בענקעניש צום רבי'ן

אן אָרט, פאר די קונסט פון וואָרט

די אחראים: יאנאש,אחראי,געלעגער

אוועטאר
טישטוך
שר האלפיים
תגובות: 2608
זיך איינגעשריבן אום: זונטאג מאי 28, 2017 4:13 am
לאקאציע: בין יום השביעי לששת ימי המעשה

בענקעניש צום רבי'ן

  • ציטיר
  • צו לייגן א דאנק דארפט איר זיין אריינגעלאגט

תגובה דורך טישטוך »

בעזהי"ת

עס קלאפט מיר א ציין אויף א ציין
און מיין הארץ שטורעמט מיט צער
מיינע באקן זענען נאס פון געוויין
און מיין מח מישט נאך א זכר נאך א מעמואר

דער רבי איז מער נישט פאראן
ער איז געגאנגען ווייטער אין זיין וועג
ער האט גענומען צום הימל נאך א שפאן
און אונז געלאזט אליין אויסלעבן אונזערע טעג

ווי נאר א טאג עס גייט פארביי
ווערן די בענקענישן גרעסער
די וואונד איז נאך פריש און טוט גאר שטארק וויי
און די געפילן ווערן פארשלאסן מיט שלעסער

וואו איז דיין לעכטיגער שמייכל
וואו איז דיין אייביגער שטראל
האסט איבערגעלאזט ליידיג דיין היכל
און דיינע אנהענגער פארביטערט ווי גאל

דו ביסט געווען אלט און שוואך
אבער דיין הארץ האט געשפירט ווי א קינד
האסט אייביג ארויסגעהאלפן אזוי סאך
און וואס טוט מען דא אן דיר אצינד

אין בית החיים איך שפאציר אריין
איך שלעפ זיך ארויף דעם בארג מיט טרויער
אבער אנשטאט דיר זעה איך א שטיין
רבי וואו איז דיין אויער

איך וויל אריינברומען אין דיינע אויערן
מיינע ווייטאגן און מיינע קלעמען
אבער יעצט בין איך פארלוירן
חיזוק זאג מיר פון וואו צו נעמען

אז דו ביסט נישט דא איז גארנישט דא
וואס האב איך אפילו דא צו זוכן
א שאד די גאנצע צייט יעדע מינוט און שעה
מער און מער אין די בלאטעס אריינצוקריכן

איך האף אז יעצט איז דיר גוט אויבן
און דו זיצט רואיג אין שאטן
אבער האק און קלאפ אויף די שויבן
און בעט עס זאל מיר גיין געראטן

און שבת ביינאכט ווען דו זינגסט
דיינע הייליגע שיינע תנועות
ועתה יגדל נא דו שפרינגסט
און דו באקומסט שכר פאר דיינע זכויות

דוד המלך מיט זיין פידל ער אנפירט
דיינע ניגונים די תנועות און די מילים
מיט וואס דו האסט באצירט
זיין הייליגן ספר תהלים

דער הייליגער רוזשינער און אלע זיינע קינדער
קוקן אויף דיר מיט הארציגע בליקן
און זעען וויאזוי דו האסט מיט אזא וואונדער
מיט ניגונים זיך געטון אויסדריקן

דער הייליגער שטעפינעשטער זינגט מיט דארט
און טוט זיך מיט דיר אויפטון
ביי כל מקדש זאגסט דעם וועכנטליכע ווארט
און מען שטעלט זיך אויף טאנצן אינמיטן דערין

דיין הייליגער טאטע שטייט אויך פארגאפט
און זינגט אויך די מעלאדיעס
ער זעט ווי אזויפיל קדושה האסט זיך געשאפט
אין א וועלט פון שמוץ און כפירה שטודיעס

און א קליין מחשבה'לע קומט אפיר
עס קען זיין אז עס איז דיר אזוי באקוועם
און האסט נישט קיין צייט צו טראכטן פון מיר
פון מיינע ווייטאגן און פון מיין פראבלעם

בעט איך דיר רבי מיט טרערן
זאלסט מיר טון די דאזיגע גענאדע
און זאלסט מיר אויך אין הימל פון דא הערן
און פועל'ן פונדערנאנט אוודאי

גיב מיר כח זיך צו האלטן פעסט
איינמאל ביסט פון מיר געגאנגען אוועק
און ביי תחיית המתים ווען דו וועסט
ארויסקומען צו אונז גיב א בליק צו מיר ביים עק

קוק מיר אן און גיב מיר כח
כדי איך זאל קענען ווייטער גיין
לייג אריין א פרישקייט אין מיין מח
ווייל איך קען נישט אליין...
עפל קאמפאוט
שר חמש מאות
תגובות: 747
זיך איינגעשריבן אום: דינסטאג מארטש 17, 2009 12:24 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך עפל קאמפאוט »

זייער שיין. אויב איינער כאפט נישט, רעדט ער דא פון הרה"ק רבי ישראל אברהם מסקולעני זכר צדיק לברכה
אוועטאר
חושב מחשבות...
שר האלפיים
תגובות: 2814
זיך איינגעשריבן אום: מיטוואך מארטש 16, 2016 9:25 pm
לאקאציע: בין שמים לארץ

  • ציטיר
  • צו לייגן א דאנק דארפט איר זיין אריינגעלאגט

תגובה דורך חושב מחשבות... »

קדוש קדוש קדוש
סוף מעשה במחשבה תחילה.
אוועטאר
שטומפיג
שר ששת אלפים
תגובות: 6999
זיך איינגעשריבן אום: מיטוואך יולי 11, 2018 8:30 pm
לאקאציע: צווישן קענט און בראדוועי

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטומפיג »

!!!MASTERPIECE

בבחינת ויחד...
א זיסע שטיקל אויף א ביטערע טעמע.

אוי רבי רבי רבי מיר ווילן זיך מקשר זיין צו דיר.......
אוועטאר
שטומפיג
שר ששת אלפים
תגובות: 6999
זיך איינגעשריבן אום: מיטוואך יולי 11, 2018 8:30 pm
לאקאציע: צווישן קענט און בראדוועי

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטומפיג »

עפל קאמפאוט האט געשריבן:זייער שיין. אויב איינער כאפט נישט, רעדט ער דא פון הרה"ק רבי ישראל אברהם מסקולעני זכר צדיק לברכה

אויב איינער כאפט נישט העלפט נישט ווען דו זאגסט אים אויך נישט.
אינפארמאציע! די ניק איז שוין נישט אקטיוו
יום זה מכובד
שר חמישים ומאתים
תגובות: 491
זיך איינגעשריבן אום: דינסטאג יוני 27, 2017 11:03 am
לאקאציע: ... והכבוד מוציאין את האדם מן העולם!

  • ציטיר
  • צו לייגן א דאנק דארפט איר זיין אריינגעלאגט

תגובה דורך יום זה מכובד »

טישטוך האט געשריבן:קוק מיר אן און גיב מיר כח
כדי איך זאל קענען ווייטער גיין
לייג אריין א פרישקייט אין מיין מח
ווייל איך קען נישט אליין...

אין כללי אמונת חכמים פון יסוד העבודה מסלאנים זצ"ל ברענגט ער פון הרה"ק רבי נח מלעכוויטש זי"ע אז דורכן זיך מקשר זיין מיט די צוויגלעך וואס דער רבי האט איבערגלאזט נאר אזוי קען מען ממשיך זיין צו גיין אינעם וועג ודו"ק.
אוועטאר
טישטוך
שר האלפיים
תגובות: 2608
זיך איינגעשריבן אום: זונטאג מאי 28, 2017 4:13 am
לאקאציע: בין יום השביעי לששת ימי המעשה

  • ציטיר
  • צו לייגן א דאנק דארפט איר זיין אריינגעלאגט

תגובה דורך טישטוך »

מה זה צוויגלעך?
יום זה מכובד
שר חמישים ומאתים
תגובות: 491
זיך איינגעשריבן אום: דינסטאג יוני 27, 2017 11:03 am
לאקאציע: ... והכבוד מוציאין את האדם מן העולם!

  • ציטיר
  • צו לייגן א דאנק דארפט איר זיין אריינגעלאגט

תגובה דורך יום זה מכובד »

ענפים
בראשית ברא
שר האלף
תגובות: 1229
זיך איינגעשריבן אום: דינסטאג דעצעמבער 06, 2016 3:16 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך בראשית ברא »

הייסט אז א רבי וואס האט נישט זוכה געווען צו ענפים קען מען נישט ממשיך זיין יין זיין וועג. חידושים נפלאים
אהער און אהין
שר האלף
תגובות: 1910
זיך איינגעשריבן אום: מיטוואך יוני 27, 2018 4:14 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אהער און אהין »

הערליכע מעלאדיע.
יום זה מכובד
שר חמישים ומאתים
תגובות: 491
זיך איינגעשריבן אום: דינסטאג יוני 27, 2017 11:03 am
לאקאציע: ... והכבוד מוציאין את האדם מן העולם!

  • ציטיר
  • צו לייגן א דאנק דארפט איר זיין אריינגעלאגט

תגובה דורך יום זה מכובד »

בראשית ברא האט געשריבן:הייסט אז א רבי וואס האט נישט זוכה געווען צו ענפים קען מען נישט ממשיך זיין יין זיין וועג. חידושים נפלאים

איך פארשטיי נישט פארוואס דו האסט פארשטאנען אזוי.
שרייב תגובה

צוריק צו “פאעזיע און גראמען”