יונה האט געשריבן:מאדנע ווי איר פרובירט אריינצולערנן פשטים כאילו מ'רעדט דא פון א ראשון וואס שרייבט קורץ און מ'דארף פארטייטשן... דער איד האט זייער קלאר געזאגט וואס ער האלט אסאך דא האבן עס געהערט פון אים זעלבסט. זיין מערכה איז נישט געווען בלויז אויף דעס אדער אויף יענץ, עס איז געווען קעגן אינטערנעט אוו טעקסט מעסעטשס בכל אופן שהוא אפי' מיט די בעסטע פילטער!
דאס אז איר שרייבט אויפן אינטערנעט מיינט נישט אז הרב ראבינאוויטש ע''ה האט נישט דאס געמיינט, סה''כ פירט איר זיך דלא כראבינאוויטש..
איך פרוביר אריינצולערנען פשטים כאילו מ'רעדט פון א ראשון וואס שרייבט קורץ און מ'דארף עס פארטייטשן?
איך גיי דיר דא אראפשרייבן וואס ער האט געזאגט, גוט?
רבותי די מצב ווערט ערנסטער און ישיבות מיום ליום.
וואס מיינט די ווערטער? וואס וויל ער דא? ער קומט אין ביהמ"ד צו טאטעס וואס ווייסן כמעט נישט אז עס עקזיסטירט ישיבות, און שרייט "רבותי די מצב ווערט ערנסטער אין ישיבות מיום ליום" ?
לאמיר גיין ווייטער.
איך וויל אייך זאגן: טאמער איינער זאגט אייך אז ס'דא א ישיבה וואס איז דא דרייסיג פראצענט סעלס זאלט איר גלייבן, טאמער איינער זאגט אייך אז ס'דא זעכציג (ער שרייט) זאלט איר גלייבן. די מצב ווערט ערנסטער מיום ליום
טראכט אריין, ער רעדט דא צו יונגעלייט. וואס? וועגן ישיבות וואס האבן דרייסיג פראצענט סעלס, און אז מ'דארף עס גלייבן! און אז מ'גלייבט עס? וואס וויל ער דא פון דעם עולם? וואס ברענגט ער אריין ישיבות דא? נאר וואס דען. דאס האט אים געפייניגט! און דאס האט אים געטריבן.
די ישיבות. זיין גאנצע קאפ איז געווען פארנומען
מיט די ישיבות. ער איז געקומען שרייען צו די טאטעס, אז זיי זאלן עפעס טון צו ראטעווען
די ישיבות. ער האט נישט געקענט צוקוקען ווי מ'שטייט גלייכגילטיג ווען ער זעהט אזא חורבן. ער איז געקומען שרייען צו די טאטעס. טוט עפעס. טוט עפעס. טוט עפעס. ראטעוועטס. דאס אלעס וואס עס האט אים באוואויגן צו גיין שרייען.
ער האט גערעדט ווי איינער וואס עס איז אים ענדליך געלונגען ארויסצושטעקן זיין קאפ פון אונטער די וואסער, און ער שרייט וואס עס קוקט אויס זיין עיקר מעסעדש:
די בחורים ווייסן נישט בכלל וואס מ'וויל פון זייער לעבן, זיי זאגן קלאר ראיות אסורות, א פארגאנגענהייט, אמאל געווען, די רבי ז"ל האט עס געהאלטן, היינט מעג מען קוקן יעדע זאך, איך גיי נישט שמוציג מאכן מיין מויל, איך זאג אייך נאר ברמיזה, נישטא קיין פיקטשער אין גאנץ אינטערנעט וואס מ'טאר היינט נישט קוקן, אלע קוקן.
פאר די אויבנדערמאנטע נישט וויסן וואס די בחורים האבן נישט געוואוסט, דאס האט אים באוואויגן צו קומען שרייען פון ביהמ"ד צו ביהמ"ד. דו קענסט נישט זאגן אז איך לערן אריין פשטים, ווען דו הערסט עס קלאר אויף זיינע טעיפס. דו הערסט קלאר ווי ער רעדט פון
בחורים, און אז ער רעדט פון א טערמין
ראטעווען ישיבות. וויאזוי קענסטו קומען זאגן אז איך לערן אריין פשטים?
שטעל דיך פאר אז דו זעהסט וויאזוי א בנין (אויף אלע שונאי ישראל געזאגט) ברענט, און דו גייסט אריין אין א לאקעל ביהמ"ד און דו שרייסט זיי זאלן עפעס טון דערצו. ניין?
איך לערן אפ פשטים? ער האט געהאלטן אז דער עולם שטייט גלייכגילטיג, ווען ער זעהט ווי עס ברענט. און ער האט זיך געבעטן מ'זאל עפעס טון. דאכט זיך ער האט אפילו ארויסגעגעבן אזא קונטרס
קראתי ואין עונה ווייל מיר האבן געשפירט אז די מצב איז סעיף, מיינט נאכנישט אז ער האט געשפירט אז די מצב איז סעיף. ער האט געשפירט דאס וואס ר' מיכאל בער האט געשפירט אז די מצב
ברענט און ער האט נישט פארשטאנען פארוואס מ'טוט גארנישט. איז ער געקומען שרייען. דו הערסט? און קום נישט זאגן אז איך לערן אריין פשטים. ווייל דאס זענען געווען זיינע ווערטער וואס ער האט געזאגט!
יעצט איז ער מסביר פארוואס טאקע א בחור האלט ווי דאס אויבנדערמאנטע. זאגט ער אזוי.
מה דאך מיין טאטע וואס האט וואס צו טון אגאנצן טאג מעג זיך אונטערהאלטן מיט א סעל, און קוקן ווי ס'גייט אלע קליפס, מיט אלע שיינע זאכן, איך וואס איך פלאץ אוועק אין ישיבה יעדע מינוט מעג דאך האבן אוודאי א סעל
ער האט הפנים געוואלט געבן זיין הסבר פארוואס א בחור האלט די אויבנדערמאנטע. האט ער קלאר געזאגט, אז א בחור האלט די אויבנדערמאנטע,
ווייל זיין טאטע האט א סעל. זעהסטו פון דא קלאר, אז זיין עיקר סיבה איז געווען צו ראטעווען בחורים! און קום נישט זאגן אז ער האט געהאט א פראבלעם מיט א פילטער! נישט דאס האט אים באוואויגן צו קומען שרייען. ער איז נישט געקומען שרייען, רבותי מ'טאר אפילו נישט מיט א פילטער אויך נישט, ווייל מ'ווערט פאר'גוי'אישט. ווייל מ'פארברענגט צייט. ווייל מ'האט נישט קיין צייט צו די קינדער.
נישט דאס האט אים געברענט, אפילו ער האט דאס געזאגט. איז א גרויסע חילוק צו וויסן
וואס ס'האט אים געטריבן.
אויב מ'זאגט אז ער איז סתם געקומען שרייען אז מ'טאר נישט האבן קיין סמארטפאון אפילו מיט א פילטער, און אז מ'טאר נישט האבן קיין טעקסט מעסעדשעס. איז עס אינו דומה צום פאקט וואס עס האט אים פאקטיש באוואויגן אזוי צו זאגן.
ווען דו זעהסט די ווארט
ר' שאול יצחק ראבינאוויטש ז"ל זאלסטו נישט זעהן
האט געהאלטן אז מ'טאר נישט האבן קיין סמארטפאון אפילו מיט א פילטער לצורך פרנסה, און מ'טאר נישט האבן קיין טעקסט מעסעדשעס ווייל ער האט געהאלטן אז מ'דארף זיין הייליג, א.ד.ג. און א סמארטפאון איז מטמא!
נאר ווען דו זעהסט די ווארט
ר' שאול יצחק ראבינאוויטש ז"ל זאלסטו וויסן אז ס'מיינט
האט געוואלט ראטעווען בחורים און קינדער פון גראבע עבירות, און דערפאר האט ער געהאלטן אז א סמארטפאון אפילו מיט א פילטער, אפילו לצורך פרנסה איז אויך נישט גוטאון ער זאגט ווייטער
איר ווייסט וואס א גוטער בחור זאגט: היינטיגע צייטן מעג מען קויפן א סעל, מ'מעג קוקן אלעס, ס'גייט מתוך: מתוך שהותרה לפרנסה, הותרה כל דבר, לכל דבר וכו' היינט מעג מען קוקן
און ער האט זיך פרובירט אריינצולייגן אין די קאפ פון א בחור, אז וויאזוי קען זיין אז א בחור הערט און כאפט נישט אז מ'טאר
נישט. זאגט ער אזוי
איי פארוואס דער רבי וויינט, דער ראש ישיבה שרייט, דער מנהל קוויטשעט?
ער מיינט ארויסצוברענגען אז וויאזוי קען זיין אז דער בחור כאפט נאך אלץ נישט אז מ'טאר נישט. זאגט ער. אז דער בחור טראכט.
ס'איז נישט ווייל מ'טאר נישט, ס'איז ווייל די סיסטעם אין א ישיבה קען נישט גיין מיט א סעל. שטעל דיך פאר א מגי"ש וועט האלטן א שיעור און אלע בחורים וועלן כאפן פיקטשערס, און שיקן טעקסט מעסעדשעס וועט מען קענען זאגן א שיעור? מ'וועט נישט קענען זאגן א שיעור, דערפאר האט מען דאס גע'אסר'ט! נישט ווייל מ'טאר נישט! אזוי ווי אין די גוי'אישע וועלט טאר מען נישט קומען מיט קיין דראגס און נישט מיט קיין מעסערס, וואס הייסט מ'טאר נישט, אלע טאטעס האבן דראגס מיט מעסערס, נאר וואס, די סיסטעם אין א סקול קען מען נישט גיין מיט קיין דראגס און קיין מעסערס, אבער למעשה מעג מען
דו פארשטייסט? ער האט געוואלט איין זאך, אז בחורים זאלן וויסן אז למעשה טאר מען אויך נישט קיין ראיות אסורות. און ער האט געהאלטן אז גארנישט ארבעט נישט צו מאכן אז זיי זאלן וויסן
אז מ'טאר נישט! און דערפאר איז דא אזא חורבן. און ער האט געהאלטן אז שולדיג זענען די וואס האבן א סמארטפאון מיט א פילטער! אזוי האט ער געהאלטן, ער האט זיך פרובירט אריינצולייגן אין די קאפ פון א בחור, און צוגעקומען, אז די סיבה איז די סמארטפאונען וואס זיי זעען ביי זייער טאטע/מאמע. דאס מיינט נישט אז איך לערן אריין פשטים.
ער איז בכלל נישט געווען פאר די גויאישקייט וואס א סמארטפאון קען אריינברענגן אין א מענטש. ער איז געווען פאר גראב ראיות אסורות וואס ער האט געהאלטן, אז ס'זעצט זיך נישט אין בחורימ'ס הערצער. און ער זאגט ווייטער
רבותי איר זאלט מיר נישט גלייבן קיין איין ווארט וואס איך האב אייך געזאגט, און וואס איך גיי אייך זאגן, איר זאלט זיך נאכפרעגן עט איר זעהן אז ס'איז צעהן מאל ערגער ווי וואס איך זאג, ווייל איך קען נישט זאגן צוליב סיבות, רבותי, דער מצב ווערט ערנסטער מיום ליום
ער האט געהאלטן אז מ'איז מחויב אלעס צו טון, צו אריינזעצן אין זייערע הערצער די ענין פון ראיות אסורות, און ער האט געהאלטן אז א אנדערע וועג איז נישטא, נישטא, נישטא,
נישטא!
איך האב געזאגט אז איך פארשטיי אז זיין עיקר וואס האט אים געטריבן אנצוהייבן מיט די דרשות איז געווען ווייל ער האט געזען אז בחורים ווייסן נישט וואס עס מיינט א ראי' אסורה. און ער האט געהאלטן אז די איינציגע וועג וויאזוי זיי צו ראטעווען איז דורכ'ן לאמיר זאגן נישט האבן בכלל קיין סמארטפאון, און בכלל קיין טעקסט מעסעדשעס, אדער וואטעווער. איך בין דא געקומען זאגן, אז ער האט נישט געזעהן א אנדערע עצה.
ער זאגט ווייטער
מ'כאפט זיך נישט אז מ'האט געכאפט א געשמאק אין א סעל, און מ'וויל וועגן דעם מקריב זיין אלע קינדער, אויף איך וויל נישט זאגן אויף וואס, רבותי דער מצב ווערט ערנסט
און ער ענדיגט
דו אז דו האסט א פילטער, צו דיר רעד איך, ווייל דו פארשטייסט שוין, זאג איך דיר קלאר, ווען דו קוקסט אריין אין דיין פילטער, מיט דיין פופציג פילטערס צוזאמען, ווען דו קוקסט אריין די שיינע דשאקס, די שיינע נייעס, רייצטו אן אלע בחורים, און די געשעפטן פארקויפן פאר בחורים סעלפאנען וכו'
דו כאפסט? און דערפאר האט ער געהאלטן אז מ'זאל דאס אוועקווארפן. ווייל ער האט געהאלטן "
דו רייצט אן, און די ישיבות ווערן חרוב צוליב דיר, ווייל דו רייצט אן דיינע קינדער
"
איך קען דיר ברענגען נאך און נאך ראיות, אז דאס וואס איך האב געשריבן, דאס איז עס געווען. אז פון זיינע דרשות האט מען בעיקר דאס געקענט הערן.