אגב, אימרא הנ"ל פון הרה"ק מצאנז זי"ע האט אויך פארציילט האדמו"ר הדברי אמונה מתולדות אהרן זצ"ל, און פלעגט צולייגן דערצו די מימרא פון רביה"ק מסאטמאר זי"ע עה"כ אצל דגל מחנה ראובן "ושניים יסעו" שניים מלשון שנים, "די יארן פארן". (הובא בספר תורה ואמונה)
ובנוגע די יום הולדת פון הרה"ק מצאנז זי"ע, די פונקטליכע טאג איז נישט באקאנט נאר אזויפיל אז ער איז געבוירן אין שנת תקנ"ז, (ראה בקונטרס שלשה שריגים, שריג ג' עמ' שכ"ה, מרשימת הגה"צ מהרשי"ש מציעשנוב זצ"ל הנוגעים לתולדותיהם של צדיקים רבותיה"ק מצאנז ומשינאווא זי"ע, נדפס בסוף ספר פי צדיק). ואשר על כן איז דא מפקפקים אויף די גאנצע אויבערשטע מעשה, ווייל אויב וואלטן די חסידים זיינע געוואוסט זיין יום הולדת וואלט מען עס אויך היינט געוואוסט ווייל ס'וואלט מן הסתם געווען ערגעצוואו פארשריבן.
אזויפיל געפונען מיר יא -יום הולדת בצל צדיקי צאנז- אז דער הייליגע שינאווא רב זי"ע איז איינמאל געווען אויף א שבת אינאיינעם מיט הרה"ק מהר"י מבעלזא זי"ע (רבים אומרים שהיה זה בעת שעשה קשר שידוכין לבנו הרה"ק מציעשינוב זי"ע לבתו של הרה"ק מבעלזא זי"ע והרה"ק מבעלזא בא לשינאווא לשמחת התנאים, אך הרבה מפקפקים על זה ומראים מקומות אחרים בה אירע עובדא זו), ערב שבת בעפאר מנחה האט די גבאי פון בעלזער רב געלייגט די סידור פון בעלזער רב ביים עמוד, ווען די שינאווא רב איז אריינגעקומען צום דאווענען און באמערקט די סידור האט ער געפרעגט וועמען'ס סידור איז דאס, האט די גבאי געזאגט אז ס'איז די בעלזער רב'ס, האט דער שינאווא רב געזאגט היות היינט איז מיין יום הולדת וויל איך דאווענען פארן עמוד.
אפשר דו מעשה האט "גדול מרבן" געמיינט שרייבנדיג:
גדול מרבן האט געשריבן:דער שינעוואר רב זי"ע פלעגט עולה זיין טאמיר ס'איז געווען יום הקריאה, און אז נישט איז ער געווען בעל תפילה.
