קלארשטעלונג פון די הנהלה בנוגע וואס איז ערלויבט צו שטעלן אין דעם אשכול און וואס נישט:
◄ ווייז ספוילער
ליידער מאכט זיך כסדר אז געוויסע אויסגאבעס פרובירן צו שיקן א מעסעדזש צו א צד שכנגד מיט אראפרייסערישע קעפלעך, און וויבאלד מיר פארמאגן דא אן אשכול וואס ערלויבט ארויפצושטעלן דעקלעך, קומט אויס אז טעמעס וועלכע זענען בעצם פארבאטן ביי אונז, ווערן אריינגעשטופט פון אן הינטער טירל.
מיר האבן שוין פרובירט צו מעקן, שוין פרובירט צו לאזן - אונטער'ן לעגיטימען אויסרייד פון "מיר נעמען נישט קיין אחריות אויפ'ן תוכן ה'דעקל", אבער מיר שפירן אז מען מוז מאכן א שטיקל קלארע פאליסי דערוועגן.
אשר על כן, מהיום והלאה וועט גילטן דער פאלגנדער כלל:
1. א דעקל וואס פראפאגאנדירט אייגענע לייסטונגען און שטעלונגען (אפילו מיט זעלבסט פאבריצירטע פאקטן), אן אראפרייסן א צווייטן, וועט טאלערירט ווערן
2. א דעקל וואס רייסט אראפ א צווייטן, וועט אראפגענומען ווערן (בעסער געזאגט: זאל מען בכלל נישט ארויפשטעלן - סיידן מען פארמעקט די פראוואצירנדע ווערטער)
3. וויבאלד הא גופא קען זיין מוטל בספק, רעזערווירט די הנהלה די רעכט אליינס צו באשליסן וועלכע דעקל פאלט אין וועלכע קאטעגאריע
והעושה שלום במרומיו הוא יעשה שלום עלינו ועל כל ישראל ואמרו אמן
חנוך גרינבערגער פרעזענטירט: דראמא אין וואלד! טימי איז פארלוירן געגאנגען אינעם גיגאנטישן "סטערלינג פארעסט סטעיט פארק", א געדעכטע וואלד פון איבער צוואנציג טויזנט אקערלאנד. טימי פעלט שוין באלד פיר און צוואנציג שעה און אויפ'ן פלאץ גייט א שלאקס רעגן. טימי'ס לעבן איז אין געפאר. א גרופע פון געלערנטע וואלונטירן זענען אין קאמף קעגן דעם זייגער אפצוגעפינען טימי א לעבעדיגן / חנוך גרינבערגער נעמט אנטייל אין א דראמאטישער רעטונג טרענירונגס אקציע מיט די געשולטע מיטגלידער פון "קאמסאר", די פארהעלטניסמעסיג נייע ארגאניזאציע וואס שטעלט צו פראפעסיאנאלע הילף אין "סוירטש-און-רעסקיו" סיטואציעס / גרינדונג געשיכטע ווי א גרופע יונגעלייט האבן גענומען זייער געפיל פאר "הייקינג" און עס פארוואנדלט אין א פראפעסיאנעלער כמו-מיליטערישער גווארדיע פון זוכערס-און-רעטערס
בְּרִנָּה יָגִילוּ: מנחם גאלד פריידט זיך מיט בשמחת ק״ק היכל הקודש ד׳ברסלב, און דער מנהיג-רוחני וראש הישיבה הגה״צ רבי יואל ראטה שליט״א, און האלט מיט די היסטארישע נאכט פונדערנאנט מיט אפענע אויגן און אויערן / די רבי׳שע רעוואלוציאנערנדע חתונה פון עלטסטן קינד פון ראש ישיבת תפארת התורה, און די דעטאלירטע רשימה פון אלע הוצאות פונעם שידוך-שליסן ביז נאך שבע-ברכות, שטורעמט דעם סדר היום ביים היימישן אידנטום
הרב שלום יעקב וואזנער: א אידישע שטוב איז נישט א לופטפעלד --- הרב שבתי פריעד: ווען דער רבי האט נישט קיין נערוון --- אליהו יואל גליק: נייע תקנה: איר דארפט טראגן שיינע ברילן--- יוסי געשטעטנער: ״רעליגיעזע עקזעמפּשאן״ און ״טרואנסי״ --- די געשיכטע פונעם ״דזשארדזש וואשינגטאן״ בריק --- "כולנו" לאזט פינגער-אפּדרוקן: מוזיקאלישע וועלט באגריסט נייעם לעבעדיגן "כולנו" טאנץ-ליד אין צוזאמענהאנג מיט דער מאנומענטאלער "פינגערפרינט" מוזיקאלישער פראיעקט --- שמועס מיט מוהל מומחה נאך היסטארישער אסיפת הרבנים אין וויליאמסבורג
איך מיין אז די בילד אויף די בליק דעקל איז נישט אזוי בכבוד׳דיג. איך קוק אן אביסיל פאני אז מען האט אויפגעבלאזן א בילד ווי ער שטייט אין א לאך און קריכט ארויף אויף א לייטער, און עס נאך געלייגט אין גרויס אויף א פראנט דעקל.
פרעמדע הענט? — "טשיילד אביוז" אדער אומזיסטע פּייניגונגען? א גרינטליכן אריינבליק איבער די אקטיוויטעטן אינערהאלב די "טשיילד-פּראָטעקטיוו-סערוויסעס" אגענטור --- טאטע וואס איז געפאלן א קרבן, שילדערט ווייטאגליכע ערפארונג אין די הענט פון "טשיילד פראטעקטיוו סערוויסעס" --- חרדי'שער קאמיוניטי ליעזאן צו די ACS, העסקן הדגול הרב עזריאל יודא כ"ץ פון וויליאמסבורג, טיילט מיט וויכטיגע אינפארמאציע וויאזוי אויסצומיידן אומזיסטע עגמת נפש
חנוך גרינבערגער אויף א קורצער דאטשע פארגאנגענעם שב״ק ביי די בארטנס פון אידישן ישוב אין סי-געיט, ניו יארק --- חנוך לערנט פרק אין ר' מרדכי ווערדיגער'ס שול און טאדלט א הויפט אנפירער פון די אנטי-וואקסין מערכה
אליהו יואל גליק: רדיפות און בוליאינג אין קעמפ --- יוסי געשטעטנער: ווער דארף שולע-הפסקה בעפאר קעמפ? --- הרב שבתי פריעד: אויסער צוויי אויבער-חכמים... ---סודות פון רבי טובי׳ מאיר: א נדבה פאר די מאלפּעס --- א נאכט-שיעור ביי הגאון רבי ישראל דוד שלעזינגער --- מנחם גאלד ביים כינוס דולה ומשקה אין קרית יואל ---צווייטער טייל פון דער ״וואשינגטאן בריק״ געשיכטע --- הרב אלכסנדר נמדר: 67,000$ קנס פאר שוועדישער רעגירונג --- און נאך!
