ווינטער פארמעסט תשע״ז - ארטיקל 2: איך בין הונגעריג

געשמאקע ארטיקלען און באשרייבונגען

די אחראים: יאנאש,אחראי,געלעגער

אוועטאר
לכאורה
שר עשרים אלף
תגובות: 28117
זיך איינגעשריבן אום: דינסטאג אקטאבער 20, 2009 2:43 pm

ווינטער פארמעסט תשע״ז - ארטיקל 2: איך בין הונגעריג

  • ציטיר
  • צו לייגן א דאנק דארפט איר זיין אריינגעלאגט

תגובה דורך לכאורה »

בילד


דינסטאג וישב תשע"ז - 11:30 ביינאכט
עס איז נישט קיין תענית ציבור אדער יחיד, איך בין נישט אין א מדבר אדער היימלאז, נישט ארעסטירט אין טורמע צעל. איך זיץ ביי מיר אינדערהיים אויפן באקוועמען בענקל ביים דיינונג רום טיש, אין פרידזשידער נישט ווייט איז דא א געהעריגע אויסוואל פון אלע סארט מאכלים און נאשערייען, ווער רעדט נאך פונעם שענקל אין קאך וואס איז פול מיט פארשידענע מזונות'ן און שהכל'ס, אבער איך בין הונגעריג.

מיינע הענט און פיס באדינען מיר געהעריג, מיין מויל קען צוקייען דאס עסן, די גומען איז נישט פארשלאפט נאך א צאן דאקטער באהאנדלונג, איך שפיר א טעם אין עסן, איך האב אפעטיט, עס גלוסט זיך מיר א פיין שטיקל עסנווארג, אין פרידנסצייטן וואלט איך אנשטאט זיך אראפזעצן קלאפן אותיות אויפן קיעבאורד געשטאנען ביים אפענעם שענקל אדער פרידזשידער און טועם געווען אביסל פון יעדע אויסוואל, אבער יעצט בין איך הונגעריג.

איך בין געזונט און שטארק, לייד נישט פון צוקער אדער הויכע בלוט דרוק, מיין קאלעסטעראל איז נארמאל, איך נעם נישט קיין שום מעדעצינען, איך האב נישט לאנג צוריק געלאזט אונטערזוכן מיין הארץ און לונגען און לעבער און נירן און נאך פארשידענע בלוט און אנדערע סארט טעסטס, און אלעס איז צוריקגעקומען מיט גינסטיגע רעזולטאטן, "פליענדיגע פארבן" האט זיך די קראנקן-שוועסטער אויסגעדרוקט אויפן טעלעפאן ביים איבערגעבן די גוטע נייעס. אבער איך בין הונגעריג.

איך בין הונגעריג ווייל איך עס נישט צופיל, ווייל איך וויל אפפאלן פונטן, אבער נישט צוליב מיין געזונט נאר צוליב יענעמס. אנגעהויבן האט זיך עס אויף א מאנטאג, כ"ו אייר תשע"ד, ווען איך האב אנטיילגענומען אין א בלוט דרייוו צוגעשטעלט דורך משפחת ש. אין צוזאמענארבעט מיט די וואויל בארימטע רינועל ארגעניזאציע, עס איז פארגעקומען אין די גאראדזש פון חברה הצלה אויף פענן סטריט אין וויליאמסבורג, מיטן ציהל אויסצוגעפונען מיין בלוט טייפ און זעהן אויב איך בין פאסיג צו ראטעווען דאס לעבן פון א אידישע מאמע וואס האט זיך געמוטשעט מיט א נירן קראנקהייט און געזוכט א נדבן פאר א געזונטע ניר.

יענע פרוי איז אינדערצווישן געהאלפן געווארן דורך א חשוב'ע אינגערמאן וואס איז געפונען געווארן צו זיין דער פאסיגער פאר, און איך האב פארגעסן פון די גאנצע מעשה. ביז עטליכע וואכן צוריק, דינסטאג פרשת וירא תשע"ז.

דער טעלעפאן אין מיין דירה צוקלינגט זיך, א פרעמדער נומער באווייזט זיך אויפן פענסטערל, דער איד אויף די אנדערע זייט גיבט זיך אן אלס "מנחם פריעדמאן" פון די "רינועל" ארגעניזאציע. ער דערמאנט אז מען האט אמאל געגעבן א בלוט ביישפיל צו קענען ראטעווען א איד, און ער פרעגט אויב עס איז נאך אינטערסאנט היינט אויך, ווייל ער האט א איד וואס פארמאגט די זעלבע בלוט טייפ ווי מיר און יענער נויטיגט זיך אין א פרישע ניר.

מיין בני בית האט געזאגט אז זי וועט מיר איבערגעבן דעם שמועס און אויב עס וועט זיין אינטערסאנט וועל איך צוריקרופן. אינטערסאנט? המממ, זיכער נישט דאס ריכטיגע ווארט. ווי א וואולקן בראך איז מיר די נייעס באפאלן. ווי א געטליכע האנט טייטלט אויף מיר און זאגט "מיין זוהן, דו ביסט אויסגעוועלט געווארן צו א גראנדיעזע נסיון, איך וויל זעהן וויאזוי דו האנדלסט דאס".

די ערשטע פאר טעג האב איך גארנישט געטוהן דערוועגן, ניטאמאל אריינגעטראכט צו טיעף. איך האב נישט גערעדט צו קיינעם, בלויז געלאזט פאלן לייכטע באמערקונגען צו מיינע ארומיגע, וועלכע האבן עס נישט גענומען ערנסט, פונקט ווי מיר. דאן איז אונטערגעקומען א שמחה אין די משפחה, האט מען שוין געהאלטן דעם קאפ פארנומען מיט אנדערע טעמעס.

די פאסיווקייט האט אבער נישט אנגעהאלטן מער ווי טאקע אט די געציילטע טעג, ווייל מאנטאג פרשת חיי האט א מעלדונג אויפן "דבר יום ביומו" געמאלדן אז עס ווערט געזוכט איינער מיט בלוט טייפ "או" – מיין בלוט טייפ – צו שענקן א ניר פאר א טאטע פון א שטוב מיט קינדער. א מחשבה'לע האט זיך מיר אריינגעכאפט אין מח קעמערל אז דער אנאנס איז צו מיר געצילט, ווייל "רינועל" האט דערווייל נישט צוריקגעהערט פון מיר און זיי קענען באשטיין איך זאל אריינרופן. ווען איך האב אבער גערופן דעם נומער, האבן זיי מיר געזאגט אז עס האנדלט זיך פון א צווייטע פאל, נישט דער זעלבער איד וואס פאסט זיך צו מיר.

אז איך האב שוין גערעדט צו זיי, האבן זיי מיך געפרעגט וואס איך זאג צו דעם געדאנק. איך האב געזאגט אז איך בין אפן דערצו און איך וועל מיך אריינלייגן דערין טיפער, פרעגן וועמען איך וויל אנפרעגן, רעדן צו פארשידענע מענטשן און ליינען פארשידענע באשרייבונגען, און איך וועל צוריקקומען צו זיי מיט א קלארן ענטפער. מיין ערשטע סטאנציע איז געווען מיין פאטער שליט"א, פון וועמען איך האב שוין יארן צוריק געהערט אז ער האלט נישט פון אוועקשענקן אברים וואס דער אויבערשטער האט דעם מענטש געשאנקן. ער האט זיך טאקע געהאלטן ביי זיינעם און געזאגט אז ער וויל הערן א דעת תורה פון א רב וואס איז נישט פארבינדן מיט די רפואה ארגעניזאציע.

דער ערשטער רב צו וועמען איך האב זיך געוואנדן, האט מיר גלייך געזאגט אז ער ענטפערט נישט אויף אזעלכע שאלות. אבער ווען איך האב אים ערקלערט אז איך בין נישט געקומען הערן קיין יא אדער ניין, בלויז א דעת תורה, האט ער געזאגט אז על פי תורה קען מען נישט מחייב זיין א מענטש דאס צו טוהן. איך האב אים געזאגט אז איך ווייס דערפון, און נישט דאס איז מיין פראגע, נאר איך וויל וויסן אויב מען איז ערלויבט צו טוהן אזא זאך, וויבאלד עס איז דא א קליינע פראצענט אז דאס זאל שלעכט ווירקן אויפן נדבן און מען טאר זיך נישט אריינלייגן אין א ספק סכנה פאר יענעמס געזונט. דער רב האט געזאגט אז אויף דעם קליינעם פראצענט איז געזאגט געווארן דער כלל פון "שומר מצוה לא ידע דבר רע", ער האט צוגעגעבן אז דאס איז א געוואלדיגע מסירת נפש, און אויך א קידוש השם, ווייל די גוי'אישע פרעסע ווייסט צו דערציילן אז אין די היימישע געגנטער קומען פאר מער נירן טראנספלאנטן פון פרעמדע נדבנים ווי סיי ווי איבער אמעריקע.

דער צווייטער רב איז נישט געווען אזוי פאזיטיוו צום געדאנק, ער האט זיך פאררופן אויף זיין זיידן וואס פלעגט אפרעדן מענטשן פון אזעלכע סארט זאכן. עס איז געבליבן אז מען גייט פרובירן געוואויר ווערן דעם מיינונג פון אן עלטערן רב פון פריערדיגן דור וואס איז שוין נישט בין החיים, אבער זיינע נאנטע קענען זיכער איבערגעבן וואס ער האט געהאלטן דערוועגן.

עס האט נישט לאנג געדויערט און מען האט געפונען א איד וואס האט זיך איבערגעשמועסט מיט דעם גרויסן רב און האט באקומען פון אים א גאר פאזיטיווע ענטפער. דער אנגעזעהנער רב האט זיך זאגאר אויפגעשטעלט פאר דעם נדבן ווען יענער איז דעם פאלגנדן ראש השנה געקומען זיך וואונטשן ביי אים.

יעצט בלייבט נאר איבער צו מאכן א באשטעלונג אין שפיטאל אויף א סעריע טעסטן וואס מען דארף אריבערגיין צו זעהן אויב מען איז גענוג געזונט פאר אזא אפעראציע און אקציע.

איך וועל אייביג געדענקן וואו איך בין געשטאנען יענעם פרייטאג פרשת תולדות נאכמיטאג אויפן וועג אהיים פון די מקוה, ווען עס איז אריינגעקומען דער רוף אויף מיין טעלעפאן, א באאמטע פון שפיטאל האט מיר געמאלדן אז זיי האבן אפאר פרייע טעג אינמיטן פרשת וישלח ווען איך קען אראפקומען זיך טעסטן. איך האב אויסגעקליבן דעם מאנטאג, און דאס האט געמיינט אז פון זונטאג אווענט אום 12 אזייגער דארף איך אויפהערן עסן און טרונקן, בלויז וואסער איז ערלויבט.

די ערשטע זאך נעמט מען א דריי שעה'יגע גלוקאז טעסט, צו מעסטן די צוקער שטאפלן און וויאזוי דער קערפער פארדייט דאס. מען טרונקט אויס א פלעשל אראנדזשע צוקער וואסער אויפן ליידיגן מאגן, נאכן לאזן גיין אביסל בלוט בעפאר, און דאן נעמט מען בלוט ביישפילן יעדע שעה, ביז דריי שעה נאכן טרונקן.

ביי די דריי שעה נעמט מען מערערע פלעשלעך בלוט, איך האב געציילט און איבערגעציילט און געפונען צוואנציג אזעלכע שמאלע טובס מיט מיין בלוט, יעדע איינע פאר א צווייטע סארט טעסטינג. פון דארט בין איך געגאנגען צו א צווייטע אפטיילונג פון שפיטאל, וואו מען האט מיך צוגעטשעפעט צו א הארץ מאשין און געקוקט אויב דאס פונקציאנירט ווי נארמאל. פון דארט בין איך ווייטער געגאנגען צו א דריטע אפטיילונג, וואו מען האט גענומען א סאנאגראם פון מיינע נירן, צו זעהן וויאזוי זיי פונקציאנירן, און בכלל צי איך פארמאג טאקע צוויי געזונטע נירן. נישט ווייט פון יענעם פלאץ האט מען גענומען עקסרעי פון מיינע לונגען.

דאס לעצטע טעסט איז געווען אין א פארמאכטע עם.אר.איי. מאשין, וואו נאנט צו א האלבע שעה האב איך געדארפט אטעמען טיף, האלטן דעם אטעם, און אטעמען נארמאל, ווען דער מאשין כאפט אלע סארט בילדער פון די אינערליכע גלידער.

די טעסטן האבן זיך אנגעהויבן 9 אזייגער אינדערפרי און געענדיגט 6:30 אין אווענט. שחרית האב איך געדאווענט מיט די ותיקין מנין, מנחה אין קארידאר פון שפיטאל ביני לבין קוני, און מעריב צוריק אין שוהל.

איך האב געווארט נאנט צו א וואך מיט אנגסט צו הערן מיין שיקזאל. בין איך געזונט? בין איך פאסיג צו שענקן די מתנה פון לעבן פאר א צווייטער איד וואס איז שטארק אנגעוויזן דערויף? היינט איז עס געקומען אין פארעם פון א טעלעפאנישע רוף פון שפיטאל. ווי געשריבן בין איך פארביי אלע טעסטן מיט פליענדע פארבן, אבער...

דער גרויסער אבער איז, אז איך דארף פארלירן א זיבעטל פון מיין געוויכט כדי צו העכערן די ערפאלג ראטע פונעם אפעראציע און ערהוילונג, און אויך כדי צו פארמיידן הויכע בלוט דרוק אדער צוקער קראנקהייט אינעם צוקונפט, זאכן וואס ווירקן שטארק אומגינסטיג אויף די נירן פון א מענטש.

איך האב שוין געהערט די נוטרישעניסט וואס זיי האבן צוגעשטעלט זיך אפרעדן אויף מיין געוויכט יענעם מאנטאג אין שפיטאל, און טאקע גלייך ביים אהיימקומען האב איך אנגעהויבן א שטרענגע דיעטע. אבער יעצט מיט דעם טעלעפאן רוף איז דאס ווי באשטעטיגט געווארן דורך די שטאב דאקטוירים, און יעצט פארשטייט איר שוין פארוואס איך בין געווען הונגעריג.

איך בין געווען הונגעריג ווייל איך עס די לעצטע וואך צייט א העלפט פון וויפיל איך בין געוואוינט צו עסן, ווייל איך וויל פארלירן וואג, ווייל איך וויל זוכה זיין אין די גראנדיעזע מצוה פון שענקן א ניר פאר א חולה ישראל. איך האף און בעט אויף הצלחה און סייעתא דשמיא אויף טריט און שריט.

א דאנק אייך פארן אויסהערן מיין געשיכטע - איך בין שוין נישט הונגעריג.
לעצט פארראכטן דורך מה פתאום??? אום דינסטאג דעצעמבער 27, 2016 9:31 pm, פארראכטן געווארן 2 מאל.
בלעטל
שר האלף
תגובות: 1514
זיך איינגעשריבן אום: זונטאג יולי 17, 2011 3:15 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בלעטל »

הייליג!
אוועטאר
לכאורה
שר עשרים אלף
תגובות: 28117
זיך איינגעשריבן אום: דינסטאג אקטאבער 20, 2009 2:43 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך לכאורה »

געפיליש!
אוועטאר
שמאטע
שר שלשת אלפים
תגובות: 3485
זיך איינגעשריבן אום: דאנערשטאג מארטש 26, 2009 3:40 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמאטע »

קניינעהארע!

ווער ברויך א עם אר איי ווען די שריפט גיבט אזוי קלאר אראפ די אינערליכע הרגשים..
זאלסטו האבן הצלחה בכל אשר תפנה.
(און אודאי ברויכסטו נישט ווארטן ביז קומענדיגע פארמעסט מיט די אפדעיטס).
עדיטערס נאוט: שמאטע איז דער האוסט פונעם בצל כוואפאפעיכו שאו. די אויסגעקוועטשטע אפיניען איז זיין אייגענע.
אוועטאר
ענדע צדיק!
שר שמונת אלפים
תגובות: 8100
זיך איינגעשריבן אום: מיטוואך יולי 17, 2013 4:44 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך ענדע צדיק! »

דראמאטיש, ארגינעל, געפיליש!
צ' כפופה וץ' פשוטה... היינו נאמן כפוף נאמן פשוט. וברש"י: נאמן כפוף - אדם כשר צריך להיות כפוף ועניו וסופו להיות פשוט וזקוף לעולם הבא: (שבת קד.)
בלאג - מיינע ארכיוון
שאהן הענניטי
שר האלפיים
תגובות: 2909
זיך איינגעשריבן אום: פרייטאג יוני 15, 2012 12:07 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך שאהן הענניטי »

Wow
איך שטעל זיך אויף פאר דיר. זייער שיין באשריבן.
אוועטאר
אויסגערעכנט
שר ששת אלפים
תגובות: 6858
זיך איינגעשריבן אום: מאנטאג אוגוסט 10, 2015 9:50 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אויסגערעכנט »

Wow.. עס זענען דא וואולע אידן צווישן אונז, און פאר א נויט קענען זיי (ער) פיין שרייבן, עס איז א געשמאק צו לעזן, איך שעץ אזא איד.
אוועטאר
וואוילע שעפעלע
שר ששת אלפים
תגובות: 6345
זיך איינגעשריבן אום: דאנערשטאג דעצעמבער 24, 2015 2:17 pm
לאקאציע: אין שטאל

  • ציטיר
  • צו לייגן א דאנק דארפט איר זיין אריינגעלאגט

תגובה דורך וואוילע שעפעלע »

אויסגעגאסן די געפילן אויפן טיש מיט אזא פאכמאנישקייט...

אריגינאל און אמת'דיג
אוועטאר
שמעלקא זאפטיגער
שר שלשת אלפים
תגובות: 3321
זיך איינגעשריבן אום: מאנטאג אוגוסט 15, 2016 3:19 pm
לאקאציע: איינגעטונקען

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמעלקא זאפטיגער »

א שטיק הארץ און געפיל
נישטא וואס צו זאגן מער: מי כעמך ישראל!!!
די גאנצע שטאט פאר קיין דותן, אבער דותן איז געבליבן ביים ירח האיתנים. און שוין.
גלייכגילטיג
שר חמש מאות
תגובות: 563
זיך איינגעשריבן אום: מאנטאג סעפטעמבער 03, 2012 5:23 pm
לאקאציע: ששש.. ס'גילו!!

  • ציטיר
  • צו לייגן א דאנק דארפט איר זיין אריינגעלאגט

תגובה דורך גלייכגילטיג »

איך בין אויך זאט!...

אן עמאציאנאלע דייערי. עס האט מיר גענצליך איבערגענומען. געשריבן מיט א קלארע און פראפעסיאנאלע שריפט.

דער אויבערשטער זאל דיר באגלייטן אין אלע דיינע טריט.
איך שרייב נישט אונטער בשום אופן!!!
אוועטאר
משה מאשקאוויטש
שר חמש מאות
תגובות: 853
זיך איינגעשריבן אום: מוצ"ש דעצעמבער 05, 2015 2:47 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך משה מאשקאוויטש »

אזוי שיין און פיל מיט הארץ אראפגעלייגט... איך האב ממש מיטגעשפירט דיינע פרעזענליכע געפיהלן וואס דו האסט געשפירט!
הלואי ווען איך קען ווען טוישן מיין ניק נאמען, כ'וואלט עס שוין לאנג געטוהן...
יאנקעלע קליגער
שר האלפיים
תגובות: 2831
זיך איינגעשריבן אום: דינסטאג אפריל 30, 2013 5:18 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יאנקעלע קליגער »

זייער קלארע און דעטאלירטע באשרייבונג איבער א מיסיע צו ראטעווען א איד.

ייש"כ, השי"ת זאל העלפען אז ס'זאל אייך גארנישט שאטן און דער איד זאל האבן א רפואה שלימה,

(בד"א מ'זאגט נאך פון ערליכע אידן {איך געדענק שוין נישט ווערן} אז דער באשעפער האט באשאפען א מענטש מיט צוויי נירן אז איינס זאל ער קענען אוועק פאר א צווייטן וואס דארף עס ליידער האבן.)
העי! דו, זיי נישט אזוי פארזעצט,
עפעס א לחלוחיות גוטסקייט איז אראפגערונען צו דיר אויך, אז דו וועסט עס איינזען וועסטו אנהייבן שפירן אז אך טוב וחסד ירדפוני.
אוועטאר
מה פתאום???
שר ארבעת האלפים
תגובות: 4402
זיך איינגעשריבן אום: דאנערשטאג יולי 09, 2015 5:16 pm
לאקאציע: עיה״ק צפת

  • ציטיר
  • צו לייגן א דאנק דארפט איר זיין אריינגעלאגט

תגובה דורך מה פתאום??? »

געליינט און מיטגעשפירט, דער אייבערשטער זאל העלפן זאלסט פארלירן פונטן און עס קאנווערטן צו גרינע דאללארן...

מיר ווארטן פארשטענדליך אויף די פארזעצונג וויאזוי זאכן גייען צו.
אוועטאר
געלעגער
שר עשרת אלפים
תגובות: 12250
זיך איינגעשריבן אום: זונטאג מאי 17, 2009 5:52 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך געלעגער »

הארציג! שיינט צו זיין וואר נישט קיין פיקציע..

די שריפט איז זאפטיג און פליסיג. שמעקט היימיש
אוועטאר
עקבי הצאן
שר האלפיים
תגובות: 2760
זיך איינגעשריבן אום: דאנערשטאג מארטש 14, 2013 11:44 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך עקבי הצאן »

וואאףףףףף, דיין הונגערן איז ממש הקרבת חלב ודם על גבי המזבח.

אבער ווער הייסט דיר הונגערן, גיי אויף מייזליש'ס דייעט...
אם לא תדעי לך היפה בנשים צאי לך בעקבי הצאן: התבונני בדרכי אבותיך הראשונים שקבלו תורתי ושמרו משמרתי ומצותי ולכי בדרכיהם, (רש"י שיר השירים).
אוועטאר
טשאלענט
שר ארבעת האלפים
תגובות: 4017
זיך איינגעשריבן אום: זונטאג אוגוסט 07, 2016 3:34 pm
לאקאציע: אין טשאלענט טאפ

  • ציטיר
  • צו לייגן א דאנק דארפט איר זיין אריינגעלאגט

תגובה דורך טשאלענט »

סהאט מיר זייער איבערגענומען!
טשאלענט גמח!

ווען איך בין געווען אינגער פלעג איך זאגן:
די לעבן איז צו ערנסט צו נעמען אזעלכע נארישקייטן פערזענליך,
אבער היינט בין איך שוין שוין געקומען צום שכל און איך זאג:
די לעבן איז צו נאריש צו נעמען אזעלכע ערנסטע זאכן פערזענליך
אוועטאר
מצב כללי
שר ארבעת האלפים
תגובות: 4759
זיך איינגעשריבן אום: זונטאג אוגוסט 18, 2013 7:09 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מצב כללי »

איך בין איבערגענומען און נתפעל צו זעהן ווי א איד גיט זיך אוועק פאר א צווייטן וועם ער קען נישטאמאל בלב ונפש.

עס זאל אלעס דורכגיין בשלום ובשלוה.

זייער רייך און פראפעסיאנאל געשריבן.
אוועטאר
ווישוואש
שר ששת אלפים
תגובות: 6973
זיך איינגעשריבן אום: דאנערשטאג סעפטעמבער 04, 2014 12:14 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווישוואש »

מצב כללי האט געשריבן:עס זאל אלעס דורכגיין בשלום ובשלוה.

זייער רייך און פראפעסיאנאל געשריבן.
Make it idiot proof and someone will make a better idiot.
אוועטאר
פטיש
שר חמש מאות
תגובות: 680
זיך איינגעשריבן אום: פרייטאג נאוועמבער 11, 2016 5:15 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך פטיש »

גאלדענע הארץ
און א
גאלדענע פעדער
זאלסטו מיר זיין געזינט!
אוועטאר
פינטל
שר חמישים ומאתים
תגובות: 293
זיך איינגעשריבן אום: דאנערשטאג סעפטעמבער 18, 2014 9:44 am
לאקאציע: סארי, כ'וועל זיין צוריק ביז אפאר מינוט...

  • ציטיר
  • צו לייגן א דאנק דארפט איר זיין אריינגעלאגט

תגובה דורך פינטל »

איך בין איבערגענומען
אייביג צום פינטל...
אוועטאר
בערל קראקאווער
שר האלף
תגובות: 1558
זיך איינגעשריבן אום: דינסטאג מאי 17, 2016 1:18 pm
לאקאציע: בעקבתא דמשיחא

  • ציטיר
  • צו לייגן א דאנק דארפט איר זיין אריינגעלאגט

תגובה דורך בערל קראקאווער »

באנומען אינגאנצן.
איך בין שוין אויך נישט הונגעריג.
ראש הקהל
הויפט געווינער - שרייבעריי פארמעסט תשע''ז
בקראקא אין אומרים ׳תתננו׳ ובאונגארן אין אומרים ׳הבינינו׳
האבגרויסהצלחה
שר חמישים ומאתים
תגובות: 458
זיך איינגעשריבן אום: מאנטאג מאי 04, 2015 1:03 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך האבגרויסהצלחה »

זייער שיין אראפ געלייגט
אוועטאר
eller
שר עשרת אלפים
תגובות: 10695
זיך איינגעשריבן אום: פרייטאג מארטש 25, 2016 11:41 am
לאקאציע: דאנקט השי"ת

  • ציטיר
  • צו לייגן א דאנק דארפט איר זיין אריינגעלאגט

תגובה דורך eller »

WOW די חשובסטע ארטיקל פון 2016 !
ווי יענער האט געשריבן א גאלדענע הארץ און פעדער
גאט זאל העלפן זאלסט קענען מקיים זיין די מצוה גערינגערהייט און ס'זאל דיר אייביג ביישטיין !!
א טרוים פון א פאוים צו יעדע דעיט
שיין מיט גרעפיקס אויס ס'זעהט
קאלירט געפרינט און געלעמענהעיט ?
[email protected] מען בעיט
און אי"ה עס געשעהט.
-
לאמיר זאגן תפילת תודה - זעהט די חשיבות פון דאנקן השי"ת און קומט אריין דאנקן די גוטער באשעפער
אוועטאר
eller
שר עשרת אלפים
תגובות: 10695
זיך איינגעשריבן אום: פרייטאג מארטש 25, 2016 11:41 am
לאקאציע: דאנקט השי"ת

  • ציטיר
  • צו לייגן א דאנק דארפט איר זיין אריינגעלאגט

תגובה דורך eller »

איך האב נאר א פראבלעם !
איך זעה נישט ווי אזוי איינער זאל נישט קענען שטומען פאר די ארטיקעל כ'רעדט נישט לגבי די שריפט כ'רעדט לגבי די תוכן די מעשה..
א טרוים פון א פאוים צו יעדע דעיט
שיין מיט גרעפיקס אויס ס'זעהט
קאלירט געפרינט און געלעמענהעיט ?
[email protected] מען בעיט
און אי"ה עס געשעהט.
-
לאמיר זאגן תפילת תודה - זעהט די חשיבות פון דאנקן השי"ת און קומט אריין דאנקן די גוטער באשעפער
אוועטאר
קעלנער
שר חמש מאות
תגובות: 849
זיך איינגעשריבן אום: מיטוואך פעברואר 18, 2009 4:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קעלנער »

חזק ואמץ, דאס מיינט מסירות נפש פאר א צווייטן.
און איינוועגס האב מיר אונז דא אויפן וועלטל אויך הנאה.
שרייב תגובה

צוריק צו “היימישע קרעטשמע”