בזיעת אפיך - ממון ודמים.

פינאנציעלע הילף און בודזשעטינג

די אחראים: יאנאש,אחראי,געלעגער

אוועטאר
היימישער הייקער
שר האלף
תגובות: 1635
זיך איינגעשריבן אום: דינסטאג יאנואר 08, 2019 5:07 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך היימישער הייקער »

צום ביזנעס חלק, די ביזנעסער וואס מען הייבט אהן מיט געבארגטע געלט, גייען שנעל אינטער. ווען מען אינוועסט די אייגענע שווער אפגעהארעוועטע געלט, איז די שאנסן צו מצליח זיין פיל העכער.
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

מען דארף קריעה רייסן אויב היינטיגע צייטן איז א געלערנטער אקאונטענט (א לייסענסד סיפיעי) געמוזט גיין טון קאר סערוויסעס.
עפעס איז דא ראנג.
עניוועי
אזוי ווי דו בויעסט אויף דעם פראבלעם אז מ'הייבט אן ווען די הויזן דריקן און סאיז שמאל אין קאפ און די הויט ברענט
רעדן מיר דאך פון צוויי אנדערע מציאות'ן אבער דער זיידע דא האט געשטופט זיינע צוויי איידעמער וואס האבן נישט געהאלטן ביים זיצן און לערנען זעכצן שעה א מעתלעת זיי זאלן זיך לערנען בשעת די ווייבער האבן נאך יא געארבעט, זיי האבן געפאלגט און גאר גאר שטארק מצליח געווען ברוך השם. מען רייסט זיך נאך ביידע - זיי פארדינען היפש מער ווי בלויזע זעקס ציפערן. זיי האבן עס געטון מיט די פולסטע הסכמה פון זייער רבי'ן שליט"א און מ'קומט מיך פרעגן אין שול וויאזוי האבן עס דיינע איידעמער געמאכט? זאג איך זיי דעם אמת, און כ'האב עס אייך אויך געזאגט.
איך קען נישט ענטפערן וואס מ'זאל טון ווען מ'איז שוין אין אזא מצב ווי דו שרייבסט אויסער מתפלל זיין, אבער כ'האלט אז מען טאר נישט לאזן די קינדער לכתחלה זאלן צוקומען צו אזא מצב.
אז מ'לעבט דערלעבט מען
סלם
שר העשר
תגובות: 20
זיך איינגעשריבן אום: מיטוואך יולי 01, 2015 4:11 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סלם »

דעס אז א יונגערמאן ווי רוב עמך יונגעלייט וואס גייען און כולל פאר צוויי יאר, און די ווייב ארבעט און ברענגט אהיים לאמיר שוין זאגן 400$ אדער 450$ א וואך. קען זיך קיין פיאסטער נישט אוועק לייגן. עכ״פ איינער וואס וואינט און ד סיטי וואס רענט קאסט ווייניגסטענס 1600$ און רוב פעלער א 2000$ +געז + לעקטער + טעלעפאן + ביז מען באקומט פס. און אז מען דארף פארן צום טאטן/שווער דארף מען קומען שמירת הזמנים און כולל יעדן טאג צו באצאלן די טיקעטס פאר די באס. און א מתנה פאר די ווייב אויף יו״ט מאן דכר שמיה.
נאר וואס ? א יונגערמאן וואס גייט ארבעטן גלייך אדער די שווער טאטע העלפט מיט די רענט קען אפשר ארבעטן ר יו״טס מהלך מען דארף זעהן די chart
ר' יום טוב
שר שלשת אלפים
תגובות: 3540
זיך איינגעשריבן אום: זונטאג סעפטעמבער 20, 2015 12:58 pm

וויאזוי איז "ביזנעס" מצליח?

  • ציטיר
  • צו לייגן א דאנק דארפט איר זיין אריינגעלאגט

תגובה דורך ר' יום טוב »

אצינד וועלן מיר באהאנדלען מיט אונזער זעלבסשטענדיגע בליק די טריליאן דאללער שאלה שהרבה קולמותין נשתברו עליו, וויאזוי איז מען למעשה מצליח אין ביזנעס? און וואס זענען די שליסלען דערצו?

די תירוץ דערויף ליגט אין איין ווארט "אפערטוניטי". דאס מיינט אויסנוצן די מאמענטאלע טשאנס פון כאפן א גוטע געלעגנהייט, א מצב וואס קומט אונטער אדער א טויש אין די מארקעט, עפעס וואס שטעלט זיך צוזאם מיט דיינע ספעציעלע מעגליכקייטן.

כדי דאס צו פארשטיין דארפן מיר זיך ארויסלאזן אויף די יארכע, און קוקן ווער עס זענען די סוקסעספולע ביזנעסער און וואס איז געווען די קריטישע טוירנינג פוינט וואס האט זיי געברענגט הצלחה. אונז גיי מיר נישט געבן קיין משלים, אבער יעדער פאר זיך קען נעמען עטליכע ביזנעסער און גריבלען וואס איז געווען זייער סוד צו הצלחה, דער רעזולטאט וועט כמעט אלעמאל זיין: "אפערטוניטי". ד.ה. נישט אז עס זענען געקומען גרינע אינוועסטירער וואס האבן געמאכט א זיצונג בדחילו ורחימו אז מ'גייט גרינדן א געוויסע טיפיקל ביזנעס און שפעקולירט מיט גרויס געלט אז אט די סארט ביזנעס גייט זיי ברענגען מאסיווע רוחים, נאר עס איז צוגעגאנגען גאר אנדערש. עס איז זיי אונטערגעקומען אן "אפערטוניטי" אדער אן אפציע, אדער זיי זענען געווען אין א געוויסע מזל'דיגע פאזיציע בעת עס איז איינגעפאלן א געדאנק וואס זיי האבן מעגליך לכתחילה נישט געטראכט פון, און מען איז שנעל געגאנגען און עטאבלירט אזא ביזנעס אדער מעגליכקייט, נאך איידער א צווייטער האט געקענט אריינקומען. אדער איז דאס געגאנגען גאר צוביסלעך, מיט יארן לאנג אינוועסטירן אין זיך אויפבויען אן אנוועזנהייט אין די מארקעט, און אויסנוצן דורכאויס די צייט עטליכע אפערטוניטי'ס וויאזוי אראפצונעמען איר טייל אין די מארקעט, און ארויפברענגען די קאסטומער באזע.

טייל גוטע ביזנעסער זענען שוין נישט אונטער די ארגיאנעלע אייגנטומער וועלכע האבן זיינערצייט אויך גענאסן פון אפערטוניטי. און היינט ווען עס ליגט שוין ביי די יורשים פארט עס שוין ווי א פידעלע.

איז וויאזוי קומט אונטער אן אפארטוניטי?

אן אפערטוניטי געשעט געווענליך ווען עס הערשט א שטייגנדע דימענד אויף א געוויסע אייטעם אדער סערוויס, אדער עס ווערט איינגעצוימט די עקזיסטירנדע סופליי אויף די דאזיגע אייטעם אדער סערוויס. עס קען אויך פאסירן דורך א גענצליך נייע אייטעם אדער סערוויס, ד.מ. א פרישע אויפטרעף וואס טוט אייננעמען די מארקעט און עס געשעט גלייך א דימענד. א באזונדערע פאל פון אפערטוניטי איז אן אויפטרעף צו עטאבלירן אן עקזיסטירנדע אייטעם אדער סערוויס מיט ווינציגער קאסטן.

אבער איידער איר כאפט הייסע לאקשן! די אפערטוניטי זעלבסט דארף זיין גענוג גרויס און ווערט אז מען זאל זיך צוכאפן דערצו. דאס מיינט נישט אז עס מוז יעצט זיין, אבער עס דארף האבן די פאטענציאל צו וואקסן. אזוי אויך איז שטארק וויכטיג צו אנאליזירן די סיבות אין די מארקעט וואס האט געברענגט אז דאס איז געווארן אן אפארטוניטי.

דאס איז אין קורצן מיין פארזיכטיגע שטעלונג אויף "ביזנעס". אין דעם קומענדיגן שמועס האפן מיר צוריקצוקומען צום "עמך" ארבייטער, צו אנאלאזירן פון מיין פרעספעקטיוו די ריכטיגע סיבות אונטער די שטייגנדע האוזינג פרייזן אין די היימישע געגנטער, עפעס וואס טוט אין די לעצטערע יארן גאר שטארק פארשווערן אפילו די וועלכע האבן יא אוועקגעלייגט א גרעסערן סכום, צום ווידערזעהן בקרוב אי"ה.
אוועטאר
א גולם
שר ארבעת האלפים
תגובות: 4232
זיך איינגעשריבן אום: מיטוואך אוגוסט 06, 2014 10:32 pm
לאקאציע: אין מיין שיך!

  • ציטיר
  • צו לייגן א דאנק דארפט איר זיין אריינגעלאגט

תגובה דורך א גולם »

;l;p- ;l;p-
גאלדענע פעדער
שר האלפיים
תגובות: 2400
זיך איינגעשריבן אום: מאנטאג יאנואר 05, 2015 9:34 pm
לאקאציע: אין שפיץ פונעם קרעמל

  • ציטיר
  • צו לייגן א דאנק דארפט איר זיין אריינגעלאגט

תגובה דורך גאלדענע פעדער »

רבי יו״ט איר שרייבט גאר וואויל און איבער גאר א וויכטיגע ענין, האלט׳ס אן!

איבער א דיגרי ווי אנדערע האבן שוין ערווענט צו ביי cpa צו ביי פראגרעמינג צו ביי ספעשיעל עד זעהט אויס די מציעות אנדערש ווי איר שרייבט. קען זיין איר מיינט א ריעל עסטעיט קורס צו עמעזאן קורס אפשר דארט זענט איר גערעכט.
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

גאלדענע פעדער האט געשריבן:איבער א דיגרי ווי אנדערע האבן שוין ערווענט צו ביי cpa צו ביי פראגרעמינג צו ביי ספעשיעל עד זעהט אויס די מציעות אנדערש ווי איר שרייבט. קען זיין איר מיינט א ריעל עסטעיט קורס צו עמעזאן קורס אפשר דארט זענט איר גערעכט.

אט דאס האב איך געמיינט, שכח גאלדענע פעדער פארן אויסקלארן
אז מ'לעבט דערלעבט מען
סלם
שר העשר
תגובות: 20
זיך איינגעשריבן אום: מיטוואך יולי 01, 2015 4:11 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סלם »

מיר ווארטן שוין בכליון עינים און מיט גרויס האפענונג אויף ר יום טוב׳ס באשרייבונג און מהלך.
אוועטאר
קלמן הלוי
שר מאה
תגובות: 132
זיך איינגעשריבן אום: מאנטאג יולי 21, 2014 9:59 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קלמן הלוי »

YellowPages האט געשריבן:
דברים אלו האט געשריבן:
lebediger berel האט געשריבן:
דברים אלו האט געשריבן:אוועקלייגן דולר אויף דולר דארף מען נישט זיין קיין גרויסער חכם עס צו טוהן או ןיעדער קען עס טוהן איינער מער איינער ווייניגער ביז מען זאמלט אן א שיינע פאר 100 אלפים אבער עפענען א ביזנעס איז שוין די נעקסטע סטעפ צו ווערן א עושר בעז"ה

wow איך האף מיינסט נישט צו זאגן אז יעדער איינער קען זאמלען שיינע פאר הונדערט אלפים.

סאיז שווער אבער מען קען און די ערשטע 10 יאר פון די חתונה קארגן און אויסציען יעדן דולר מיט א רשעות און מיטן טעקס ריטורן קומט מען אן צו הערליכע סכומים

איך האב הנאה די נוצט די ווארט 'רשעות'...
ווייל ס'זייער שווער יעדע מאל מ'דארף א שטיקל סטעיק, צו נעמען די געלט אין אריינלייגן אין די אנדערע טאש אלץ זה חליפתי אין קויפן אנשטאט דעם א בארעם מיט מעש פאטעטע אין זיך איינחזר'ן א גאנצן צייט הרינו אוכל באדעם זו לשם מצות סעיווינג...
אפילו די אינגעלייט וואס נוצן יא זייער שכל אין סעיוון דאללער נאך דאללער קומען קוים ארויס מיט דאון פעימענט

איך האב אויך הנאה די נוצט די ווארט 'רשעות' ווייל עס איז זייער שווער אז די ווייב זאל אינגאנצן מיטפארן
איך פרעג נאר!
גאלדענע פעדער
שר האלפיים
תגובות: 2400
זיך איינגעשריבן אום: מאנטאג יאנואר 05, 2015 9:34 pm
לאקאציע: אין שפיץ פונעם קרעמל

  • ציטיר
  • צו לייגן א דאנק דארפט איר זיין אריינגעלאגט

תגובה דורך גאלדענע פעדער »

סלם האט געשריבן:מיר ווארטן שוין בכליון עינים און מיט גרויס האפענונג אויף ר יום טוב׳ס באשרייבונג המשך און מהלך.
ר' יום טוב
שר שלשת אלפים
תגובות: 3540
זיך איינגעשריבן אום: זונטאג סעפטעמבער 20, 2015 12:58 pm

דירות קריזיס - די אורזאך.

  • ציטיר
  • צו לייגן א דאנק דארפט איר זיין אריינגעלאגט

תגובה דורך ר' יום טוב »

קודם אנטשולדיגט פארן אזוי לאנג צעגערן, עס האט מיר גענומען אסאך מוט צו שרייבן די פאלגענדע שורות.

צום פונקט.

אז איר וועט פרעגן סיי וועם וואס איז די סיבה אונטער די אבנארמאל שטייגנדע דירות פרייזן אין די היימישע געגנטער, וואס וועט עפי"ר זיין די ענטפער?

עס ווענדט זיך וועמען מ'פרעגט. איינער וועט זאגן די דעוועלאפער זענען שולדיג. א צווייטער וועט לייגן די שולד אויף די פליפער, אינוועסטירער אדער בראוקער. א דריטער וועט גאר שרייען סופליי און דימענד. א פערדער וועט גאר טענה'ן אז די קונים זעלבסט טרייבן ארויף די פרייזן. און א פיפטער וועט שפעקולירן איבער קאנספיראציעס שאין להם סוף צו האלטן די מארקעט הויעך.... א זיבעטער וועט מאכן גענוי דעם חשבון פונעם היימישן וואוקס כ"י, וכהנה וכהנה.

אז מען וועט גוט אריינקוקן און אויפריכטיג באטראכטן די נושא, וועט מען זעהן אז קיין איינע פון די אויבנדערמאנטע פאקטארן האבן נישט א דאמינירדע השפעה אויף די היימישע דירות מארקעט. מיט יעדע סיבה פאר זיך, און אפילו מיט אלע באנעזאם, וואלט נאך א קאנדאמיניום דירה אין ראקלענד אדער אראנדזש קאונטי נישט געדארפט קאסטן היינט דאפלט פון 10 יאר צוריק און טריפלט פון 15 יאר צוריק. פארוואס נישט? ווייל די אלע סיבות זענען אויך געווען דעמאלט - אדער האבן פונקט אזוי געקענט זיין דאן גענוי ווי יעצט.

איז וואס איז די אמת'ע הויפט סיבה און דער טרייב-קראפט פאר די האוזינג באבל מארקעט? וואספארא טויש איז געשען אין די לעצטע 15 יאר צו אזוי מאסיוו און דראמאטיש אפעקטירן די היימישע מארקעט?

דער תירוץ איז: די מארגעדזש מארקעט! ואלמלא דמסתפינא וואלט איך דאס קאטאגאריזירט אלס די היימישע מארגעדזש מארקעט. יא, דער מזל טוב לחיים וואס איר גיט ווען איר באקומט אויפן עימעיל "קאנדישענעל אפראוועל", ער איז דער הויפט שולדיגער!

לאמיר דאס סימפליפייען. לאו אכברא גנב. אויב א אכט רומיגע קאנדא דירה וואלט נישט געקענט באקומען א מארגעדזש אויף מער ווי $200K , וואס דאס איז 80 פראצענט פון די מאקסימאלע פול וועליו לויט אלע דיעות אסעסד לגבי פראפערטי טעקס און דאס גלייכן, וואלט נאך אלץ מעגליך געווען צו בעטן דערפאר $649,000 .??? זיכער אז נישט. און אפילו קרוב לזה אויך נישט. איך מיין, וויפיל פראצענט קונים וואלטן געקענט אראפלייגן אריבער פיהר הונדערט טויזנט פאר א דירה?

און דאס איז דער עיקר טויש וואס האט פאסירט די לעצטערע יארן. מיט 10 אדער 15 יאר צוריק איז פאר סאם ריזען (איך וויל נישט אריינגיין פ"וו) געווען א לימיט וויפיל א היימישע קאנדא דירה איז געווען געשאצט. דאס איז ווייל א קאנדא איז גאר ביליג געשאצט אין אלגעמיין קעגן די ארומיגע מארקעט. און דערפאר האסטו בדרך כלל נישט געקענט באקומען א מארגעדזש העכער א געוויסן סכום. מענטשן וואס האבן דאן געקויפט אפגרעידעט הייזער האבן געמוזט צולייגן די דיפרענס פארן קלאוזן. ווער עס געדענקט נאכן קראך אין 08' ווען עס איז געווען שווער מיט מארגעדזשעס איז טאקע די מארקעט געפאלן. די אידן וועלכע האבן דאן געכאפט דירות פאר ביליג אנע מארגעדזשעס אדער מיט קליינע מארגעדזשעס האבן דאן עטוואס אונטערגעהאלטן די מארקעט.

היינט אבער קענסטו באקומען א מארגעדזש פאר ממש כמעט אן קיין שום לימיט מצד פראפערטי וועליו אויס! איך וויל נישט מרחיב בדיבור זיין, ווייל עס איז א סענסיטיווע נושא, אבער דאס איז דער פאקט! עס איז קלאר אז נישט די מארקעט וועליו ברענגט אז די מארגעדזש סכום זאל שטייגן, נאר עס איז פארקערט. די מעגליכקייט צו נעמען אזאלכע מאסיווע מארגעדזשעס שטעלט די טאן פונעם פרייז. עס קוקט אויס ווי עמיצער זאגט: 'דו מאך דעם פרייז וואס ס'שמעקט דיר, און איך וועל זיכער מאכן צו ערמעגליכן די קלאוזינג פאר די וועליו'. איראניש איז, אז עס איז בלויז פאראן איין אפהאלט אז די פרייזן זאלן נישט שטייגן צו א מיליאן אדער מער, דאס איז: די אינקאם פונעם לוה. וועלכע איז געווענליך (ב"ה...) נישט גענוג הויעך צו קענען ערמעגליכן די 45% לאון טו אינקאם ראטע....

איך קוק אויף די רעקארדס און איך נישטער אויף די פאבליק דאטא. דאס הארץ רייסט צו זעהן אינגעלייט זענען מזל'דיג צו ווערן עפראווד פאר שטוינענדע פינעף אדער אפילו זעקס הונדערט טויזנט דאלער'יגע מארגעדזשעס פאר א דומפיגע קאנדא אין די אפסטעיט מארקעט. זיי ווייסן מן הסתם נישט וואס דאס מיינט צו זיין געלאקט אויף דרייסיג יאר אויף אזא דזשאמבא לאון. זיי גייען דאס וויסן ביז דריי אדער פיהר יאר, עס גייט זיין זייער נישט קיין געשמאקע עקספיריענס מילד גערעדט. אויב עמיצער רעדט זיך איין און האפט אויף א סעטלמענט אדער שארט-סעיל, דאס פאסירט שוין כמעט נישט היינט.

דער אמת איז, אז ס'איז אויך פאראן א שטארק אומיושר'דיגע חלק אין די אלגעמיינע נאציאנאלע מארגעדזש מארקעט, ס'איז אן ארוכות וויאזוי עס ארבייט מיט פעני-מעי און פרעידי-מעק וועמענס הלוואות איז גאראנטירט ביי די גאווערמענט, וואס דער סך הכל איז, אז עס טוט ערמעגליכן בענק ארויסצוגעבן פיל גרעסערע און מער ריזיקאלישע מארגעדזשעס ווי ווען עס גייט בלויז דורך די באנק דירעקט. בענק לכשעצמם וואלטן נאטורליך קיינמאל נישט ארויסגעגעבן מארגעדזשעס אויף אזא פארנעם, ווארום א געוויסע פראצענט געלט דערפון קומט נישט צוריק. דאס ארויסגעבן אן אכציג פראצענט מארגעדזש און אנדערע גינסטיגע טערמינען, איז טאקע כמעט נישט פאראן אין די גארער וועלט, בלויז אין אמעריקע אין נאך געציילטע לענדער ווי עס ווערט קאנטראלירט די מארקעט, און די הלוואות ווערן גאראנטירט ביי די רעגירונג.

אין רעזולטאט, טוט די האוזינג מארקעט אין אמעריקע ארויסגיין פון יעדן פראפארץ. נאטורליכערהייט, וואלט ריעל-עסטעיט נישט געקענט שטייגן אזוי הויך ווי עס איז, נאר מיט די הילף און אינטערלאגע פון די רעגירונג, אויפן חשבון פון די מיטל-קלאס בירגער.

בעת די מארגעדזש פראצעדורן ברויכן די באנקירן בלויז זיכער מאכן צו אקאמידירן די טשעק-ליסט פון פעני-מעי אדער פרעידי מעק, וועלכע גייען אפקויפן און ווייטער פארקויפן דעם מארגעדזש.

גענוג געשריבן פאר יעצט, מחמת טעמים נמוקים וויל איך נישט שרייבן בפרטיות אלעס וואס איך ווייס. אבער געדענקט: נעקסטיים אז איינער פרעגט אייך פארוואס איז דירות טייער, איז דער תירוץ: ווייל עס איז "מעגליך" פאר די ברייטע מארקעט צו קלאוזן א מארגעדזש אויף דעם פרייז!

און יעצט אהער מיט די קלעפ...
דברים אלו
שר האלף
תגובות: 1961
זיך איינגעשריבן אום: פרייטאג אקטאבער 16, 2015 2:30 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דברים אלו »

איך ווייס קראנט נעמען וואס האבן געקויפט טייערסטע דירות און קרית יואל ווי למשל אויף קוויקוועי און מרדכי שעהר און שינוב גאנץ קנאפע פארדינער
אוועטאר
shimon7323
שר חמשת אלפים
תגובות: 5625
זיך איינגעשריבן אום: דינסטאג פעברואר 14, 2012 9:21 pm
לאקאציע: שיך
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך shimon7323 »

איך ווייס פון א הויז און מאנסי וואס מען האט געבויט און עס קאסט פשוט אדער אסאך מאל זייער אסאך מער ווי מען רעכענט זיך. למשל א קאנדא פון פינעף שלאף צימערן מיט א פינף רום אפרטמענט טענענט האט די בויען אליינס געקאסט 650K, וואס דאס רוקט אויך אליינס ארויף די פרייזן.
בר דעת
שר האלף
תגובות: 1414
זיך איינגעשריבן אום: דינסטאג יאנואר 25, 2011 1:00 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך בר דעת »

שיין אראפגעלייגט, ר' יו"ט
אין קורצען איז עס אקוראט וואס סעקשען אכט האט געטוהן מיט די רענטעל מארקעט, און ענליך צו וואס די קרעדיט קארד טוט ווען עס קומט צו גיין שאפינג. אז מען ספענדט נישט די אייגענע קעש געלט פארט עס גרינגער ארויס און ליידער רעכענט מען נישט אויף וואס וועט זיין שפעטער.
nishtkushe
שר חמישים ומאתים
תגובות: 480
זיך איינגעשריבן אום: זונטאג דעצעמבער 07, 2014 9:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך nishtkushe »

ר' יום טוב האט געשריבן:קודם אנטשולדיגט פארן אזוי לאנג צעגערן, עס האט מיר גענומען אסאך מוט צו שרייבן די פאלגענדע שורות.
וכו'


.

וואו! חכמה יש כאן וזקנה יש כאן. זייער גיט ארויסגעברענגט

איך גיי צולייגען נאך עפעס. ביליגע אינטערעסט ראטעס איז אויך א ריזיגע פאקטאר.
אוועטאר
מחשב
שר שלשת אלפים
תגובות: 3563
זיך איינגעשריבן אום: דינסטאג יולי 17, 2018 3:57 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מחשב »

אבער ביליגע ראטעס איז לעגיטים, קענסט קיינעם בלעימען אויף די עפעקט.
אוועטאר
farshlufen
שר שלשים אלף
תגובות: 35243
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

וואפסף יאנטעף אינדערוואכן.

זאגסט עפעס טיף און ברייט, והבין.
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

מחשב האט געשריבן:אבער ביליגע ראטעס איז לעגיטים, קענסט קיינעם בלעימען אויף די עפעקט.

בכלל נישט, א אינטערעסט ראטע אונטער 7-8 פראצענט מאכט בכלל נישט קיין סענס אין שכל הישר, איך פריי מיך דערמיט אבער ווען מרעדט סתם ביזנעס אודאי שטימט עס נישט. דוק וטישטעך
אז מ'לעבט דערלעבט מען
סלם
שר העשר
תגובות: 20
זיך איינגעשריבן אום: מיטוואך יולי 01, 2015 4:11 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סלם »

שכח ר יום טוב פאר׳ן נעמען די ״מוט״ און שרייבן. דע געדאנק איז גאר ברייט מען דארף גוט אריינקלערן און מאכן ריסערדזש פאר מען קען עפעס מגיב זיין לטוב או ל...
מענין לענין האב איך געהערט פון א עלטערער בעה״ב אז די בעסטע סעווינגס איז זיך בארגן געלט ווייל דעמאלס מיז מען מאכן די פעימענטס און נאך 20 יאר זעהט מען זיך געסעווד מיט א האלב מיליאן דאללער, און איינוועגס הנאה געהאט פון די דירה וכדו,
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

אויב איינער האט געדולד קען ער דא זען א ענליכע ארטיקל פון א אנדערע פערספעקטיוו

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

אז מ'לעבט דערלעבט מען
אוועטאר
מחשב
שר שלשת אלפים
תגובות: 3563
זיך איינגעשריבן אום: דינסטאג יולי 17, 2018 3:57 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מחשב »

lebediger berel האט געשריבן:
מחשב האט געשריבן:אבער ביליגע ראטעס איז לעגיטים, קענסט קיינעם בלעימען אויף די עפעקט.

בכלל נישט, א אינטערעסט ראטע אונטער 7-8 פראצענט מאכט בכלל נישט קיין סענס אין שכל הישר, איך פריי מיך דערמיט אבער ווען מרעדט סתם ביזנעס אודאי שטימט עס נישט. דוק וטישטעך


אבער עס האט א סיבה פארוואס מ'האט דאס געמאכט, אוודאי האט דאס סייד עפעקטס, אבער איז דען נישט די ריווח מרובה על השכר?

סייווי מיין איך בעיקר די לעגיטימאציע.
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

מחשב האט געשריבן:
lebediger berel האט געשריבן:
מחשב האט געשריבן:אבער ביליגע ראטעס איז לעגיטים, קענסט קיינעם בלעימען אויף די עפעקט.

בכלל נישט, א אינטערעסט ראטע אונטער 7-8 פראצענט מאכט בכלל נישט קיין סענס אין שכל הישר, איך פריי מיך דערמיט אבער ווען מרעדט סתם ביזנעס אודאי שטימט עס נישט. דוק וטישטעך


אבער עס האט א סיבה פארוואס מ'האט דאס געמאכט, אוודאי האט דאס סייד עפעקטס, אבער איז דען נישט די ריווח מרובה על השכר?

סייווי מיין איך בעיקר די לעגיטימאציע.

דאס זעלבע קען מען טענה'ן אויף די גאנצע יום טוב ארטיקל, אז ס'האט א סיבה און ריוח מרובה, ביידע שטימען נישט, אפשר שטימט דאס אביסל מער אבער אז מ'בארגט געלט פאר אזוי ביליג נעמעט עס אוועק דאס חשיבות פון געלט, וויזוי זאגט טראמפ ווען עם לוינט נישט ביג פראבלעם
אז מ'לעבט דערלעבט מען
אוועטאר
לעכטל
שר שלשת אלפים
תגובות: 3991
זיך איינגעשריבן אום: דאנערשטאג יוני 27, 2019 6:03 pm
לאקאציע: ביד השי"ת

  • ציטיר
  • צו לייגן א דאנק דארפט איר זיין אריינגעלאגט

תגובה דורך לעכטל »

ר' יום טוב האט געשריבן:קודם אנטשולדיגט פארן אזוי לאנג צעגערן, עס האט מיר גענומען אסאך מוט צו שרייבן די פאלגענדע שורות.

צום פונקט.

אז איר וועט פרעגן סיי וועם וואס איז די סיבה אונטער די אבנארמאל שטייגנדע דירות פרייזן אין די היימישע געגנטער, וואס וועט עפי"ר זיין די ענטפער?

עס ווענדט זיך וועמען מ'פרעגט. איינער וועט זאגן די דעוועלאפער זענען שולדיג. א צווייטער וועט לייגן די שולד אויף די פליפער, אינוועסטירער אדער בראוקער. א דריטער וועט גאר שרייען סופליי און דימענד. א פערדער וועט גאר טענה'ן אז די קונים זעלבסט טרייבן ארויף די פרייזן. און א פיפטער וועט שפעקולירן איבער קאנספיראציעס שאין להם סוף צו האלטן די מארקעט הויעך.... א זיבעטער וועט מאכן גענוי דעם חשבון פונעם היימישן וואוקס כ"י, וכהנה וכהנה.

אז מען וועט גוט אריינקוקן און אויפריכטיג באטראכטן די נושא, וועט מען זעהן אז קיין איינע פון די אויבנדערמאנטע פאקטארן האבן נישט א דאמינירדע השפעה אויף די היימישע דירות מארקעט. מיט יעדע סיבה פאר זיך, און אפילו מיט אלע באנעזאם, וואלט נאך א קאנדאמיניום דירה אין ראקלענד אדער אראנדזש קאונטי נישט געדארפט קאסטן היינט דאפלט פון 10 יאר צוריק און טריפלט פון 15 יאר צוריק. פארוואס נישט? ווייל די אלע סיבות זענען אויך געווען דעמאלט - אדער האבן פונקט אזוי געקענט זיין דאן גענוי ווי יעצט.

איז וואס איז די אמת'ע הויפט סיבה און דער טרייב-קראפט פאר די האוזינג באבל מארקעט? וואספארא טויש איז געשען אין די לעצטע 15 יאר צו אזוי מאסיוו און דראמאטיש אפעקטירן די היימישע מארקעט?

דער תירוץ איז: די מארגעדזש מארקעט! ואלמלא דמסתפינא וואלט איך דאס קאטאגאריזירט אלס די היימישע מארגעדזש מארקעט. יא, דער מזל טוב לחיים וואס איר גיט ווען איר באקומט אויפן עימעיל "קאנדישענעל אפראוועל", ער איז דער הויפט שולדיגער!

לאמיר דאס סימפליפייען. לאו אכברא גנב. אויב א אכט רומיגע קאנדא דירה וואלט נישט געקענט באקומען א מארגעדזש אויף מער ווי $200K , וואס דאס איז 80 פראצענט פון די מאקסימאלע פול וועליו לויט אלע דיעות אסעסד לגבי פראפערטי טעקס און דאס גלייכן, וואלט נאך אלץ מעגליך געווען צו בעטן דערפאר $649,000 .??? זיכער אז נישט. און אפילו קרוב לזה אויך נישט. איך מיין, וויפיל פראצענט קונים וואלטן געקענט אראפלייגן אריבער פיהר הונדערט טויזנט פאר א דירה?

און דאס איז דער עיקר טויש וואס האט פאסירט די לעצטערע יארן. מיט 10 אדער 15 יאר צוריק איז פאר סאם ריזען (איך וויל נישט אריינגיין פ"וו) געווען א לימיט וויפיל א היימישע קאנדא דירה איז געווען געשאצט. דאס איז ווייל א קאנדא איז גאר ביליג געשאצט אין אלגעמיין קעגן די ארומיגע מארקעט. און דערפאר האסטו בדרך כלל נישט געקענט באקומען א מארגעדזש העכער א געוויסן סכום. מענטשן וואס האבן דאן געקויפט אפגרעידעט הייזער האבן געמוזט צולייגן די דיפרענס פארן קלאוזן. ווער עס געדענקט נאכן קראך אין 08' ווען עס איז געווען שווער מיט מארגעדזשעס איז טאקע די מארקעט געפאלן. די אידן וועלכע האבן דאן געכאפט דירות פאר ביליג אנע מארגעדזשעס אדער מיט קליינע מארגעדזשעס האבן דאן עטוואס אונטערגעהאלטן די מארקעט.

היינט אבער קענסטו באקומען א מארגעדזש פאר ממש כמעט אן קיין שום לימיט מצד פראפערטי וועליו אויס! איך וויל נישט מרחיב בדיבור זיין, ווייל עס איז א סענסיטיווע נושא, אבער דאס איז דער פאקט! עס איז קלאר אז נישט די מארקעט וועליו ברענגט אז די מארגעדזש סכום זאל שטייגן, נאר עס איז פארקערט. די מעגליכקייט צו נעמען אזאלכע מאסיווע מארגעדזשעס שטעלט די טאן פונעם פרייז. עס קוקט אויס ווי עמיצער זאגט: 'דו מאך דעם פרייז וואס ס'שמעקט דיר, און איך וועל זיכער מאכן צו ערמעגליכן די קלאוזינג פאר די וועליו'. איראניש איז, אז עס איז בלויז פאראן איין אפהאלט אז די פרייזן זאלן נישט שטייגן צו א מיליאן אדער מער, דאס איז: די אינקאם פונעם לוה. וועלכע איז געווענליך (ב"ה...) נישט גענוג הויעך צו קענען ערמעגליכן די 45% לאון טו אינקאם ראטע....

איך קוק אויף די רעקארדס און איך נישטער אויף די פאבליק דאטא. דאס הארץ רייסט צו זעהן אינגעלייט זענען מזל'דיג צו ווערן עפראווד פאר שטוינענדע פינעף אדער אפילו זעקס הונדערט טויזנט דאלער'יגע מארגעדזשעס פאר א דומפיגע קאנדא אין די אפסטעיט מארקעט. זיי ווייסן מן הסתם נישט וואס דאס מיינט צו זיין געלאקט אויף דרייסיג יאר אויף אזא דזשאמבא לאון. זיי גייען דאס וויסן ביז דריי אדער פיהר יאר, עס גייט זיין זייער נישט קיין געשמאקע עקספיריענס מילד גערעדט. אויב עמיצער רעדט זיך איין און האפט אויף א סעטלמענט אדער שארט-סעיל, דאס פאסירט שוין כמעט נישט היינט.

דער אמת איז, אז ס'איז אויך פאראן א שטארק אומיושר'דיגע חלק אין די אלגעמיינע נאציאנאלע מארגעדזש מארקעט, ס'איז אן ארוכות וויאזוי עס ארבייט מיט פעני-מעי און פרעידי-מעק וועמענס הלוואות איז גאראנטירט ביי די גאווערמענט, וואס דער סך הכל איז, אז עס טוט ערמעגליכן בענק ארויסצוגעבן פיל גרעסערע און מער ריזיקאלישע מארגעדזשעס ווי ווען עס גייט בלויז דורך די באנק דירעקט. בענק לכשעצמם וואלטן נאטורליך קיינמאל נישט ארויסגעגעבן מארגעדזשעס אויף אזא פארנעם, ווארום א געוויסע פראצענט געלט דערפון קומט נישט צוריק. דאס ארויסגעבן אן אכציג פראצענט מארגעדזש און אנדערע גינסטיגע טערמינען, איז טאקע כמעט נישט פאראן אין די גארער וועלט, בלויז אין אמעריקע אין נאך געציילטע לענדער ווי עס ווערט קאנטראלירט די מארקעט, און די הלוואות ווערן גאראנטירט ביי די רעגירונג.

אין רעזולטאט, טוט די האוזינג מארקעט אין אמעריקע ארויסגיין פון יעדן פראפארץ. נאטורליכערהייט, וואלט ריעל-עסטעיט נישט געקענט שטייגן אזוי הויך ווי עס איז, נאר מיט די הילף און אינטערלאגע פון די רעגירונג, אויפן חשבון פון די מיטל-קלאס בירגער.

בעת די מארגעדזש פראצעדורן ברויכן די באנקירן בלויז זיכער מאכן צו אקאמידירן די טשעק-ליסט פון פעני-מעי אדער פרעידי מעק, וועלכע גייען אפקויפן און ווייטער פארקויפן דעם מארגעדזש.

גענוג געשריבן פאר יעצט, מחמת טעמים נמוקים וויל איך נישט שרייבן בפרטיות אלעס וואס איך ווייס. אבער געדענקט: נעקסטיים אז איינער פרעגט אייך פארוואס איז דירות טייער, איז דער תירוץ: ווייל עס איז "מעגליך" פאר די ברייטע מארקעט צו קלאוזן א מארגעדזש אויף דעם פרייז!

און יעצט אהער מיט די קלעפ...

ר' יום טוב! שרייבט ווייטער ;l;p-
די בעסטע וועג אויסצורעכענען דיין צוקונפט, איז דורכ'ן עס מאכן... (פרעזידענט לינקאלן)
קלוג ייד
שר מאה
תגובות: 167
זיך איינגעשריבן אום: מיטוואך יולי 15, 2020 6:07 pm

Re:

  • ציטיר
  • צו לייגן א דאנק דארפט איר זיין אריינגעלאגט

תגובה דורך קלוג ייד »

ר' יום טוב! שרייבט ווייטער ;l;p-[/quote]
אידישע קינדער, ספעציעל חסידישע אידן, זענען...... וואויל!!
שרייב תגובה

צוריק צו “פינאנץ”