זכרון קדושים - ראשי גולת אריאל - שפר הררי קדם
וואס יעדע איינע פאר זיך ענטהאלט פיל מיט אינפארמאציע בבחינת מועט מחזיק את המרובה.
דער ספר זכרון קדושים וועלכער איז זיין ערשטער חיבור איז ערשינען אין אידיש אין יאר תשכ"ט, דער שפר הררי קדם איז א ברייטערע איבערזעצונג דערפון.
די ספרים ראשי גולת אריאל און שפר הררי קדם זענען געשריבן אין לשון הקודש, באשרייבענדיג סיי טשעכיש מאראמאראש דהיינו קארפאטן-רוסלאנד [וואס אין דעם איז אריין גערעכענט בעיקר כולל מונקאטש ועשרה גלילות] היינט אוקריינא, און סיי דעם אונגאריש-ראמענישן טייל פון מאראמאראש, כאטש ביסודו איז דער ראשי גולת אריאל געשטעלט מער צו באשרייבן די רוחניותדיגע מנהיגים פון דעם מאראמארישן אידענטום, און דער שפר הררי קדם צו באשרייבן דעם טאג טעגליכן געווירבעל אין די מאראמארישע שטעט און דערפער, דאך זענען דא געוויסע באשרייבונגען אין ראשי גולת אריאל וואס זענען זייער ענדליך צו דעם שפר הררי קדם, ווי איר וועט זעהן פון די ראשי פרקים וואס מיר וועלען ווייטער שרייבן, אבער דאך איז איינע משלים די צווייטע מיט אינטערעסאנטע אנדעקאטן און טשיקאווע פונקטן.
עס איז אויך דא א ספר מאראמאראש אין לשון הקודש ארויס געגעבען בשעתו דורך בית מאראמאראש אין תל אביב,
ר' אליעזר פינחס סופר האט עס איבער געזעצט אויף אידיש און עס איז ערשינען אין פארזעצונגען אין קול ב"פ,
האלב דערפון איז שוין אויך ערשינען אין א געדרוקטן הארטן באנד פארמאט.