ברוכים הבאים צו די נייע פארומס
געשריבן: דאנערשטאג מאי 08, 2014 12:06 pm
בס"ד
בין פסח לעצרת תשע"ד לפ"ק
אין ליכט פון די שטארקע אויפוואכונג וואס הערשט לעצטנס ביים היימישן ציבור צו לערנען בלעטער גמרא על הסדר און זיך פארהערן, דורכ'ן זיך אנשליסן אין די פארשידענע חבורות ושיעורי הקהילות החשובות, האבן מיר ערהאלטן פילע ווענדונגען פון חשוב'ע מיטגלידער צו גרינדן א ספעציעלע אפטיילונג פאר די פארשידענע חבורות און זייערע מיטגלידער, וואו יעדער וועט האבן א געלעגנהייט צו טרעפן א חברותא אויף דעם לימוד וואס ער וויל לערנען, און אויך אנצופרעגן און באקומען ענטפערס פון חברים אויף קושיות און פראגעס וואס בלייבן שווער בשעת הלימוד, אדער אויסצושמועסן און איבערצוגיין חידושים און ענינים פונעם טעגליכען דף אדער עמוד, און צו ברענגען נאטירנסווערטפולע מראי-מקומות וואס קען העלפן פאר די חשוב'ע לומדים שיחיו.
אינעם קייט פון אויפטוען צוצושטעלן פאר אונזער היימישער ציבור א געשמאקע און אויסגעהאלטענע פלאץ, פאר אידן וואס כאפן זיך אראפ אפאר מינוט דורכאויס דעם טאג, שפירן מיר פאר א זכיה מוסיף צו זיין און ווערן א מרכבה לקדושה דורכ'ן צושטעלן א מקום מכובד פאר די לומדי התורה, און מיר זענען צופרידן אהערצושטעלן אט דעם נייעם פארום - אדער בעסער דער נייער "פארום-נעץ" - ספעציעל פאר די פילע שיעורי הקהילות ולומדיה, און דורכדעם האבן א חלק אין די געוואלדיגע זכות פון לימוד התורה ברבים.
דערווייל האבן מיר מסדר געווען באזונדערע שטיבלעך פאר די שיעורים פון; תורתך שעשועי, ישראל ואורייתא און יסודי התורה, לויט די פארלאנג פון די מיטגלידער, מיר שטייען גרייט צו גרינדן נאך אפטיילונגען פאר אנדערע סדרי הלימודים לויטן פארלאנג. שפירט פריי אריינצושיקען אייער פארלאנג צו איינע פון די מנהלים אדער אחראים, און מיר וועלן עס פרובירן מסדר צו זיין אויפן שנעלסטן און בעסטן אופן.
עס איז איבריג ארויסצוברענגען אז אויב איז דער פלאץ בכלליות מיוסד צו זיין ריין פון סיי וועלכע נדנוד עבירה, מחלוקת אדער לשה"ר והמסתעף, איז על אחת כמה וכמה אז דער פארום איז כל כולו מיוחד להגדיל תורה ולהאדירה און נישט חלילה דאס פארקערטע, עס איז צו ערווארטן אז די חשוב'ע מיטגלידער וועלן רעספעקטירן דעם פלאץ און אירע באנוצער, און מגיב זיין מיט פארשטענדעניש ווי עס פאסט פאר א מקום תורה.
ויהי רצון שחפץ ה' בידינו יצליח להרבות פעלים לתורה ולתעודה, ויהי' חלקנו ממזכי הרבים
בכבוד רב,
ההנהלה וצוות האחראים
בין פסח לעצרת תשע"ד לפ"ק
אין ליכט פון די שטארקע אויפוואכונג וואס הערשט לעצטנס ביים היימישן ציבור צו לערנען בלעטער גמרא על הסדר און זיך פארהערן, דורכ'ן זיך אנשליסן אין די פארשידענע חבורות ושיעורי הקהילות החשובות, האבן מיר ערהאלטן פילע ווענדונגען פון חשוב'ע מיטגלידער צו גרינדן א ספעציעלע אפטיילונג פאר די פארשידענע חבורות און זייערע מיטגלידער, וואו יעדער וועט האבן א געלעגנהייט צו טרעפן א חברותא אויף דעם לימוד וואס ער וויל לערנען, און אויך אנצופרעגן און באקומען ענטפערס פון חברים אויף קושיות און פראגעס וואס בלייבן שווער בשעת הלימוד, אדער אויסצושמועסן און איבערצוגיין חידושים און ענינים פונעם טעגליכען דף אדער עמוד, און צו ברענגען נאטירנסווערטפולע מראי-מקומות וואס קען העלפן פאר די חשוב'ע לומדים שיחיו.
אינעם קייט פון אויפטוען צוצושטעלן פאר אונזער היימישער ציבור א געשמאקע און אויסגעהאלטענע פלאץ, פאר אידן וואס כאפן זיך אראפ אפאר מינוט דורכאויס דעם טאג, שפירן מיר פאר א זכיה מוסיף צו זיין און ווערן א מרכבה לקדושה דורכ'ן צושטעלן א מקום מכובד פאר די לומדי התורה, און מיר זענען צופרידן אהערצושטעלן אט דעם נייעם פארום - אדער בעסער דער נייער "פארום-נעץ" - ספעציעל פאר די פילע שיעורי הקהילות ולומדיה, און דורכדעם האבן א חלק אין די געוואלדיגע זכות פון לימוד התורה ברבים.
דערווייל האבן מיר מסדר געווען באזונדערע שטיבלעך פאר די שיעורים פון; תורתך שעשועי, ישראל ואורייתא און יסודי התורה, לויט די פארלאנג פון די מיטגלידער, מיר שטייען גרייט צו גרינדן נאך אפטיילונגען פאר אנדערע סדרי הלימודים לויטן פארלאנג. שפירט פריי אריינצושיקען אייער פארלאנג צו איינע פון די מנהלים אדער אחראים, און מיר וועלן עס פרובירן מסדר צו זיין אויפן שנעלסטן און בעסטן אופן.
עס איז איבריג ארויסצוברענגען אז אויב איז דער פלאץ בכלליות מיוסד צו זיין ריין פון סיי וועלכע נדנוד עבירה, מחלוקת אדער לשה"ר והמסתעף, איז על אחת כמה וכמה אז דער פארום איז כל כולו מיוחד להגדיל תורה ולהאדירה און נישט חלילה דאס פארקערטע, עס איז צו ערווארטן אז די חשוב'ע מיטגלידער וועלן רעספעקטירן דעם פלאץ און אירע באנוצער, און מגיב זיין מיט פארשטענדעניש ווי עס פאסט פאר א מקום תורה.
ויהי רצון שחפץ ה' בידינו יצליח להרבות פעלים לתורה ולתעודה, ויהי' חלקנו ממזכי הרבים
בכבוד רב,
ההנהלה וצוות האחראים