האלצשטיין האט געשריבן:איך זא נישט פארוואס מ'זאל מאכן ליצנות פון אזא מעשה, ניין, ס'פאסירט נישט אפט אז א קעצל זאל זיך דרייען נעבן צינום הקדושים פון צדיקים און מ'זאל זיי נישט קענען פארטרייבן
מ'האט שוין געהערט כמה מעשיות פון נשמות וועלכע זענען נעבעך מגוגל געוורן אין בעלי חי ה"י.
איר זענט 100% גערעכט.
ווייסן מיר זיכער וואס טוט זיך אין הימל? ניין! טאמער יא, וואלט נישט געווען קיין בחירה.
מוז דאס זיין אז עס איז א קעצל וואס זוכט א תיקון? ווער ווייסט. דערמאנט פונעם וויץ:
Why did the black cat cross the road? because it wanted to go to the other side.
אבער... איך גיי גאר אפט צום ציון, און איך האב נאך קיינמאל נישט געזען קיין קעץ דארט.
און ווער עס ווייסט די מעשיות, ווייסט קלאר אז רימניצער רבי זצ"ל האט אסאך עוסק געווען אין תיקון נשמות. זיי פלעגן קומען צו איהם און שטארק מוטשענען.
ווער עס קען ר' עמרם בן אסתר (אבערלאנדער) וואס דארף איצט א רפואה, וואס האט זיך געדרייט יארן ביים רבין, און ער האט פיינט ווען מען פארציילט אלע מיני מעשיות מופתים אויפן רבין. ער זאגט אייביג אז דער גרעסטע מופת איז נעם א מחזות און בייג זיך איין שטייענדיג כמעט ביז דער ערד פאר 5 מינוט... און די רבי האט דאס געטוהן גאנץ יום כיפור. דער ר' עמרם לרפו"ש פארציילט אסאך וועגען די נשמות וואס האבן זיך געדרייט ביים רבין. די רבי פלעגט צונדן פיהל ליכט, גיסן וואסער פון איין טעפל צום צווייטען, איינמאל האט ער געוואלט טריקן פונעם טעפל די רבי האט דאס געגעבן א כאפ אוועק און אויסגעגאסן. איך געדענקט נישט פונטקליך די מעשה, אבער עס האט געהאט צו טוהן מיט שווערע נשמות וואס ער האט פראבירט מתקן זיין.
ממילא, מען מוז נישט פון אלעם חוזק מאכן. מען מוז נישט זאגן אויף איעדע קעצל אז עס זוכט א תיקון. אבער ביים הייליגן רבין וואס האט מתקן געווען אהן א שיעור נשמות, שטימט עס גאר גיט.
