צום קעפל:
״אקעי.. מ׳גייט אנהויבן מיט זיידי.. אקעי זיידי וויל נישט.. אקעי, קודם מיז יעדער זיין שטיל. אקעי, פאר די קינדער איז דא א עקסטערע געים. ששש.. איימעניט, יעדער האט שוין א פען?
מ׳גייט פארליינען א שורה, ווער עס קען ערשט צוטרעפן א גראם דער קען באקומען די זילבער פעיפער באלי וואס איך האב דא. און ביי די צווייטע גראם דארף מען עס שיקן ווייטער.. און אזוי ווייטער און ווייטער און ווייטער... און ווען די באלי פארט ארום זינגט מען אוי חנוכה אוי חנוכה..
אוי כ׳האב פארגעסן עפעס.. אקעי, עכט קעמענעס אויסלאזן. אבער קודם זאל יעדער ארויסלייגן א דאלער. יעצט שרייב א נאמבער אויף די פעיפער. קנייטש עס איין און טראכט פון דיין בעסטע עסן. זאג עס שטיל פאר דיין רעכטע שכן.. און ווען יעדער וועט זיין רעדי וועט מען מסביר זיין וויזוי די געים גייט גיין.
דערווייל וועלעך אויסרופן די חידה. ״וועכע דאונאַט״.. אוי, כ׳האב אויסגעזאגט.. אקעי, ס׳גארנישט. ״וועכע עסן איז נישט געקאכט, נישט געבאקן, אבער אויך נישט רוי. מ׳עסט עס נאר מיט צוויי פינגער׳ס מ׳מאכט אבער אויף די מויל ריזיג.. די פאר ברכה איז א מזונות און די נאך ברכה אשר יצר!?״
דערווייל זיצן אלע טאטע׳ס אזוי
״אקעי יעי.. די געים איז פארטיג״.. מעכטיג! מ׳האט עס געשפילט נעכטן ביי מיין אנדערע באבע׳ס חנוכה פאַדי, ביי די מאמע׳ס.. זיי האבן נישט געקענט אטעמען פאר געלעכטער. מיין שוועסטער האט מיר געזאגט כ׳מיז עס שפילן היינט דא מיט די טאטע׳ס.”