גיי שוין טראמפ, אויף נישט צום ווידערוועלן!

[טישטוך]

בס"ד

ווייטאגן און דאגות
שפילן נישט קיין ראלע פון יעצט
פרעגט אלע אייערע פראגעס
פון זיין מאיעסטעט געשעצט
טעותים מאכט ער קיינמאל
דאס איז אלס זיין טיפער פלאן
באנקראטירט מער ווי איינמאל
ווייל ער איז א געריבענער ביזנעסמאן

רוקט אייך אין א זייט
ווען דער קעניג גייט
שרייט און לויפט מיט פאמפ
שטופט נישט נאר קוקט
ווי יעדן ער אריינפליקט
יחי אדונינו מורינו ורבינו טראמפ

ער פירט זיך ווייט פון מאראל
אבער געלט ער האט ווי תאוות
פון די קאנסערוואטיוון דער גענעראל
ער פיטערט זייערע גאוות
שלאנק איז ער ביז גאר
אבער נידריג זייער
שוין עטליכע אין זיבעציג יאר
אבער די שיגעון הגדלות ברענט ווי פייער

רוקט אייך אין א זייט
ווען דער קעניג גייט
שרייט און לויפט מיט פאמפ
שטופט נישט נאר קוקט
ווי יעדן ער אריינפליקט
יחי אדונינו מורינו ורבינו טראמפ

זיין געדאנקענגאנג ווער האט ארויס
זיין מהלך פון קלערן
זיין קאפ איז ריזיג גרויס
אבער ענטהאלט נישט גארנישט צום יערן
נאר ער קען אלעס טאן
ווייל ער האט פון די מאה
דעריבער טראגט ער דעם אמעריקאנער פאן
כאטש וואס ער איז א חסר דעה

רוקט אייך אין א זייט
ווען דער קעניג גייט
שרייט און לויפט מיט פאמפ
שטופט נישט נאר קוקט
ווי יעדן ער אריינפליקט
יחי אדונינו מורינו ורבינו טראמפ

מיט א צונאמען ער צולייגט
אן זיך איבערשטרענגען
כאטש וואס ער אין די ראנגען שטייגט
וועט ער נאכאלס נישט נאכגיביגקייט ברענגען
נישט קיין שום רעספעקט פאר א פערזענליכקייט
וואס טוט שוין אויף פאר יארן
נאר ער און טאקע נאר ער פארשטייט
און ער איז קיינמאל קלוגער געווארן

רוקט אייך אין א זייט
ווען דער קעניג גייט
שרייט און לויפט מיט פאמפ
שטופט נישט נאר קוקט
ווי יעדן ער אריינפליקט
יחי אדונינו מורינו ורבינו טראמפ

וויאזוי קען מען צו דאס האבן סימפאטיע
ווען דאס לאנד גייט צוגרינד
פארברענט די לעצטע שפורן פון די דעמאקראטיע
און ברענגט נאציאנאליזם גאר געשווינד
זיצט ער אויפן טראן און רירט קיין אבר
נאר שרייט און שעלט און רעדט פון דמיון
בעת וואס דזשארדזש וואשינגטאן וואלגערט זיך אין קבר
זעענדיג זיין ארבעט גיין לטמיון

רוקט אייך שוין אין א זייט
דער אמעריקאנער קעניג גייט
שרייט און לויפט אים נאך מיט פאמפ
שטופט זיך נישט נאר קוקט
ווי אונזער לאנד ער צורייסט און צופליקט
קיינמאל ווידערוועלט דעם צורר טראמפ

[אליהו44]

העי העי!! רעד נישט אויף מיין פרעזידענט! איך וואוט פאר איהם נאכאמאל!

[טישטוך]

דאס איז דירעקט געוואנדן אויף נישט צום ווידערוועלן...

[אסדר לסעודתא]

זייער שיינע גראמען!!

איך שפיר דיין ווייטאג.

[Kollel]

הערליכע גראמען..







א שאד נאר אויף די תוכן.
ביינונז האט מען געזאגט אז די קענסט יא אויף וואס עס אויסגעבען אויף נארישקייטן

[יש ברירה]

גאר גוט!

[ניין און יא]

סטאפ די העיט!!
די גראמען איז הערליך געפיליג

[מיט א פרישקייט]

וכבר צוחי קמאי, אנן מה בענענע אבתרי'.

[למדן וצדיק]

.

[שלמה מולכו]

זייער שיין טישטוך, ס׳איז יוניק און זייער זיס,

הגם אונז גיימיר אי״ה וועלן טראמפ, האבעך הנאה געהאט.

[חיימאוויטש]

די גראמען, מאסיוו, די מהלך קנאקעדיג.

אבער איבער אלעם: די תוכן הדברים! אזוי קלאר, אמת, און ווייטאג'ליך.

א דאנק פארן קונצליך ארויסברענגען די פאסיגע פונקטן.

[Goodmorning]

די גראמען, מאסיוו, די מהלך קנאקעדיג.

אבער איבער אלעם: די תוכן הדברים! אזוי קלאר, אמת, און ווייטאג'ליך.

א דאנק פארן קונצליך ארויסברענגען די פאסיגע פונקטן.

[בוידעם]

פאנטאסטיק!! מאסיוו.

[דניאל אויערבאך]

איך בין מסכים צו רוב וואס דו שרייבסט אבער אויף יא צום ווידערוועלן, וואס קאן מען טאן, די דעמאראליזירטע וואשינגטאן דארף האבן אזא משאגענעם ווי אים!
לאמיר נישט אפאנגען נאך א דעבאטע.......... זייער שיינע גראמען, פאמפ\טראמפ! נאך פארט בעסער ווי זיידן\ביידן....

[טישטוך]

די פאעזיע האט א באדייט... אבער קיינעמס מיינונג האט זיך נישט געטוישט ועוד למה לנו לדבר...

א דאנק פאר די קאמפלימענטן.

[פעיק ניוז]

הערליכע פאעזיע!! מאסיוו.

אבער די תוכן... נו שוין, איך וועל דיר נאכגעבן.... אבער דער קעפל, פ...

[טישטוך]

לרגל די מאסיווע מערסט וויכטיגסטע מאכטפולסטע הערליכסטע שענסטע מעסעדזש פונעם קעניג דניאל מטור״ף היינט נאכט אין ביהמ״ד הגדול דמאור הלוגה, ברענג איך ארויף דעם אשכול צום אויבערפלאך.

[moshe mittelman]

זייער שיין טישטוך, ס׳איז יוניק און זייער זיס,

הגם אונז גיימיר אי״ה וועלן טראמפ, האבעך הנאה געהאט.

[א ברעקעלע שכל]

די גראמען, מאסיוו, די מהלך קנאקעדיג.

אבער איבער אלעם: די תוכן הדברים! אזוי קלאר, אמת, און ווייטאג'ליך.

א דאנק פארן קונצליך ארויסברענגען די פאסיגע פונקטן.

ווארט ביי ווארט

[שטומפיג]

שיין!
די שורות זענען הערליך.

די תוכן?
ווען איך וואלט עס ווען געליינט אוגוסט 18 2020 העטעך ווען נישט מיטגעשטימט, אבער יעצט פיל איך די סעים

[היסטאריש]

זייער שיין טישטוך, ס׳איז יוניק און זייער זיס,

הגם אונז גיימיר אי״ה וועלן טראמפ, האבעך הנאה געהאט.

גא"מ. און כ'גלייך אויך די לייכטקייט אין די שורות…