פארגעסן צו שרייבן נעכטן:
מטעמים האט געשריבן:אלס א ביזנעסמאן איז זייער שווער צו פארשטיין וויאזוי ער האלט אז ביידען וועט זיין בעסער פאר ביזנעס ווי טראמפ.
יענג איז טאקע פרא-ביזנעס, אבער בעיקר איז זיין דגוש פרא-ביזנעס
אין לאנגען טערמין. ווי געשריבן אנהייב אשכול (פון זיין ביכל):
Yang2020 האט געשריבן:וואס קוקט אויס ווי עקאנאמישע וואוקס איז באמת א שלעכטע חלום פאר די מיטל קלאס. וואס זיי בויען יעצט איז ווי א פאלאץ געבויט אויף זאמד. אונזער סאושעל פעבריק איז אין סכנה.
איך האב אים נישט געפרעגט, און קען נישט רעדן אין זיין נאמען, אבער איך גלייב אז ער האלט טאקע אז טראמפ איז נאר א סימפטאם און מען זאל אויפהערן שרייען אויף אים, ווי הענדימען ברענגט, און אפילו אז טראמפ האט געזען געוויסע פראבלעמען ריכטיג - בעסער ווי די אנדערע דעמאקראטן, און אפילו אז טראמפ וועט טאקע זיין בעסער פאר די עקאנאמיע און ביזנעס
אין קורצן טערמין.
אבער וואס שנעלער די עקאנאמיע וואקסט פאראויס אן צו אדרעסירן די אונטערליגנדע פראבלעמען, אלץ ערגער וועט זיין ווען עס וועט צום סוף קראכן. די טראמפ אדמיניסטראציע האט דערווייל נאר פארשנעלערט אויטאמאציע (ווי שוין עטליכע מאל געברענגט), אן זיך וויסנדיג צו מאכן פון די רעזולטאטן (ביידען האט זיך כאטש אפיציעל וויסנדיג געמאכט).
אין איין ווארט,
קען זיין אז א "דו-נאטינג" פרעזידענט איז אים מער צום הארצן, אויך אויפן פרייז פון א שוואכערע עקאנאמיע, ווי א שטורמישער פרעזידענט וואס גאלאפירט מיטן פולסטן שנעלקייט צום תהום (לדעתו).
מען קען זיך דינגען צי דער חשבון איז ריכטיג, אבער אויך אויב נישט מאכט עס אים נישט פאר קיין פארטיזאן העק. דאס וואלט מען ווען אפשר געזען ווען ער אינדארסירט ווען ביידען קעגן
זאלטען...