באלד איאר צוריק איז אין העלסינקי פינלאנד פארגעקומען א סאמיט צווישן פרעזידענט טראמפ און די רוסישער פרעזידענט פוטין, ווי ביים פרעס קאנפרענס נאכפאלגענדיג די אינטער_פארמאכטע_טירן_געשפרעכן איז טראמפ געפרעגט געווארן דורך א AP ריפארטער, וואס ער זאגט צו די קאנקלוזשן פון די אמעריקאנע איטעליגענס קאמיאניטי, אז די רוסישע רעגירונג זענען געווען די וואס האבן געהעקט די DNC סערווערס, אויף וואס טראמפ האט ריאגירט אז ער האט געפרעגט פוטין דערוועגן, און ער לייקענט עס. ״און איך זעה נישט פארוואס ס׳זאל זיין רוסלאנד״..
ווי יעדער געדענקט האט דאס אנגעמאכט א געפערליכע שטורעם, זיינע ווערטער זענען באצייכענט געווארן אלטס ״אפענע פארראט״.. קעגן אמעריקא. די איבערקערעניש איז געגאנגען אזוי ווייט, אז טראמפ האט בכבודו ובעצמו געמיזט צוריקצוען און מוסיף זיין א ווארט ״נישט״ [..פארוואס ס׳זאל ״נישט״ זיין רוסלאנד..], וואס ער מיט דעם בעסעקלי איינגעטוישט פארראט אויף ביזיונות.
למעשה, ווער עס האט זיך געהאלטן דורכאויס די צוויי יאר מיט די פאקטן פארטיי, האט זייער קלאר געזעהן און פארשטאנען וואס טראמפ באדערט, און וואס ער האט דא יא אדער נישט געמיינט צו זאגן. און וואס פינקטליך די מידיע מיינט דא מיט זייער איבערקערעניש. טאקע די אמעריקאנע אינטערעסן? צו בויען די טראסט אין די איטעליגענס קאמיאניטי׳ס?.. אדער פשוט צו שטיפן זייערע איינזייטיגע אגענדעס, פאלטשע נייעס צו פארפירן דעם אמעריקאנעם פאלק.
גלייך נאך יענע טראמפ/פוטין סאמיט אין העלסינקי, האב איך געשריבן
דעם אנאליז.
וויליאם באר, דער אטורני דזשענעראל אוו די יוניידעט סטעיטס, האט אין זיין בריפינג נעכטן צו קאנגרעס געשריבן א סאמערי אויף ראבערט מוללער׳ס פיינעל ריפארט. ס׳איז בעסעקלי צוטיילט אויף 3 חלקים. קודם איבער קאלוזשען, ווי ער קאנקלוד אז קיינער פון די טראמפ קאמפיין האט נישט געטאן סיי וואספארא צוזאמענארבעט, אדער געהאט סיי וואספארא פארבינדונגען מיט די רוסישע אקטיוועטעטן צו מעדלען די 2016 עלעקשן. אזוי אויך רעדט ער פון - וואס ער רופט די צווייטע סארט עלעמענט פון די רוסישע גאווערמענט - וואס האבן געהעקט די אימעיל׳ס פון דעמאקראטישע און קלינטאן קאמפיין באאמטע, און עס איבערגעגעבן פאר וויקיליעקס וואס האבן עס ארויסגעשטעלט אין פובליק. און די דריטע זאך איז די יא/נישט אבסטראקשן אוו דזשאסטיס.
איז קודם צו די ערשטע, און עיקר חלק וואס האט פאקטיש צושטאנד געברענגט די אויספארשונג, וואס איז געווען איבער קאלוזשען. וויזוי האט טאקע ראבערט מוללער, וואס זיין סטעף איז באשטאנען פון א גרופע טראמפ האַסער, געענדיגט זיין אינוועסטיגעשן ממש מיט גארנישט?.. זיי האבן ריינגעוואשן טראמפ אויף אזא שטארקע לעוועל, וואס ווען נישט די פאקט אז ענדרא ווייסמאן איז אזא וויסטער טראמפ שונא, וואלט איך ערענסט שפעקעלירט אז זיי האבן סתם אזוי ריינגעוואשן טראמפ, כערך די קאראפטירטע קלינטאן אימעיל אינוועסטיגעשן. וואס די קאנלוזיע דערפון איז אויך ווייט נישט גיין פארגלייך צו די פאזעטיווע קאנקלוזיע מיט וואס טראמפ איז אפגעקומען. וואס איז פשט?
און די תירוץ איז פשוט. אויב איז קיין קאלאזשען נישט געווען, גייסטו אזאנס נישט טרעפן. אפגעזעהן ווי שטארק די זיכסט עס, אוו אפגעזעהן די דעקונג וואס דיין קאנספעראציע באקומען פון די אלע-געמיינע מידיע. ס׳נישטא קיין קאלאזשען? איז נישטא קיין געפינסן! סוי די טראמפ׳ערס יובל׳ן אז די אינוועסטיגעשן איז געפראווד געווארן צו האבן געווען א וויטשהאנט. און אסאך דעמעקרעטס, איבערהויפט פון קאנגרעסלייט הערט מען אז ניין. פאקטישע איז זיין אינוועסטיגעשן געווען אויסצופארשן רוסישע מעדעלינג, אמת אז קאלאזושן האט מען נישט געפינען, אבער צו זאגן אז ס׳איז א וויטשהאנט!? ח״ו!
בנוגע די רוסישע מעדעלינג אינטערסירט מיר גאנץ קנאפער, ווייל די גאנצע רוסישע אינטערפערינג אין די עלעקשן איז א פורים. והא ראי׳ ס׳איז נישט ווערד געווען קיין באזינדערע אויספארשונג, ביז ווילאנג די דיעפ סטעיט האבן נישט געגרינדעט זייער אינשורענס פאליסי. די מעכטיגע אפאראציע פון וואס די רעדע איז ס״ה געווען נארישע טוויטער מעסעדזשעס, פעיסבוק פאוסט׳ס אא״וו. נישטאמאל א שפיי אין וואסער קעגן די גאנצע הונדערטער מילאונען דאלערדיגע קאמפיין אויסגאבן וואס האט זיך געסייקלט דורכאויס די וואלן סיזאן. אבאמא האט קלאר, אפילו שוין נאך די 2016 עלעקשען קלאר ביי א
ווייט הויז בריפינג מודה געווען אז די אקטיוועטעטן האבן אויף קיין שום פאל נישט געהאט קיין מינדערסטע השפעה אויף די וואלן אויסגאנג. אזוי אויך אטורני דזשענעראל ראזענשטיין, פארלאפענעם זוממער ביים שופך כעסו זיין אויף די 13 רוסן, האט ער אויך באשטעטיגט אז די וואלן זענען נישט אפעקטירט געווארן דורך זייערע אקטיוויטיס צו באיינפלוסן די וואלן. ופשוט הוא להבין, וק״ל.
וואס ס׳האט אבער יא קלאר געשפילט אראלע אין קלינטאן׳ס וואלן פארלוסט איז געווען די צווייטע עלעמענט, וואס זענען געווען די נאכאנאנדע אימעיל ליעקס קעגן איר. סיי פון די קלינטאן פארדעישן אימעיל׳ס וואס האט געוויזן אפענע קארופציע, און סיי די DNC אימעיל׳ס, וואס האט אויפגעדעקט די קאראפטירטע ווירטשאפט אינערהאלב די פארטיי לידערשיפ צו פארקויפן די נאמאנאציע פאר קלינטאן.
די ארגינעלע מוללער ריפארט איז נאכנישט פאבליק, אבער אין זיין פיר זייטיגע בריפינג שרייבט אטורני דזשענעראל וויליאם באר, אז ראבערט מוללער ״קאנקלוד״ אז די ראשענס זענען טאקע די וואס האבן געהעקט די DNC. ס׳וואלט געווען סטאנינג צו זעהן אינעם ריפארט אז די סערווערס זענען למעשה אנגעקומען צו די הענט פון זיינע אויספארשער, ווייל ווי פארשטענדליך - און ווי ליקער קאומי האט באשטעטיגט אינטער שבועה - האט די FBI דאס נישט געקענט וועריפייען, סינס זיינע אגענטן זענען פארשיקט געווארן פון די דעמאקראטישע פארטיי הויפקוואטיר מיט ליידיגע הענט.
און דאס וואס די סענאט דזשודישערי קאמיטעי האבן קאנקלאודעט אז ס׳זענען טאקע געווען רוסן, איז ס״ה געווען געבעיסט אויפן אפינעין פון די קאראפטירטע אבאמא איטעליגענס קאמיונטי. און ראזענשטיין האט אויך אדאפטירט - ״געעקאוט״ - זייער קאנקלוזשען. מיין ווינדער איז אבער, ווי געזאגט אויף ראבערט מוללער. אויב צווישן די 500 אינטערוויאו׳ס, 2,800 סובפינעס, און שווערע מילאנען קאנפעסקירטע מאטריאל - האט ער אויך געטראפן פלאץ פאר די DNC סערווערס, וואס האט אים געהאלפן קומען צו ״די באַדאָם אוו איט״.. און פעסט שטעלן די ווארהייט דערפון.
ווייל נניח כ׳וועל אננעמען דעם באבע תירוץ אז טאוני פעדעסטע האט ער פריי געלאזט אפילו פאול מענעפארט האט ער אויסגעטרינקן ס׳בלוט, ווייל נאך אלעם איז ער נישט געשטעלט געווארן פאר זייטיגע קריימס. מענעפארט מילא, מהאטעך ביי אים געזיכט קאלוזשען, אויב האט מען געטראפן עפעס אנדערש. יאַלאַ. אבער די DNC סערווערס איז דאך ממש געווען א חלק פון זיין אויספארשונג אויף וואס ער איז געשטעלט געווארן. און דאס איז צו אויספארשן די רוסישע מעדעלינג. האט ער טאקע געגאנגען עד הסוף, זיכערצומאכן צו באקומען די סערווערס - גענוי וויזוי ער האט זיך אויפגעפירט ווען ס׳איז געקומען צו טראמפ׳ס מענטשן?... איי געס, ונחיה ונראה.
פארוואס ס׳וואלט געווען כדי צו בודק זיין די סערווערס איז, איז טאקע די סיבה פארוואס זיי האבן עס אזוי גוט באהאלטן. ווייל דארט ליגט סחורה! אווי מ׳האט געקענט זעהן פון דאס ביסל וואס האט געליקט. און אויב וואלט דאס אלעס אנגעקומען צו א עכט יושר׳דיגע ראבערט מוללער, וואלט די קארופציע פון די קלינטאן פאנדעישן און די DNC געווען די זעלבע בארעכטיגט און צווייטע פעריארעטעט פאר אים אויסצופארשן, גענוי ווי די בענק פראוד וואס ער האט געטראפן ביי מענעפארט.
וואס באדערט מיר אבער איז, אז היינט אינעם ווייסן הויז ביים זיצונג מיט ביבי נתניהו איז טראמפ געפרעגט געווארן דורך ABC׳ס ווייסע הויז קראספאנדאנט דזשאהן קארל, אויב ער - טראמפ -איז ביי די מיינונג אז ראבערט מוללער האט אנגעפירט זיין אויספארשונג יושר׳דיג, אויף וואס טראמפ האט געענפערט ״יא״.