טישטוך האט געשריבן:איך האב קיינמאל נישט געוואוסט אז עס האט א נאמען...
איך לייד אויף דעם שוין יארן לאנג, כ׳קען נישט קיינמאל ארויסגיין עסן ווייל עס איבלט מיר שרעקליך די גערודער פון מענטשנס מיילער, עס איז שרעקליך, איר זאלט נישט געפרואווט ווערן דערמיט.
ביי שבת סעודות ביי מיין טאטן פלעג איך עסן אין קאך ווייל איינער פון מיין פאמיליע האט נישט געכאפט אז זי מאכט די גערודער.
ביי סיי וואסערע מסיבה זעץ איך זיך נישט אראפ ווייל איך וויל נישט זיין אויסגעשטעלט צו די סארט גערודער.
כ׳פלעג עס אמאל אנקוקן אז עס קומט פון אומפאראנטווארטליכקייט און דארפישקייט, אבער דאן האב איך געזען אז עס קען אפילו זיין נארמאלע רעספעקטירטע מענטשן מיט די אישו פון ׳טשאמקען׳.
מיין נאנטסטע חבר מאכט די גערודער און איך האב זיך שוין אמאל ערנסט צוקריגט מיט אים נאר ווייל איך בין געווארן נערוועז פון זיין עסן און כ׳האב נישט פאקוסירט אויף די דיסקוסיע.
הלואי קען מען פון דעם פטור ווערן !
ס'איז עפעס אזא סארט נערוו. ס'איז מיך אינטערעסאנט צו וויסן צו די ביסט בכלל א היפש מסודר'דיגער מענטש. פון איינס ביז צעהן. צעהן זענען מענטשן וואס זענען גאנץ מסודר, זייער טאג לויפט מיט די זעלבע יעדן טאג. און איינס זענען מענטשן וואס זענען גאנץ צופלויגן, יעדן טאג רוקט זיך עס גאנץ ארום.