תגובה דורך טעארעטישע פאקטן »

כ׳האב נישט דורכגעלײנט די גאנצע אשכול, די אנהײב - און עיקר יא, (װאו זענט איר פארשװאונדן ר׳ יענג? פונקט יעצט װען דו גרײטסט זיך בעז״ה צו װערן די מעיאר פונעם רױטן עפל, און װעסט קענען אנהײבן אױספירן דײנע שטרעבונגען כאטש אױף א לאקאלן פארנעם, קום צוריק, װי אר מיסינג יא! :grin: )
כ׳גײ נישט ארײנגײן אין די עצם נושא, ס׳איז ארוכה מני ים, כ׳װיל נאר ארױסברענגען אפאר נקודות איבער די נושא,
1) װען דו ביסט שטערבליך דארשטיג פאר א קאװע, און האסט געטראפן אין פריזשידער האלב מילך פון װיפיל דו דארפסט געװענליך װעסטו ארײנטראסקען די גאנצע קאװע אין גארביטש? אדער װעסט כאטש דאס טרינקען? (כ׳רעד פון א מציאות װאס דו װעסט נישט האבן קײן אנדערע קאװע פאר אפאר טעג-װאכן לאמיר זאגן, נישט אױב דו גײסט אין אפאר שעה ארום האבן קאװע)
די נמשל איז אז יענג טענה׳ט און אפשר מיט רעכט אז אױטאמאציע גײט ברענגען א קריזיס און דאס װאס מ׳זאגט אז ס׳קומען אױף אנדערע דזשאבס איז אמת אבער װי שױן דא ברײט באשריבן איז עס נישט קײן ישועה פאר דער פשוט׳ער פיזיש שװערע ארבעטער, װײל ער קען זיך נישט -פאר גאד װי מ׳זאגט- זיך צוזעצן צום קאמפיוטער, װאס רוב (רוב, נישט אלע) נײע דזשאבס זענען דאס, זיכער נישט שטײן איבערגעבױגן איבער א נײע קאר מיט א דריל און פאקטיש צוזאמשטעלן א קאר,
װאו יענג האט שױן ארױסגעברענגט אז מ׳האט געזען אז די רוב פון די ארבעטער װאס האבן פארלױרן ״מאניופעקטשערינג - פיזישע" דזשאבס, האבן ענדערש אױסגעװעלט ארױפצוגײן אױף רעגירונג פראגראמען, װאו זיך לערנען א פאך אין די הײנטיגע אױטאמאטיזירטע װעלט,
סאו װעגן די ״פראבלעם״ שטײען מיר אײניג,

די גרױסע חילוק איז אבער װאס די ״סעלושען״ זאל זײן?, דא בין איך מחולק מיט מיסטער יענג׳ן,

אײנס, װיפיל דזשאבס מ׳קען נאך סעיװן אין די מאניפעקטשערינג אינדוסטרי (װאו טראמפ האט ״פרובירט״ צו טוהן, כ׳גײ נישט ארײן אױב ער האט געטוהן ״ריכטיג״, כ׳זאג נאר אז ער האט עט ליעסט ״געטרײט״ עפעס צו טוהן, לדוגמא: נאפטא, סטאפן די טי פי פי, און נאך דזשאב קילינג -בעיקר פיזיש- אפמאכן) אזױװי אױבנדעמאנט בײ די קאפי, װיפל מ׳קען סעיװן און טוהן אנצוהאלטן פיזישע דזשאבס דארף מען טוהן, ס׳איז קריטש װיכטיג פאר א געזונטע סאסײעטי - װאס באשטײט פון אלע סארטן מענטשן ארײנגערעכנט אזאנע װאס ״נאר פיזיש״ שװער ארבעטן איז פאר זײ געאײגנט - צו פארמאגן א ״מאניפעקטשערינג אינדוסטרי״, נישט אלעס איז אבאוט געלט, מ׳דארף אױך נעמען אין באטראכט אז לגבי ״קװאליטי אף לײף״ איז דאס פאר געװיסע די אײנציגע סארט דזשאב װאס זײ קענען - און דארפן פארמאגן, ארײנגערעכנט אסאך הײמישע אינגעלײט,
מ׳דארף נישט שטײן און רעכענען "װיבאלד און כך וכך יארן ארום װעט כך וכך געשען, לאמיר שױן יעצט זיך אפשאקלען פון די גאנצע מעשה" דאס איז אײנס,

צװײטנס, והיא העיקר, די סעלושען פון געבן א ״יוניװערסל בעיסיק אינקאם״ טוט אױף ״פונקט דאס פארקערטע״, װײל לױט װאו געשמועסט איז די דעמאגראפיג ארבעטער װאס װאס װערן בעיקר באטראפן, זענען ״פיזישע ארבעטער״ און זײער ״קװאליטי אף לײף״ תוצאה װאס קומט ארױס פון אױטאמאציע, װערט בכככלל נישט אדרעסירט מיט דעם װאס זײ װעלן האבן א ״בעיסיק אינקאם״, אפשר אדרעסירט עס די ״פײנענשאל״ פראבלעם אלס רעזולטאט פון אױטאמאציע, אבער בהחלט נישט די חלק אז זײ קענען נישט טרעפן א דזשאב װאס איז צוגעפאסט פאר זײערע באדערפענישן,
יענג װעט זײ געבן פײנענשאל סטאביליטעט, אבער די פסיכאלאגישע אישוס װאס קומען ארױס פון אױטאמעישאן בלײבט א פראבלעם, און ס׳איז א שטארקע פראבלעם, אזױװי מ׳האט געזען אין דעטרױט, מישיגען און נאך שטעט װאו די פעקטאריס האבן זיך פארמאכט איז די פארברעכן ראטעס גאר שטארק געשטיגן, און ס׳לאזט זיך זאגן אז ס׳איז אױך אלס רעזולטאט װײל די געװעזענע פלענט ארבעטער קענען זיך נישט מסדר זײן מיט אן אפיס דזשאב, ״אחוץ״ די חלק אז ער האט נישט קײן געלט,
א בחינה פון ״הבטלה מביא לידי....

און יעצט בײ קאװיד מיט די - בעיקר גײסטישע - שאדנס װאס די געלט געגיסעכץ הנקרא ״אנעמפלאימענט״ (די אשכול איז געשריבן געװארן פארן װעלט מלחמה.... Wow :P נישט אזױ לאנג צוריק איז װעלט נאך געװען װעלט......) האט זיך נאך א שטיק צײט ארױסגעװיזן אז דאס װאס יענג טענה׳ט אז א "יוניװערסאל בעיסיק אינקאם" - װאס איז ענליך צו אנעמפלױמענט - אפי׳ א מענטש באקומט נישט אזױפיל געלט, דאך, אײנמאל ער האט גענוג צום לעבן װעט זיך א מענטש נישט צופיל צוקראצן צו גײן ארבעטן, ער איז צופרידן װיאזױ ס׳איז, קײנער ארבעט נישט סתם אזױ, ממילא בין איך שױן נישט אזױ איבערגעצײגט אז יענג׳נס בעיסיק אינקאם איז די ריכטיגע סעלושן פאר אױטאמאציע, דאס איז געװען א ריזיגע און גוטע שטודיע, און די תוצאה איז אז, יא, טײלן געלט איז אינטערעסאנט, ס׳אפשר אפשר א ״פײנענשל״ ענטפער, בדוחק, אבער װײט װײט נישט די ״ריכטיגע״ לאנג טערם סעלאשן פאר אױטאמעישאן,

װאס יא?, װי שױן דערמאנט, פרובירן מיט אלע כוחות צוריקצוברענגען מאניפעקטשערינג קײן אמעריקע 1) דורך שטײער אינסענטיװס פאר קאמפאניס װאס קריעיטאן - ברענגען צוריק - מאניפעקטשערינג דזשאבס קײן אמעריקע, (פאר די רײכע? װאס איז מיט דיר? יא יא, פארװאס לױנט זיך פאר א קאמפאני אױפצוהאלטן אן ארמײ פון לױערס צו טרעפן אלע לעכער אין די סיסטעם ער זאל נישט דארפן צאלן קײן טעקסעס? מאך אראפ די טעקסעס, ״ביגלי״ װאו טראמפ זאגט, װעט אים - און אסאך אנדערע קאמפאניס - זיך לױנען צו צאלן די מינימום, מער קאמפאניס װעלן דורכ׳ן ״לאוערן״ טעקסעס באצאלן זײער ״פעיר שעיר״ װאו דעמאקראטן שרײען אײביג, זיכער נישט דורכ׳ן ״הײבן״ טעקסעס װאו בײדען װיל יעצט טוהן, און שרײען לופטיג: פארװאס באצאלט נישט אמעזאן וכדו׳ זײער פעיר שעיר?״ "שוטה, אז דו הײבסט זײנע שױן אזױ אױך הױכע טעקסעס, אװדאי װעט ער נוצן יעדע טריק אין די בוק זיך ארױסצודרײען, ארײנגערעכנט זיך איבערפלאנצן אין אױסלאנד")2) װי אױך דורך מאכן זיכער (דורך טאריף׳ס אדער אנדערע אופנים) אז ס׳לױנט זיך מער צו פראדוצירן זאכן אין אמעריקע, װאו אין אױסלאנד,
און דאס װאס מאנכע װעלן שרײען אז ״פרײזן פון זאכן װעלן שפרינגען״, שתי תשובות בדבר 1)אײנס, הײנט װאס אלע פרײזן זענען ארױף - ספעציעל שיפינג - איז שױן נישט ״אזא״ מציאה צו פראדוצירן אין אױסלאנד, 2)והשנית, נניח טאקע, אבער װי ארױסגעברענגט אױבן קען מען נישט נעמען אין באטראכט ״נאר״ אן עקאנאמישע חשבון בײ טרעיד, מ׳דארף האבן א געזונטע מאניפעקטשערינג אינדאסטרי פאר א געזוטע סאסײעטי, פונקט אזױ װי מיר װעלן נישט װערן זאט פון רעסטוראנטן אין טשײנע, אפי׳ דארט איז די עסן ביליגער, די עסן דארף מען דא, אפגעזעהן די פרײז דערפון, די זעלבע װיכטיג איז צו האבן א פיזישע מאניפעקטשערינג אינדאסטרי ״דא אין אמעריקע״ אפגעזעהן די פרײז, ס׳איז א געװיסע עסן פאר די װאס דארפן דאס,

אײ אױטאמעישאן? כ׳װײס, אבער װאס טוט זיך מיט די ״שװערע מיליאנען״ ארבעטער װאס עפל און אלע אנדערע קאמפאניס האלטן אױף אין טשײנע, נארט קאריע און אין גאנץ אזיע, נאר נישט אין אמעריקע?, דארט זעט נאך בככל נישט אױס אז אױטאמעישאן הרג׳ט אװעק מענטשנ׳ס דזשאבס, אױב עפעס פארקערט, אלע גרױסע קאמפאניס עפענען נאר מער און מער פלענטס און פעקטאריס איבער גאנץ אזיע, און סײװי איבער די װעלט נאר נישט אין אמעריקע, סאו האק נישט קײן טשײניק, מ׳דארף נאך גענוג און נאך צוקומען צו מענטשליכע ארבעטער,

מ׳דארף ארבעטן אױף אן מהלך אז ס׳זאל צוריק אױפבליען די פאררױכערטע פעקטאריס דא אין די פאראײניגטע שטאטן, און דאס איז װי געשריבן קריטיש װיכטיג ״אפגעזעהן די פרײז״,

און דאס איז בעז״ה די לאנג טערם - עכטע - געזונטע - סעלושן פאר אױטאמעישאן- מאניפעקטשערינג,
נישט ״יוניװערסאל בעיסיק אינקאם״

הערסטו מיסטער יענג?......

װאס זאגט איר דערצו?
אױב די פאקט שטימט נישט מיט דײן טעאריע - טױש די פאקט
אינטואציע איז א העכערע מתנה, שכל איז איר באדינער. אונזער געזעלשאפט איז מחשיב דעם באדינער, און פארגעסט פונעם מתנה (אלבערט אײנשטײן)
אוועטאר
ממוצע
שר חמשת אלפים
תגובות: 5451
זיך איינגעשריבן אום: מאנטאג יאנואר 20, 2020 11:07 pm

Re: גייט אויטאמאציע ברענגען א קריזיס?

  • ציטיר
  • צו לייגן א דאנק דארפט איר זיין אריינגעלאגט

תגובה דורך ממוצע »

אנעמפלוימענט איז נישט קיין ראי' אויף יוניווערסאל בעיסיק אינקאם. ווייל אנעמפלוימענט האלט דירעקט אפ פון גיין זוכען ארבעט, ווייל אז דו ארבעטסט פארלירסטו דיין אנעמפלוימענט. נישט אזוי איז ביי UBI, וואס מ'פארלירט נישט די טויזענט דאללער, און טויזענט דאללער איז צו ווייניג אז א מענטש זאל נישט ווילן ארבעטן פאר דעם.

שטודיעס אויף פארקערט זענען דא.
צולייגער
שר שלשת אלפים
תגובות: 3772
זיך איינגעשריבן אום: מיטוואך אוגוסט 04, 2010 11:08 am
לאקאציע: איבערגעלייגט

Re: גייט אויטאמאציע ברענגען א קריזיס?

  • ציטיר
  • צו לייגן א דאנק דארפט איר זיין אריינגעלאגט

תגובה דורך צולייגער »

ממוצע האט געשריבן:אנעמפלוימענט איז נישט קיין ראי' אויף יוניווערסאל בעיסיק אינקאם. ווייל אנעמפלוימענט האלט דירעקט אפ פון גיין זוכען ארבעט, ווייל אז דו ארבעטסט פארלירסטו דיין אנעמפלוימענט. נישט אזוי איז ביי UBI, וואס מ'פארלירט נישט די טויזענט דאללער, און טויזענט דאללער איז צו ווייניג אז א מענטש זאל נישט ווילן ארבעטן פאר דעם.

שטודיעס אויף פארקערט זענען דא.

סטימולעס, וועלכע איז געווען ווינציגער ווי טויזנט דאלער א חודש פער מענטש, האט ארויפגעשאסן ספענדינג ווי קיינמאל בעפאר, און איבערגעלאזט א צעקאליטשטע אינדאסטריאלע וועלט, געהעכערטע פרייזן, און א שרעקליך אומבאלאנסירטע עקאנאמיע.

כ'האב אויף דעם ערשט האנטיגע רעפארטס, מיט אומצוויידייטיגע דאטא טרענדס.
געשטימט פאר ראשעק הול
אוועטאר
לפי עניות דעתי
שר האלף
תגובות: 1080
זיך איינגעשריבן אום: פרייטאג אפריל 30, 2021 1:39 pm
לאקאציע: במקום שאין איש

Re: גייט אויטאמאציע ברענגען א קריזיס?

  • ציטיר
  • צו לייגן א דאנק דארפט איר זיין אריינגעלאגט

תגובה דורך לפי עניות דעתי »

צולייגער האט געשריבן:
ממוצע האט געשריבן:אנעמפלוימענט איז נישט קיין ראי' אויף יוניווערסאל בעיסיק אינקאם. ווייל אנעמפלוימענט האלט דירעקט אפ פון גיין זוכען ארבעט, ווייל אז דו ארבעטסט פארלירסטו דיין אנעמפלוימענט. נישט אזוי איז ביי UBI, וואס מ'פארלירט נישט די טויזענט דאללער, און טויזענט דאללער איז צו ווייניג אז א מענטש זאל נישט ווילן ארבעטן פאר דעם.

שטודיעס אויף פארקערט זענען דא.

סטימולעס, וועלכע איז געווען ווינציגער ווי טויזנט דאלער א חודש פער מענטש, האט ארויפגעשאסן ספענדינג ווי קיינמאל בעפאר, און איבערגעלאזט א צעקאליטשטע אינדאסטריאלע וועלט, געהעכערטע פרייזן, און א שרעקליך אומבאלאנסירטע עקאנאמיע.

כ'האב אויף דעם ערשט האנטיגע רעפארטס, מיט אומצוויידייטיגע דאטא טרענדס.

סטימיולעס צוזאמען מיט שוואכע מענופעקטשערינג, מיט פראבלעמען ביי שיפינג קאמפעניס לייג צו א שריפה אין א טשיפ פאבריק מיט א העקינג אויף אויל קאמפעני
כן נראה לפי עניות דעתי והשם הטוב יכפר אם שגיתי
והחולק יחלוק
אוועטאר
טעארעטישע פאקטן
שר האלף
תגובות: 1184
זיך איינגעשריבן אום: דינסטאג דעצעמבער 01, 2020 5:43 pm
לאקאציע: צװישן טעאריע און פאקט

Re: גייט אויטאמאציע ברענגען א קריזיס?

  • ציטיר
  • צו לייגן א דאנק דארפט איר זיין אריינגעלאגט

תגובה דורך טעארעטישע פאקטן »

ממוצע האט געשריבן:אנעמפלוימענט איז נישט קיין ראי' אויף יוניווערסאל בעיסיק אינקאם. ווייל אנעמפלוימענט האלט דירעקט אפ פון גיין זוכען ארבעט, ווייל אז דו ארבעטסט פארלירסטו דיין אנעמפלוימענט. נישט אזוי איז ביי UBI, וואס מ'פארלירט נישט די טויזענט דאללער, און טויזענט דאללער איז צו ווייניג אז א מענטש זאל נישט ווילן ארבעטן פאר דעם.

שטודיעס אויף פארקערט זענען דא.

טענו בחטים והודו לזכר קדשו,

דו גײסט ארײן אין נאר אין אן ״עקאנאמישן״ חשבון, איך רעד פון נעמען די ״גאנצע״ בילד אין באטראכט, עקאנאמיש, פיזיש , גײסטיש, סאציאל, אא״װ,

לאמיר אױסקלארן, די אשכול איז אז יענג האט א ״פראבלעם״ מיט ״אױטאמאציע״, און זײן ״סעלושן״ איז ״יוניװערסאל בעיסיק אינקאם״, אױף דעם האב איך אפגעשריבן באריכות ארױסצוברענגען אז די אמת׳ע ״פראבלעם״ איז ״נישט״ אױטאמאציע, נאר די פארלוסט פון די פיזישע - מאניופעטשערינג דזשאבס אינדוסטרי, און אױך אז די אמת׳ע לאנג טערם ״געזונטע״ סעלושן, איז צוריקצובױען די מאנפעקטשערינג אינדוסטרי אפגעזען די פרײז דערפון,
די סעלושן פאר עלימינירטע פיזישע דזשאבס איז זײ צוריקצוברענגען. פינטל. ״נישט״ קײן געלט פארטײלונג, װאס איז בעיסיקלי א צומי,
ס׳איז פשוט קאמען סענס,
אױב די פאקט שטימט נישט מיט דײן טעאריע - טױש די פאקט
אינטואציע איז א העכערע מתנה, שכל איז איר באדינער. אונזער געזעלשאפט איז מחשיב דעם באדינער, און פארגעסט פונעם מתנה (אלבערט אײנשטײן)
אוועטאר
ממוצע
שר חמשת אלפים
תגובות: 5451
זיך איינגעשריבן אום: מאנטאג יאנואר 20, 2020 11:07 pm

Re: גייט אויטאמאציע ברענגען א קריזיס?

  • ציטיר
  • צו לייגן א דאנק דארפט איר זיין אריינגעלאגט

תגובה דורך ממוצע »

איך האב פארשטאנען וואס דו האסט געזאגט. איך האב נאר קאמענטירט אויף דעם ספעציפישן פאראגראף. (כ'האב גראדע געטראכט בשעת מעשה וויאזוי איך זאל ער שרייבן אז ס'זאל נישט אויסקוקן ווי איך דינג זיך אויף דיין גאנצע מגילה, כאטש איך בין נישט מסכים דערצו אויך נישט. איך האב נישט קיין קלארע מיינונג דערויף).
אוועטאר
מים חיים
שר ארבעת האלפים
תגובות: 4973
זיך איינגעשריבן אום: דאנערשטאג יולי 14, 2016 12:08 pm

Re: גייט אויטאמאציע ברענגען א קריזיס?

  • ציטיר
  • צו לייגן א דאנק דארפט איר זיין אריינגעלאגט

תגובה דורך מים חיים »

איך ווייס נישט אויב עס באלאנגט דא
מייקראסאפט/גיטהאב איז ארויגעקומען מיט אן עקסטענשאן וואס קען אליינס שרייבן גאנצע שטיקער קאוד, בעיסד אויף א קאמענט אדער נאמען פון די function
https://copilot.github.com/
שרייב תגובה

צוריק צו “עקאנאמישע נייעס”