חמרא טבא האט געשריבן:ער ברענגט דאך פול מיט שינויים פון יענע דרוק, דיר דרוקט אז ער טייטלט א פינגער דייקא אויפן מו״ל?
ס'איז עטליכע זאכן
דער מו"ל (מהדורת שני', תרס"ו) שרייבט אין הקדמה די השתלשלות פונעם 'ערשטן' דריק, און גענוי וואס ער וויל אויפטוהן.
ותוכ"ד, אז ס'איז געווען פיהל מיט ט"ס, וועלכע ער האט מתקן געווען בעיון נמרץ, און צוגעצייכנט יעדע תיקון מיט א כוכב, עיי"ש באורך.
די תיקונים לייגן זיך אויפן שכל, אויבנאויף, און קומט מיט שטיצע פון עטליכע נכדי ראפשיץ בא"ב (בהסכמות, ובהקדמתו), ובפרט להמבואר בהקדמתו אז די ערשטע דריק קומט פון א כת"י העתקה מתוך העתקה, איז עס גאר א גרויסע תועלת און שטארק בארעכטיגט.
וכן הוכיח המציאות אז די צווייטע דריק איז מקובל בכל מקום די לעצטע (איבער) הונדערט צוואנציג יאהר, און כ'האב נאכנישט געזען אדער געהערט קיין שום פקפוק, (און דאכט זיך אז דו אויך נישט).
די מו"ל פונעם יעצטיגן ספר לייגט אראפ א גענצליך נייע געשיכטע, (אין די עטליכע ווערטער וואס כ'האב געזעהן), וועלכע ווארפט צאם דאס אנגענומענע און באקאנטע. איינס פון די חידושים איז אז ר' מענד'לע גלאגובער האט געדרוקט דעם ערשטן דרוק, (א זאך וואס ווערט נישט דערמאנט לשבח אין 'לשון צדיק' גלאגוב, און אויך נישט לגנאי אין אנדערע תולדות ספרים לבית ראפשיץ, ודי). ועי' מכתב הרה"ק מצאנז לרמ"מ מגלאגוב (בשנת תרכ"ה) ער זאל נישט דרוקן, והטעם עיי"ש.
בקיצור, די באקאנטע היסטאריע פארט נישט גלאטיג מיט די נייע ווערסיע
אבער אפשר אינעם קונטרס בסוף הספר וועט מען קליגער ווערן, מי יודע