Amazing האט געשריבן:Amazing האט געשריבן:געהאט די זכי' זיך משתתף צו זיין ביים אפגיבן כבוד האחרון פאר הרב אהרן הכהן קאהן ז"ל לפני בית מדרש אפטא
עס האט זיך אנגעזעהן א גרויסע ציבור אריבער 100 מענער זיכער מן הסתם מער.
צום ערשט האט מספיד געווען אב"ד סאטמר מונסי זיין שוואגער ערהאט דערמאנט מת אחד מן האחין עס איז דא וואס זאגן הגדול שבאחין עס איז דא וואס זאגן הקטן שבאחיו, דא איז דא ביידע די גרעסטע ת"ח אין די משפחה "דא ליגט ש"ס בעיון" האט זיך די רב צושריגן און הקטן די יונגסטע ברודער, די לעצטע 14 יאר איז ער געווען א יושב אהל י"ד שנים בבית שם ועבר.
נאכדעם האט ר' מ"ש רז"ב דיין מספיד געווען ארויסגעברענגט אז ר' אהרן פלעגט לערנען 18 שעה א טעג כפשוטו ער האט איבערגיבעטן בשם די רב ער האט זיך נישט געקענט משתתף זיין און בשם הקהילה
הרב י"ש ראטטענשטיין ראש הכולל ער האט ארויסגעברענגט ווי ער פלעגט זיצן בהתמדה און נישט געוויסט וואס עס טוט זיך ארום, און מען פלעגט עם בעטן צו פארהערן די בחורים פון די קהילה ער האט געפרעגט וועלכע מסכתות און געבעטן 2 שעה געקענט זיין עטליכע מסכתות, און ער פלעגט עם רופען פארהערן זיין כתה אין צעהלים חדר אלס אן א גמרא, איינמאל האט ער געפרעגט די יונגליך נאכן פארהער ווער עס וויל א גוטע פארהער 9 קינדער האבן זיך אנגערופען און ער איז מיר זיך איבערגעגאנגן פון אויסענווייניג אלע רשי"ס
ווי אויך האט זיין ברודער ר' שלמה מספיד געווען און ר' יצחק שווארץ מייסד תורתיך שעשועי און א זוהן אויב קיינער וועט מיר מקדים זיין וועל איך באלד שרייבן די תוכן
אלע האבן ארויסגעברענגט זיין עניוות נישט געדולט ווען מען פלעגט עם גיבן כבוד, ווי אויך האט מען דערמאנט אז ער איז געווען א בעל תפילה זאל ער ממשיך זיין דארט מיט די תפילות.
אחיו הגדול ר' שלמה האט בקול בוכים מספיד געווען די קליינט ברודער זיין תורה ער פלעגט קומען לערנען מיט עם, שבת אינדערפרי האט ער געדאווענט מיט די ערשטע מנין שוין נאכן לערנען 3 שעה און נאכדעם געזיצן אין בית מדרש א גאנצע נאכמיטאג, ער האט אין איין נאכט געקענט גיין צו 4 בחינות דרשו, תורתיך, והגית, יסודי התורה ער האט עם געפרעגט וויאזוי ער קען לערנען 5 6 שעה אליינס אן חברותא האט ער עם גענטפערט עס איז נישט גרינג אנגעקומען ער האט עס אדורךגעבראכן.
ר' יצחק שווארץ ער האט נישט פארפעלט קיין איין בחינה פון תורתיך שעשועי יעצט אויף די קראנקע בעט האט ער עם געבעטן צו ברענגן די בחינה צו עם, די דוגמא וואס איך האב זיך פאהרגעשטעלט ביי אחת שאלתי שבתי בבית ה' כל ימי חיי איז געווען ר' אהרן קאהן.
די זוהן האט זיך געזעגנט אויך ארויסגעברענגט די תורה, ביי א לעצטיגע בחינה פון דרשו האט ער געזאגט ער ווייסט נישט צו ער מעג עס נעמען ווייל די ציל דערפון איז אז מען זאל לערנען און נישט ווען מען געדענקט פשוט די תשובות.
אב"ד סאטמר מאנסי האט פארציילט ווי ער האט געוואינט צו עם פארגאנגענע פרייטאג איך וויל איין זאך זיך צוריק צו זעהן אין בית מדרש ביי די גמרא.
די עיקר והחי יתן את לבו זיך אפצולערנען עס איז קיינמאל צו שפעט די חשובע נפטר האט זיך אוועקגעשטעלט על פי חשבון ביי די 46 47 יאר עס פארלאנגט א געוואלדיגע גבורת הנפש אבער דאס איז געווען א דוגמת חי אז מען קין דאס באווייזען און נאך אנגעיאגט צו מסיים זיין ש"ס בעיון.
איך קען נישט גלייבן די ביטערע בשורה, איך האב אים נישט געקענט פראזענדליך אבער זייענדיג א תושב אין די געגענט האב איך אסאך געזעהן אים הארעווען,
אבער איין עפיזאד שווימט מיר יעצט ארויף אויף די געדאנק,
עס איז געווען מן הסתם 10 -15 יאר צוריק ווען עס האט זיך געדרייט אין וויליאמסבורג א מיסיאנער וואס מען האט פון אים נישט געקענט פטור ווערן, די וויליאמסבורגע אידן וועלן אוודאי וויסן פון וועם איך רעדט,
איז איין שבת אינדערפרי איז מיר אריין אין די ביינער דעם מחזה ווי ר אהרן האט זיך גענומען שרייען אויפן גאס מיט קולות א מיסיאנער! א מיסיאנער! און דער האט זיך גענומען הייבן פיס, אז עס איז געגאנגען א רויעך, און כמדומה זייט דעמאלטס האט מען מער נישט געליטן פון אים,
דאס איז געווען שלא כהרגלו פשוט עס האט און אים געברענט א אידיש הארץ!