אפגעבריעט! וואס זאל איך טון?

געזונט און רפואה

די אחראים: זייער נייגעריג,אחראי,thefact

אוועטאר
חוח בין השושנים
שר ארבעת האלפים
תגובות: 4132
זיך איינגעשריבן אום: זונטאג מאי 19, 2019 12:30 pm

אפגעבריעט! וואס זאל איך טון?

  • ציטיר
  • צו לייגן א דאנק דארפט איר זיין אריינגעלאגט

תגובה דורך חוח בין השושנים »

דאס האב איך באקומען פון א חבר מיינער פון מאנסי, און איך האלט אז ס'איז לתועלת עס ארויפצושטעלן דא אהער:

וויאזוי זאל איך באהאנדלען א ברי? וואס טו איך גלייך אויפן מינוט? און וואס טו איך אויב איך וויל עס באהאנדלען שעות נאכן זיך אפבריען?

איך בין נישט א דאקטער אדער פעראמעדיק, איך קען בלויז אפשרייבן מיין לעצטיגע עקספיריענס, לזיכוי הרבים. הערות און הוספות זענען געוואונטשען.

מיין צוויי-און-א-האלב יעריג טאכטער האט לעצטנס באוויזן אראפצושלעפן א בריעדיגע noodle soup פונעם קאונטער. זי האט נעבעך געשריגן מיט באנומענע צעקות עד לב השמים, איר בויך איז געווען שרעקליך אפגעבריעט און האט געברענט ווי 'אין פלאמען'. די סגולה (נישט א מיסטישע, נאר א נאטורליכע!) איז מעגליך באקאנט:

מען נעמט זאפארט רויע פאטעיטאס.
מען שיילט זיי אפ.
מען צורייבט זיי הדק היטב.
מען לייגט ארויף ווי מער דערפון אויפן ברי. ממש הויפנס.
מען וויקלט עס גוט ארום מיט gauze און מען פארבינדט עס מיט gauze tape.
מען לאזט עס דארט שעות לאנג (ראטזאם: כאטש 6 שעה).


ביז רגעים איז איר בויך געווען איינגעהילט אין די רויע קארטאפל געמויזעכץ. נאך 6-7 שעה איז כמעט נישט געווען מער קיין זכר פונעם ברי! חסדי השם! עהם, ס'נאך געווען רויט, אבער צומארגנס איז נישט געווען "קיין זכר" דערפון.

קארטאפל האט אן אויסטערלישן נאטורליכן קראפט - א מתנה פונעם רבש"ע צום מענטשהייט - ארויסצוציען בריען!

---

אבער די מעשה גייט ווייטער... זי האט נעבעך נישט אויפגעהערט וויינען, זייער יאמערליך. קיין זאך האט איר נישט בארואיגט. צום וואונדער פונעם גאנצן משפחה.

נאך 7 שעה פונעם אויסגוס, ווען מ'האט איר אויסגעטון די סענדעלס, האט זיך ארויסגעשטעלט אז די בריעדיגע זופ האט דארט אויך אריינגע'מבול'ט, א פאקט וואס מען האט אין אנהויב פארזען! אוי האט עס אויסגעקוקט שרעקליך! נורא נוראות! אויפגעבלאזן, געשוואלן, געל, אייטערדיג. א פחד א גרויל. איך האב שיער אוועקגע'חלש'ט בלויז פון קוקן דערויף א סעקונדע. עס האט זיך שווער געלאזט גלייבן אז דאס קען זיך נאך אמאל פארהיילן.

דא אין מאנסי און אין סקווירא זענען דא עטליכע וואס טוען די טעכניקן פון די בארימטע בעלת חסד מרת ראזענפעלד ע"ה. איינע איז מרת קליין אויף עלליש, און רביצין ווייסמאנדל אויף מעיפל. מ'איז תיכף געלאפן צו איינע פון זיי. זי האט עס באקרוינט מיטן טיטל "דריטע גראד ברי".

ווי זי האט מסביר געווען, קומט דאס צוליב דעם וואס די ברי איז נישט באהאנדלט געווארן גלייך, ממילא האט די ברי פארגעזעצט צו ברענען שעות לאנג און האט זיך איינגעגעסן טיפער און טיפער (א ברי קען פארזעצן צו ברענען ביז 6-8 שעה און עס דרינגט אריין טיפער און טיפער!). די זאקעלע אויפן פוס האט נאר צוגעגעבן אז די היץ זאל ווייטער קאכן און זידן.

זי האט זארגפעלטיג זיך אפגעגעבן דערמיט, עס באזאלבט און פראפעסיאנאל באנדאזשירט. גענצליך פריי פון אפצאל. פארשטייט זיך, אז זייערע הוצאות זענען גרויסע (פאר די טייערע זאלבן, ספעציעלע ספאנדזשעס און gauzes), ממילא האב איך צוליב מענטשליכקייט געצאלט א מינימום פאר די געטרייע וואלונטירן.

ביז יעצט נעם איך איר אהין דריי-פיר מאל א וואך, עס צו באהאנדלען, און יעצט - האלטנדיג צוויי-און-א-האלב וואכן שפעטער - ווערט עס ב"ה בעסער און בעסער, ממש נישט צום דערקענען! די פארברענטע הויט (און פלייש!) איז שוין צוריק ווי ניי, ס'איז נאר רויט און דארף נאך אלץ די שמירעכצער.

11 טעג האט מיין טאכטער נישט געקענט אראפטרעטן אויף דעם פוס, אבער ב"ה יעצט לויפט זי ארום כאחד האדם.

---

וואס בין איך געוואויר געווארן? טייל פון די נשים צדקניות וואס האבן זיך אריינגעלייגט אין דעם נושא, האבן אנגעהויבן זייער קאריערע נאכדעם וואס זייער'ס א קינד האט זיך אפגעבריעט פון... אט דעם סארט זופ! זיי טענה'ן אז די אינסטענט זופן האבן כעמיקאלן וואס פארשטארקן און האלטן לאנג די היץ פונעם זופ, און ס'ברענט און בראט געפערליך.

אה, שיער פארגעסן. אונז לאזן געווענליך נישט אריין די noodle soups ביי אונז אינדערהיים מחמת כמה טעמים. אבער איינע פון מיינע חברה האט עס פונקט 'אויסגעבעטן'... שוין, האט מען געצאלט רבי-געלט...
yoel2124441100
שר חמש מאות
תגובות: 899
זיך איינגעשריבן אום: דינסטאג יוני 30, 2015 2:54 pm

Re: אפגעבריעט! וואס זאל איך טון?

  • ציטיר
  • צו לייגן א דאנק דארפט איר זיין אריינגעלאגט

תגובה דורך yoel2124441100 »

דאס העלפט Magic,ס׳גוט צו לײגן פרישע קארטאפעל נאך א 10 מינוט אזױ געדענק איך מ׳האט מיר געזאגט
צביירושלים
שר חמישים ומאתים
תגובות: 317
זיך איינגעשריבן אום: זונטאג מארטש 24, 2019 4:03 pm

Re: אפגעבריעט! וואס זאל איך טון?

  • ציטיר
  • צו לייגן א דאנק דארפט איר זיין אריינגעלאגט

תגובה דורך צביירושלים »

שאלעכץ איז געניג אבער א סאך. ;l;p-
נא_שכל
שר שבעת אלפים
תגובות: 7999
זיך איינגעשריבן אום: מאנטאג יולי 14, 2008 10:44 pm
לאקאציע: עולם התורה

Re: אפגעבריעט! וואס זאל איך טון?

  • ציטיר
  • צו לייגן א דאנק דארפט איר זיין אריינגעלאגט

תגובה דורך נא_שכל »

לעצטענס איז דא וואס זאגן אז מ'זאל ענדערש לייגן האניג, עס ארבייט נאך בעסער.

הישמע כזאת?
וויאזוי צו אויפהייבן דיינע קינדער און נאנטע

"ושכל יצא משכל ..." (ר' ברכיה בן נטרונאי, בהקדמת ספרו 'משלי שועלים').
אוועטאר
farshlufen
שר שלשים אלף
תגובות: 35237
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

Re: אפגעבריעט! וואס זאל איך טון?

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

האניג האב איך נאך נישט געהערט.

קארטאפל האב מיר געהערט לאחר המעשה.

די אנדערע הנ"ל האט באוויזן וואונדער, געלויבט דעם פון אויבן.
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
אוועטאר
פארפלאנטערט
שר האלפיים
תגובות: 2468
זיך איינגעשריבן אום: פרייטאג יולי 11, 2014 2:28 pm

Re: אפגעבריעט! וואס זאל איך טון?

  • ציטיר
  • צו לייגן א דאנק דארפט איר זיין אריינגעלאגט

תגובה דורך פארפלאנטערט »

נא_שכל האט געשריבן:לעצטענס איז דא וואס זאגן אז מ'זאל ענדערש לייגן האניג, עס ארבייט נאך בעסער.

הישמע כזאת?

איך האב מיטגעהאלטן א שטיק ציייט צוריק א מעשה פון א קינד וואס האט זיך אפגעבריט

דער ערשטער הצלה מעמבער וואס איז אנגעקומען האט געלייגט צעריבענע פאטאטעיס

שפעטער האט א צווייטער הצלה מעמבער געברענגט נאטורליכע האניג
[email protected]

סארי פאר מיין אידישע מעסעדזש, איך האב נישט קיין ענגלישע קיבאורד...
צדיק בן צדיק
שר חמש מאות
תגובות: 971
זיך איינגעשריבן אום: דינסטאג נאוועמבער 05, 2019 9:21 pm

Re: אפגעבריעט! וואס זאל איך טון?

  • ציטיר
  • צו לייגן א דאנק דארפט איר זיין אריינגעלאגט

תגובה דורך צדיק בן צדיק »

איך האב בטעות אנגעכאפט א הייסע הענטל פון א אייזערנע טאפ, האב איך שנעל אויפגעקראכט צוויי רויע אייער אויפן קיטשען קאונטער און אראפ געלייגט מיינע פינגערס אויף דעם פאר בערך פופצען מינוט, נאכדעם האב איך גענומען א רויע פאטעיטע, געמאכט א לאך אין אריינגעשטעקט מיין פינגער אינדעם פאר א האלבע שעה, עס האט וויי געטאן פאר א פאר טאג, אבער ב״ה נישט געבליבן אפילו קיין זכר
ברוקלינער יונגערמאן
שר האלף
תגובות: 1750
זיך איינגעשריבן אום: זונטאג פעברואר 08, 2015 1:04 am

Re: אפגעבריעט! וואס זאל איך טון?

  • ציטיר
  • צו לייגן א דאנק דארפט איר זיין אריינגעלאגט

תגובה דורך ברוקלינער יונגערמאן »

נא_שכל האט געשריבן:לעצטענס איז דא וואס זאגן אז מ'זאל ענדערש לייגן האניג, עס ארבייט נאך בעסער.

הישמע כזאת?

הצלה האט אנגעפאנגען נוצן האניג די לעצטע שטיק צייט
איך האב געכאפט א ברי פאר פסח פון ביטערע הייסע זופ אויסגעגאסן העכער די האנט פלאך
כ'האב געשמירט האניג (מ'טאר עס נישט אפווישן) נאכאמאל און נאכאמאל
כ'וואלט נישט געזאגט אז ס'פארהיילט בעסער ווי פאטעיטאס אבער איין זאך יא אז בשעת די האניג ליגט פילט מען גארנישט
KMW
שר האלפיים
תגובות: 2283
זיך איינגעשריבן אום: דאנערשטאג פעברואר 23, 2017 11:05 am

Re: אפגעבריעט! וואס זאל איך טון?

  • ציטיר
  • צו לייגן א דאנק דארפט איר זיין אריינגעלאגט

תגובה דורך KMW »

איך האב דאס אינדערהײם על כל צרה, ארבעט געװאלדיג

Aloe Vera

https://www.amazon.com/Fruit-Earth-Aloe ... NrPXRydWU=
איבערגעדרייטע בענקל
שר חמש מאות
תגובות: 905
זיך איינגעשריבן אום: מיטוואך דעצעמבער 18, 2019 3:43 pm

Re: אפגעבריעט! וואס זאל איך טון?

  • ציטיר
  • צו לייגן א דאנק דארפט איר זיין אריינגעלאגט

תגובה דורך איבערגעדרייטע בענקל »

KMW האט געשריבן:איך האב דאס אינדערהײם על כל צרה, ארבעט געװאלדיג

Aloe Vera

https://www.amazon.com/Fruit-Earth-Aloe ... NrPXRydWU=

העלפט נישט פאר א שטארקע ברי פאר צי לאנג.

די מעלה פון האניג איז אז עס וועפט נישט אויס נאך 10-15 ווי פאטעיטאס.
"עקספעקט נישט פון מיר צו טראכטען גראד, איך בין דאך איבערגעדרייט"
אוועטאר
למעלה משבעים
שר עשרת אלפים
תגובות: 12394
זיך איינגעשריבן אום: זונטאג מארטש 02, 2008 10:17 pm
לאקאציע: ערגעץ פארבלאנדזשעט אויף די גראדע וואסערן

Re: אפגעבריעט! וואס זאל איך טון?

  • ציטיר
  • צו לייגן א דאנק דארפט איר זיין אריינגעלאגט

תגובה דורך למעלה משבעים »

כ'האב עס שוין דוכט זיך ערגעץ געשריבן. הצלה איז אמאל געקומען צו מיר ווען איינע פון מיינע קינדער האט אנגעצינדן דעם קעסל און געלאזט רינען אויפן גוף, האבן זיי ארויפגעלייגט דאס [זיי האבן געהאט דערפון א ריזן גרויסע] https://www.amazon.com/gp/product/B005H1OTLS/ זינט דאן האב איך דאס איינגעקויפט און שוין אנגעוויסן פאר אסאך, דאס ארבעט וואונדערליך, בלייבט נישט קיין זכר פון גארנישט, מען דארף אבער עס לייגן גלייך, און לייגן גענוג.
shik
שר העשר
תגובות: 33
זיך איינגעשריבן אום: זונטאג נאוועמבער 03, 2019 8:26 pm

Re: אפגעבריעט! וואס זאל איך טון?

  • ציטיר
  • צו לייגן א דאנק דארפט איר זיין אריינגעלאגט

תגובה דורך shik »

נא_שכל האט געשריבן:לעצטענס איז דא וואס זאגן אז מ'זאל ענדערש לייגן האניג, עס ארבייט נאך בעסער.

הישמע כזאת?

ס'העלפט פאר א בין שטאך
שרייב תגובה

צוריק צו “געזונטהייט”